Կվեկվե
Կվեկվե (անգլ.՝ Kwekwe), քաղաք Զիմբաբվեում։ Միդլենդս նահանգի և համանուն սեբի կենտրոնն է։ Բնակչությունը՝ 108,178 մարդ (2017 թվականի գնահատական)[1]։
| Բնակավայր | |||
|---|---|---|---|
| Կվեկվե | |||
| |||
 | |||
| Երկիր |  Զիմբաբվե | ||
| Հիմնադրված է | 1898 թ. | ||
| ԲԾՄ | 1220 մետր, 1203 մետր | ||
| Բնակչություն | 93 072 մարդ (2002) | ||
| Ժամային գոտի | UTC+2 | ||
| Հեռախոսային կոդ | 055 | ||
| |||
Կլիմա
Քաղաքը գտնվում է երկրի ներքին մասում՝ հենց նրա կենտրոնում։
| Կվեկվե (1961–1990)ի կլիմայական տվյալները | |||||||||||||
|---|---|---|---|---|---|---|---|---|---|---|---|---|---|
| Ամիս | հունվ | փետ | մարտ | ապր | մայ | հուն | հուլ | օգոս | սեպ | հոկ | նոյ | դեկ | Տարի |
| Միջին բարձր °C (°F) | 28.4 (83.1) | 28.2 (82.8) | 28.3 (82.9) | 27.6 (81.7) | 25.5 (77.9) | 25.5 (77.9) | 23.3 (73.9) | 26.0 (78.8) | 29.5 (85.1) | 31.1 (88) | 29.5 (85.1) | 28.3 (82.9) | 27.6 (81.7) |
| Միջին ցածր °C (°F) | 16.9 (62.4) | 16.5 (61.7) | 15.0 (59) | 12.8 (55) | 8.7 (47.7) | 8.7 (47.7) | 5.9 (42.6) | 7.8 (46) | 11.7 (53.1) | 15.2 (59.4) | 16.5 (61.7) | 16.9 (62.4) | 12.7 (54.9) |
| Անձրևի տեղումներ մմ (դյույմ) | 158.7 (6.248) | 119.1 (4.689) | 62.6 (2.465) | 29.1 (1.146) | 5.3 (0.209) | 2.0 (0.079) | 0.5 (0.02) | 0.4 (0.016) | 5.4 (0.213) | 24.8 (0.976) | 85.4 (3.362) | 144.6 (5.693) | 637.9 (25.114) |
| Միջ. անձրևոտ օրեր | 13 | 10 | 6 | 3 | 0 | 0 | 0 | 0 | 1 | 4 | 9 | 13 | 59 |
| աղբյուր: World Meteorological Organization[2] | |||||||||||||
Պատմություն
Քաղաքի պատմությունը կապված է 19-րդ դարի վերջին եվրոպացիների այս վայրեր ժամանելու հետ։ 1894 թվականին այստեղ հայտնաբերվել են ոսկու արդյունահանման հետքեր, որոնք գոյություն են ունեցել հնուց։ Բնակավայրն ինքնին հիմնադրվել է 1902 թվականին և ստացել է իր անվանումը այստեղ հոսող Կվեկվե գետի անունից (տեղի բնակչության լեզվով «կվեկվե» նշանակում է կա՛մ գորտի կռկռոց, կա՛մ ամբոխ)։ 1902 թվականին Կվեկվեն ստացել է գյուղի կարգավիճակ, 1928 թվականին՝ փոքր քաղաքի (թաունա), իսկ 1934 թվականին՝ քաղաքային մունիցիպալիտետի։ 1980 թվականից՝ Զիմբաբվեի անկախ պետության մաս։
Բնակչություն
Ըստ 2002 թվականի մարդահամարի տվյալների՝ Կվեկվեի բնակչությունը կազմում էր 93608 մարդ[3]։ 2010 թվականի հաշվարկներով այս ցուցանիշն աճել է մինչև 99149 մարդ[4]։ 2017 թվականին բնակիչների թիվը հասել է 108178-ի։
Տնտեսություն
Ներկայումս Կվեկվեն արդյունաբերական քաղաք է, որը գտնվում է երկրի հենց կենտրոնում գտնվող գլխավոր վայրում, ճանապարհների և երկաթգծերի մեջտեղում, որոնք կապում են Զիմբաբվեի երկու ամենամեծ քաղաքները՝ Հարարեն և Բուլավայոն։ Քաղաքի արդյունաբերական ձեռնարկություններն արտադրում են պողպատ և քրոմ, ինչպես նաև երկաթուղային գծերի ռելսեր։ Քաղաքի շրջակայքի բնակիչները զբաղվում են գյուղատնտեսությամբ, այդ թվում՝ ծխախոտի մշակությամբ և խոշոր եղջերավոր կենդանիների անասնապահությամբ։ Այստեղ է գտնվում նաև երկրի ամենամեծ պարարտանյութերի արտադրության կենտրոններից մեկը[5]։
Տեղի առողջապահության համակարգի հիմնական օղակը Կվեկվեի կենտրոնական հիվանդանոցն է։
Ծանոթագրություններ
Արտաքին հղումներ
 | Վիքիպահեստն ունի նյութեր, որոնք վերաբերում են «Կվեկվե» հոդվածին։ |