Կիրկեն գավաթը մատուցում է Ոդիսևսին
«Կիրկեն գավաթը մատուցում է Ոդիսևսին»[1] (անգլ.՝ Circe Offering the Cup to Ulysses), անգլիացի պրեռաֆայելիտ նկարիչ Ջոն Ուիլյամ Ուոթերհաուսի նկարը՝ ստեղծված մոտ 1891 թվականին։ Կտավը դարձել է Ուոթերհաուսի նկարների շարքի շարունակությունը, որտեղ պատկերել է իշխանությամբ օժտված կանանց, ինչն արտացոլել է 20-րդ դարի շեմին վիկտորյական Բրիտանիայում տեղի ունեցող փոփոխությունները[2]։ Նկարը եղել է դիցաբանական դասական կերպար Կիրկեի առաջին պատկերումը, որին հաջորդել են «Կիրկե» (1892) և «Կախարդուհին» (մոտ 1911) նկարները։ Գտնվում է Օլդեմի պատկերասրահում, Միացյալ Թագավորություն։
 | |
|---|---|
 | |
| տեսակ | գեղանկար |
| նկարիչ | Հենրի |
| տարի | 1891 |
| բարձրություն | 148 սանտիմետր |
| ուղղություն | Պրեռաֆայելիտներ |
| ժանր | դիցաբանական գեղանկարչություն |
| նյութ | յուղաներկ և կտավ |
| գտնվում է | Օլդեմի պատկերասրահ |
| հավաքածու | Օլդեմի պատկերասրահ |
| հիմնական թեմա | Circe and Odysseus? |
պատկերված են | |
| կայք | |
Ծանոթագրություններ | |
Սյուժե և նկարագրություն
Նկարում պատկերված է տեսարան Հոմերոսի «Ոդիսական» պոեմից, որտեղ կախարդուհի Կիրկեն Ոդիսևսին առաջարկում է կախարդական ըմպելիք, որի միջոցով նա փորձում է ենթարկել Ոդիսևսին իր կախարդանքներին, քանի որ արդեն արել էր նրա խմբի հետ։ Ոդիսևսին կարելի է տեսնել Կիրկեի գահի հետևում գտնվող հայելու մեջ, իսկ Ոդիսևսի ուղեկիցներից մեկին, որը կախարդանքով փոխակերպվել էր խոզի, կարելի է տեսնել Կիրեկի ոտքերի մոտ[2]։
Վերլուծություն
Ուոթերհաուսը ցույց է տալիս, որ Կիրկեն վերահսկում է իրավիճակը՝ նրան տեղակայելով դիտողից բարձր դիրքում։ Նրա նստատեղը գտնվում է աստիճանի վրա, իսկ կախարդուհին նկարված է բարձր պահած կզակով, այդպիսով մենք պետք է նայենք նրա աչքերին, երբ նա նայում է ներքև։ Այդ կերպ նկարիչը խաղարկում է Կիրկեի կեցվածքը, որպեսզի նրան դնի գերակշիռ դիրքում։ Բացի այդ՝ Կիրկեի հետին ֆոնը ցույց է տալիս ուժ, քանի որ նրա մարմինը երիզող առարկաները՝ հայելին և բազկաթոռի արմնկակալները ստեղծում են գահի տպավորություն[3]։