Կարի Առնասոն
Կարի Առնասոն, Կաուրի Աուդնասոն (իսլ.՝ Kári Árnason, հոկտեմբերի 13, 1982[2][3], Գյոթեբորգ), իսլանդացի ֆուտբոլիստ, շոտլանդական «Աբերդին» ակումբի պաշտպան, Իսլանդիայի հավաքականի խաղացող։ Կարող է խաղալ ինչպես պաշտպանի, այնպես էլ կիսապաշտպանի դիրքում[4]։
![]() | |||||||||||||||||||||||||||||||||
Անձնական տվյալներ | |||||||||||||||||||||||||||||||||
Ամբողջական անուն | Կարի Առնասոն[1] | ||||||||||||||||||||||||||||||||
Քաղաքացիությունը | ![]() | ||||||||||||||||||||||||||||||||
Ծննդյան ամսաթիվ | հոկտեմբերի 13, 1982[2][3] (41 տարեկան) | ||||||||||||||||||||||||||||||||
Ծննդավայր | Գյոթեբորգ | ||||||||||||||||||||||||||||||||
Հասակ | 190 սանտիմետր | ||||||||||||||||||||||||||||||||
Քաշ | 87 կիլոգրամ | ||||||||||||||||||||||||||||||||
Դիրք | կիսապաշտպան, պաշտպան | ||||||||||||||||||||||||||||||||
Ակումբային տեղեկություններ | |||||||||||||||||||||||||||||||||
Ներկա ակումբ | ![]() | ||||||||||||||||||||||||||||||||
Համար | 14 | ||||||||||||||||||||||||||||||||
Պատանեկան կարիերա | |||||||||||||||||||||||||||||||||
| |||||||||||||||||||||||||||||||||
Մասնագիտական կարիերա* | |||||||||||||||||||||||||||||||||
Տարի | Ակումբ | Խաղ | (Գոլ) | ||||||||||||||||||||||||||||||
| |||||||||||||||||||||||||||||||||
Ազգային հավաքական‡ | |||||||||||||||||||||||||||||||||
| |||||||||||||||||||||||||||||||||
* Մասնագիտական կարիերայում ընդգրկված են միայն առաջնության խաղերը և գոլերը |
Ակումբային կարիերա
Վաղ տարիներ
Կարի Առնասոնը ծնվել է Շվեդիայի Գյոթեբորգ քաղաքում[5]։ Ֆուտբոլով զբաղվել սկսել է իսլանդական «Վիկինգուր» ակումբում, որտեղ անցկացրել է հինգ տարի։ 2004 թվականին պայմանագիր է կնքել և տեղափոխվել շվեդական «Յուրգորդեն» ակումբ։ 2005 թվականին ակումբի կազմում դարձել է Շվեդիայի չեմպիոն, ինչպես նաև նվաճել է Շվեդիայի գավաթը։ 2007 թվականին պայմանագիր է կնքել դանիական «Օրհուս» ակումբի հետ, որտեղ անցկացրել է երկու տարի։ Նաև վարձավճարային հիմունքներով հանդես է եկել «Էսբերգ» ակումբում։
«Պլիմութ Արգայլ»
Կարի Առնասոնը 2009 թվականի ամռանը դիտումների է մասնակցել անգլիական «Պլիմութ Արգայլում» և մի քանի ընկերական խաղերից հետո պայամանգիր է կնքել ակումբի հետ մեկ տարով։ Թիմի կազմում իր նորամուտը կատարել է 2009 թվականի օգոստոսին՝ մասնակցելով «Դերբի Կաունտի» ակումբի դեմ խաղին։ Կարին իրեն միանգամից լավ է դրսևորել և տեղ է ստացել առաջին թիմի պաշտպանության կենտրոնում։ Ակումբի կազմում իր առաջին գոլը հեղինակել է 2009 թվականի դեկտեմբերի 28-ին կայացած «Ռեդինգ» ակումբի դեմ խաղում[6]։ 2010 թվականի հունվարին Կարին ակումբի հետ իր պայմանագրի ժամկետը երկարաձգել է երկու տարով[7]։ Ակումբից հեռացել է 2011 թվականի հունիսին աշխատավարձի վերաբերյալ եղած տարաձայնությունների պատճառով։
«Աբերդին»
2011 թվականի հունիսին Կարի Առնասոնը դիտումների է մեկնել շոտլանդական «Հարթ օֆ Միդլոտիան» ակումբում Իտալիայում անցկացվող միջմրցաշրջանային հավաքների ժամանակ[8]։ Սակայն ակումբն այդպես էլ ֆուտբոլիստին պայմանագիր չի առաջարկել, և Կարին ստիպված է եղել մասնակցել դիտումների շոտլանդական մեկ այլ ակումբում՝ «Աբերդինում»[9]։ Ակումբի հետ պայամանգիր է կնքել հուլիսի 18-ին[10]։ Ակումբի կազմում իր նորամուտը Կարին կատարել է հուլիսի 23-ին՝ մասնակցելով «Սենտ Ջոնսթոն» ակումբի դեմ խաղին։ «Աբերդինի» կազմում իր առաջին գոլը հեղինակել է հոկտեմբերի 15-ին «Դանդի Յունայթեդի» դեմ խաղում[11]։ 2012 թվականի հունվարի 2-ին՝ «Դերբի Նոր Ֆիրմայի»՝ «Դանդի Յունայթեդի» դեմ պատասխան խաղում Կարին խփել է վերջին գոլը 30 յարդ (27,4 մետր) հեռավորությունից[12]։ Դեկտեմբերին ակումբն առաջարկել է երկարաձգել Կարի հետ կնքված պայմանագրի ժամկետը, սակայն ֆուտբոլիստը մերժել է[13]։ Ակումբի մենեջեր Քրեյբ Բրաունն ասել է. «Մենք Կարիին արեցինք բացառիկ լավ առաջարկ։ Այնուամենայնիվ, խաղացողը կարծում է, որ ինքը կարող է կնքել ավելի շահավետ գործարք այլ տեղում»[14][15]։
«Ռոտերեմ Յունայթեդ»
Կարին տեղափոխվել է անգլիական «Ռոտերեմ Յունայթեդ» 2012 թվականին։ Ակումբի կազմում անցկացրել է ավելի քան 100 հանդիպում, որոնց մեծ մասի ընթացքում հանդես է եկել պաշտպանությունում, մնացածում՝ կիսապաշտպանությունում։
«Մալմյո»
«Ռոտերեմ Յունայթեդի» հետ պայմանագրի ժամկետի ավարտից հետո Կարի Առնասոնը 2015 թվականի հունիսի 29-ին պայմանագիր է կնքել շվեդական «Մալմյո» ակումբի հետ երկուսուկես տարով[16]։
Կարիերան հավաքականում
Կարի Առնասոնն Իսլանդիայի հավաքական հրավիրվել է 2005 թվականի մարտին՝ մասնակցելու Խորվաթիայի հավաքականի դեմ խաղին։ Հավաքականի կազմում իր նորամուտը կատարել է չորս օր անց՝ Իտալիայի հավաքականի դեմ խաղում[17]։ Հավաքականի կազմում իր առաջին գոլը Կարի Առնասոնը հեղինակել է 2005 թվականի հոկտեմբերին՝ Շվեդիայի հավաքականի դեմ խաղում, որն անցկացվել է «Ռոսունդա» մարզադաշտում[18]։
# | Ամսաթիվ | Վայր | Հակառակորդ | Գոլեր | Արդյունք | Մրցաշար |
---|---|---|---|---|---|---|
1. | 12 հոկտեմբերի, 2005 | Ռոսունդա, Ստոկհոլմ, Շվեդիա | ![]() | 1:0 | 1:3 | ԱԱ-2006 որակավորման փուլ |
2. | 7 սեպտեմբերի, 2012 | Լաուգարդալսվյոլուր, Ռեյկյավիկ, Իսլանդիա | ![]() | 1:0 | 2:0 | ԱԱ-2014 որակավորման փուլ |
Ձեռքբերումներ
- «Յուրգորդեն»
- Շվեդիայի չեմպիոն – 2005
- Շվեդիայի գավաթակիր – 2005
Ծանոթագրություններ
Արտաքին հղումներ
- Ցուցանիշները soccerbase.com կայքում (անգլ.)
- Ֆուտբոլիստի էջը danskfodbold.com կայքում
- Պրոֆիլը transfermarkt.com կայքում(անգլ.)
![]() | Վիքիպահեստն ունի նյութեր, որոնք վերաբերում են «Կարի Առնասոն» հոդվածին։ |