Խայմե Մատա
Խայմե Մատա (իսպ.՝ Jaime Mata, հոկտեմբերի 24, 1988[1][2], Մադրիդ, Իսպանիա), իսպանացի պրոֆեսիոնալ ֆուտբոլիստ։ Ներկայումս հանդես է գալիս Խետաֆեի և Իսպանիայի ազգային հավաքականի կազմում։ Խաղում է կենտրոնական հարձակվողի դիրքում[3]։
![]() Մատան Ժիրոնայի կազմում 2015 թվականին | |||
Անձնական տվյալներ | |||
Ամբողջական անուն | Jaime Mata Arnaiz | ||
Քաղաքացիությունը | ![]() | ||
Ծննդյան ամսաթիվ | հոկտեմբերի 24, 1988[1][2] (35 տարեկան) | ||
Ծննդավայր | Մադրիդ, Իսպանիա | ||
Հասակ | 185 սմ | ||
Քաշ | 79 կգ | ||
Դիրք | կենտրոնական հարձակվող | ||
Ակումբային տեղեկություններ | |||
Ներկա ակումբ | ![]() | ||
Համար | 7 | ||
Պատանեկան կարիերա | |||
1998-2000 | ![]() | ||
2000-2007 | ![]() | ||
Մասնագիտական կարիերա* | |||
Տարի | Ակումբ | Խաղ | (Գոլ) |
2007-2008 | ![]() | ||
2008-2010 | ![]() | 42 | (17) |
2010-2012 | ![]() | 37 | (9) |
2010 | → ![]() | 20 | (9) |
2010-2011 | → ![]() | 37 | (25) |
2012-2014 | ![]() | 70 | (29) |
2014-2016 | ![]() | 76 | (19) |
2016-2018 | ![]() | 67 | (38) |
2018-ներկա | ![]() | 42 | (18) |
Ազգային հավաքական‡ | |||
2019-ներկա | ![]() | 1 | (0) |
* Մասնագիտական կարիերայում ընդգրկված են միայն առաջնության խաղերը և գոլերը |
Ակումբային կարիերա
Վաղ կարիերա
Պրոֆեսիոնալ ֆուտբոլիստի կարիերան Մատան սկսել է Գալակտիկո Պեգասոյի կազմում[4][5]։ Իր դեբյուտը Տերսերա Դիվիզիոնում նշելուց հետո, 2009 թվականի դեկտեմբերին իսպանացին միացավ Ռայո Վալեկանոյին, ինչից միանգամից հետո վարձավճարով տեղափոխվեց Սոկուելյամոս, որը նույնպես հանդես էր գալիս Իսպանիայի չորրորդ դիվիզիոնում։ 2010-11 մրցաշրջանը Մատան վարձավճարով անցկացրեց Մոստոլեսում[6]։ 2011 թվականի ամռանը նա վերադարձավ Ռայո Վալեկանո՝ հանդես գալով ակումբի երկրորդ թիմի կազմում։ 2012 թվականի հուլիսի 5-ին Մատան տեղափոխվեց Լյեյդա Էսպորտիու[7], որի կազմում անցկացրեց 2 մրցաշրջաններում անցկացրեց 78 հանդիպում՝ դառնալով 33 գոլի հեղինակ։
Ժիրոնա
2014 թվականի հունիսին Մատան տեղափոխվեց Ժիրոնա[8][9]։ Իր առաջին հանդիպումը Սեգունդա Դիվիզիոնում անցկացրեց օգոստոսի 24-ին՝ մեկնարկային կազմում խաղադաշտ դուրս գալով Ռասինգ Սանտանդերի դեմ խաղում[10][11]։ Ժիրոնայի կազմում առաջին գոլը խփեց օգոստոսի 30-ին՝ Ալկորկոնի դեմ խաղում[12][13]։ 2015 թվականի հունիսի 11-ին Մատան դուբլ ձևակերպեց Սեգունդա Դիվիզիոնի տեղափոխության կիսաեզրափակչի Ռեալ Սարագոսայի դեմ խաղում[14][15], սակայն Ժիրոնան պարտվեց երկու խաղերի արդյունքում[16]։ 2016 թվականի ապրիլի 23-ին նա 2 գոլ խփեց Ալբասետեի դեմ խաղում[17]։ Ժիրոնայի կազմում Մատան անցկացրեց 82 հանդիպում՝ դառնալով 21 գոլի և 7 գոլային փոխանցման հեղինակ։
Ռեալ Վալյադոլիդ
2016 թվականի հունիսի 30-ին Մատան 2 տարվա պայմանագիր կնքեց Ռեալ Վալյադոլիդի հետ[18]։ Իր առաջին գոլը ակումբի կազմում խփեց սեպտեմբերի 3-ին՝ Ժիրոնայիդեմ խաղում[19]։ 2017 թվականի օգոստոսի 26-ին իսպանացին դուբլի հեղինակ դարձավ Սևիլյա B-ի դեմ խաղում[20]։ Հոկտեմբերի 22-ին Մատան գոլ խփեց Լուգոյի դեմ խաղի վերջին րոպեին՝ փրկելով Վալյադոլիդին պարտությունից[21]։ 2018 թվականի հունվարի 13-ին նա խփեց Բարսելոնա B-ի դեմ հանդիպման միակ գնդակը՝ 1-0 հաշվով հաղթանակ պարգևելով իր թիմին[22]։ Փետրվարի 16-ին Մատան 2 գոլի և գոլային փոխանցման հեղինակ դարձավ Հուեսկայի դեմ խաղում, իսկ հանդիպումն ավարտվեց 3-2 հաշվով[23]։ Մայիսի 19-ին իսպանացին հեթ-տրիկ ձևակերպեց Լորկայի դեմ խաղում[24][25]։ 2017-18 մրցաշրջանում Մատան դարձավ 33 գոլի հեղինակ առաջնությունում[26]՝ դառնալով Սեգունդա Դիվիզիոնի լավագույն ռմբարկուն[27] և օգնելով Վալյադոլիդին տեղափոխվել Լա Լիգա[28][29]։
Խետաֆե
2018 թվականի հուլիսի 2-ին Մատան որպես ազատ գործակալ տեղափոխվեց Խետաֆե՝ ակումբի հետ կնքելով 3 տարվա պայմանագիր[30][31][32]։ Իր դեբյուտը Լա Լիգայում նշեց օգոստոսի 19-ին՝ 29 տարեկան հասակում՝ փոխարինման մտնելով Ռեալ Մադրիդի դեմ խաղում[33][34]։ Իսպանիայի առաջնությունում առաջին գոլը խփեց հոկտեմբերի 1-ին՝ Սելտա Վիգոյի դեմ խաղում[35][36]։ Հոկտեմբերի 31-ին Մատան դուբլ ձևակերպեց Իսպանիայի գավաթի Կորդովայի դեմ խաղում[37]։ 2019 թվականի հունվարի 18-ին նա 2 գոլի և 1 գոլային փոխանցման հեղինակ դարձավ Ալավեսի դեմ խաղում[38]։ Փետրվարի 9-ին՝ Սելտա Վիգոյի դեմ խաղում իսպանացին դարձավ 2 գոլի և գոլային փոխանցման հեղինակ՝ օգնելով Խետաֆեին հաղթել 3-1 հաշվով[39][40]։ Փետրվարի 23-ին Մատան գոլի և գոլային փոխանցման հեղինակ դարձավ Ռայո Վալեկանոյի դեմ խաղում, իսկ հանդիպումն ավարտվեց 2-1 հաշվով[41]։ Փետրվարին նա ճանաչվեց Լա Լիգայի ամսվա լավագույն ֆուտբոլիստ[42][43]։ Մարտի 9-ին իսպանացին դուբլ ձևակերպեց Հուեսկայի դեմ խաղում՝ 2-1 հաշվով հաղթանակ պարգևելով իր թիմին[44]։ Իր առաջին մրցաշրջանում Մատան անցկացրեց 38 հանդիպում՝ դառնալով 16 գոլի և 6 գոլային փոխանցման հեղինակ[45], իսկ Խետաֆեն զբաղեցեց 5-րդ հորիզոնականը առաջնությունում[46][47]։
2019 թվականի օգոստոսի 24-ին Մատան գոլի հեղինակ դարձավ Ատլետիկ Բիլբաոյի դեմ խաղում, իսկ հանդիպումն ավարտվեց 1-1 հաշվով[48]։ Առաջին հանդիպումը եվրոպական առաջնություններում անցկացրեց սեպտեմբերի 19-ին՝ փոխարինման մտնելով Եվրոպայի Լիգայի խմբային փուլի Տրաբզոնսպորի դեմ խաղում[49][50]։ Հոկտեմբերի 6-ին նա գոլ խփեց Ռեալ Սոսիեդադի դեմ խաղում՝ օգնելով իր թիմին հաղթել 2-1 հաշվով[51]։
Միջազգային կարիերա
Իսպանիայի ազգային հավաքական Մատան առաջին անգամ հրավիրվեց 2019 թվականի մարտի 15-ին՝ Նորվեգիայի և Մալթայի դեմ խաղերի համար[52][53][54][55]։ Իր դեբյուտը ազգային հավաքականում նշեց մարտի 23-ին՝ փոխարինելով Ալվարո Մորատային Նորվեգիայի դեմ խաղում[56][57]։
Կարիերայի վիճակագրություն
Ակումբային վիճակագրություն
2019 թվականի հոկտեմբերի 10-ի դրությամբ[58]
Ակումբ | Մրցաշրջան | Առաջնություն | Գավաթ | Եվրոպա | Այլ | Ընդհանուր | ||||||
---|---|---|---|---|---|---|---|---|---|---|---|---|
Դիվիզիոն | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | ||
Ռայո Վալեկանո B | 2011–12 | Սեգունդա Դիվիզիոն B | 37 | 9 | — | 37 | 9 | |||||
Լյեյդա Էսպորտիու | 2012–13 | 34 | 14 | 0 | 0 | — | 4 | 2 | 38 | 16 | ||
2013–14 | 36 | 15 | 4 | 2 | 4 | 0 | 44 | 17 | ||||
Ընդհանուր | 70 | 29 | 4 | 2 | 0 | 0 | 8 | 2 | 82 | 33 | ||
Ժիրոնա | 2014–15 | Սեգունդա Դիվիզիոն | 38 | 10 | 1 | 0 | — | 2 | 2 | 41 | 12 | |
2015–164 | 38 | 9 | 0 | 0 | 3 | 41 | 9 | |||||
Ընդհանուր | 76 | 19 | 1 | 0 | 0 | 0 | 5 | 2 | 82 | 21 | ||
Ռեալ Վալյադոլիդ | 2016–17 | Սեգունդա Դիվիզիոն | 28 | 5 | 3 | 1 | — | — | 31 | 6 | ||
2017–18 | 39 | 33 | 2 | 0 | 4 | 2 | 45 | 35 | ||||
Ընդհանուր | 67 | 38 | 5 | 1 | 0 | 0 | 4 | 2 | 76 | 41 | ||
Խետաֆե | 2018–19 | Լա Լիգա | 34 | 14 | 4 | 2 | — | — | 38 | 16 | ||
2019–20 | 8 | 4 | 0 | 0 | 1 | 0 | 9 | 4 | ||||
Ընդհանուր | 42 | 18 | 4 | 2 | 1 | 0 | 0 | 0 | 47 | 20 | ||
Կարիերայի ընդհանուր | 292 | 113 | 14 | 5 | 1 | 0 | 17 | 6 | 324 | 124 |
Միջազգային վիճակագրություն
2019 թվականի հոկտեմբերի 10-ի դրությամբ[58]
Իսպանիա | ||
---|---|---|
Տարի | Խաղեր | Գոլեր |
2019 | 1 | 0 |
Ընդհանուր | 1 | 0 |
Նվաճումներ
Անհատական
- Սեգունդա Դիվիզիոնի լավագույն ռմբարկու. 2017–18[27]
- Լա Լիգայի ամսվա լավագույն ֆուտբոլիստ. փետրվար 2019[42]
Ծանոթագրություններ
Արտաքին հղումներ
- Մատայի պաշտոնական Տվիտերի էջը
- Մատայի պաշտոնական Ինստագրամի էջը
- Մատան transfermarkt-ում
- Մատան soccerbase.com-ում
- Մատան WhoScored.com կայքում
- Մատան Խետաֆեի պաշտոնական կայքում(չաշխատող հղում)
- Մատան ՈՒԵՖԱ-ի պաշտոնական կայքում
![]() | Վիքիպահեստն ունի նյութեր, որոնք վերաբերում են «Խայմե Մատա» հոդվածին։ |