Լևանտե (ֆուտբոլային ակումբ)

	Լևանտե
Ամբողջական անուն	Levante Unión Deportiva, S.A.D.
Մականուն(ներ)	Les Granotes (Գորտեր)
Հիմնադրում	սեպտեմբերի 6, 1909
Երկիր	Իսպանիա
Մարզադաշտ	Սիուդադ դե Վալենսիա
Տարողունակություն	26,354
Նախագահ	Կիկո Կատալան
Մարզիչ	Ալեսսիո Լիսցի
Կայք	Պաշտոնական կայք
Լիգա	Լա Լիգա
2016-17	Սեգունդա Դիվիզիոն, 1-ին

Լևանտե (իսպ.՝ Levante Unión Deportiva), իսպանական ֆուտբոլային ակումբ Վալենսիայից։ Այն ստեղծվել է 1909 թվականին և ներկայումս հանդես է գալիս Լա Լիգայում

Պատմություն

Վաղ տարիներ

Լևեանտեն հիմնադրվել է 1909 թվականին որպես Լևանտե ֆուտբոլային ակումբ, անվանումը վերցնելով Լա Մալվարոսայի Լևանտե ափից և եղել է Վալենսիայի պիոներական ակումբներից մեկը։

Լևանտեն առաջին խաղերը անցկացրել է ամբարների մոտակայքում գտնվող Լա Պլատյետա վայրում։ Նրանց մյուս դաշտը նույնպես ափամերձ գոտում էր, որտեղ խաղում էին բանվորական դասի ներկայացուցիչները։ 1919 թվականին ակումբը առաջին անգամ խաղաց Վալենսիայի դեմ և պարտվեց 0-1 հաշվով, խաղը նաև հայտնի դարձավ նոր Ալգիրոսի դաշտում անցկացրած առաջին խաղով։ 1928 թվականին Լևանտեն նվաճեց առաջին տիտղոսը` նվաճելով Վալենսիայի չեմպիոնի տիտղոսը։

1935 թվականին Լևանտեն դարձավ Լևանտե-Սուր մրցույթի հաղթող, որում մասնակցում էին Վալենսիայի, Մուրսիայի և Անդալուսիայի լավագույն ակումբները^[1] և միևնույն ժամանակ հասավ Իսպանիայի գավաթի կիսաեզրափակիչ` հաղթելով Վալենսիային և Բարսելոնային, սակայն պարտվեց Սաբադելին։

Կոպա դե լա Էսպանա Լիբրե

Իսպանիայի քաղաքացիական պատերազմի ընթացքում Լևանտեն խաղաց Միջերկրածովյան լիգայում և գրավեց հինգերորդ և վեցերորդ տեղերը, բացի այդ խաղաց Կոպա դե լա Էսպանա Լիբրեում ("Ազատ Իսպանիայի գավաթ"): Չնայած գավաթին մասնակցում էին լիգայի առաջին չորս ակումբները, սակայն Բարսելոնան մեկնեց Մեքսիկա ուսումնական հավաքների և փոխարենը մասնակցեց Լևանտեն։

Լևանտեն դուրս եկավ եզրափակիչ, որտեղ 1937 թվականի հուլիսի 18-ին հաղթեց Վալենսիային 1-0 հաշվով^[2]։

Միավորում

Քաղաքացիական պատերազմի ընթացքում Լևանտեի դաշտը ավերվել էր, և քանի որ նույն քաղաքի Գիմնաստիկո ակումբը ուներ մարզադաշտ, սակայն կորցրել էր խաղացողների մեծ մասին, ակումբները 1939 թվականին միավորվեցին` անվանվելով Դեպորտիվա Լևանտե-Գիմնաստիկո Յունիոն, երկու տարի անց նորից անվանափոխվեցին Լևանտե Յունիոն Դեպարտիվա։

Նվաճումներ

Իսպանիայի գավաթ
- Կիսաեզրափակիչ (1). 1935
Ազատ Իսպանիայի գավաթ
- Հաղթող (1). 1937
Սեգունդա Դիվիզիոն
- Հաղթող (2). 2003–04, 2016–17
Սեգունդա Դիվիզիոն B
- Հաղթող (3). 1988–89, 1995–96, 1998–99
Տերսերա Դիվիզիոն
- Հաղթող (2). 1943–44, 1972–73

Ներկա կազմ

2017 թվականի սեպտեմբերի 1-ի դրությամբ^[3]։

Նշում. Դրոշները ցույց են տալիս ազգային հավաքականը ինչպես սահմանված է ՖԻՖԱ-ի իրավասության կանոններում: Խաղացողները կարող են ունենալ 1-ից ավելի ոչ-ՖԻՖԱ-ի քաղաքացիություն:

№	Դիրք	Խաղացող
1	ԴՊ	Ռաուլ Ֆերնանդես
2	ՊՇ	Իվան Լոպես
3	ՊՇ	Տոնյո Գարսիա
4	ՊՇ	Ռոբեր Պիեր (վարձավճարով Դեպորտիվոյից)
5	ԿՊ	Շեյկ Դուկուրե
6	ՊՇ	Չեմա Ռոդրիգես
7	ՀՐ	Սամուել Գարսիա
8	ԿՊ	Ջեֆերսոն Լերմա
9	ՀՐ	Ռոխեր Մարտի
10	ԿՊ	Էնիս Բարդհի
11	ԿՊ	Խոսե Լուիս Մորալես
13	ԴՊ	Օյեր Օլասաբալ

№	Դիրք	Խաղացող
14	ՀՐ	Իվի Լոպես
15	ՊՇ	Սերխիո Պոստիգո
16	ՀՐ	Նանո Մեսա (վարձավճարով Էյբարից)
17	ՀՐ	Ալեքս Ալեգրիա (վարձավճարով Բետիսից)
18	ՊՇ	Էրիկ Կաբակո (վարձավճարով Նասիոնալից)
19	ՊՇ	Պեդրո Լոպես
20	ԿՊ	Սաշա Լուկիչ (վարձավճարով Տորինոյից)
21	ՀՐ	Էմանուել Բոատենգ
22	ՊՇ	Անտոնիո Լունա
23	ԿՊ	Ջեյսոն Ռեմեսեյրո
24	ԿՊ	Խոսե Կամպանյա
25	ԴՊ	Միտչել Լանգերակ