Լոուրենս Ֆինկ
Լոուրենս Դուգլաս Ֆինկ, Լարի Ֆինկ (անգլ.՝ Laurence Douglas Fink, Larry Fink, նոյեմբերի 2, 1952, Լոս Անջելես, Կալիֆորնիա, ԱՄՆ)[2][3], ամերիկացի ֆինանսական գործադիր տնօրեն, ամերիկյան ԲլեքՌոք ներդրումների կառավարման բազմազգ կորպորացիայի նախագահ[4]։ ԲլեքՌոքն աշխարհի ամենամեծ փողի կառավարման ընկերությունն է[5]։
Լոուրենս Ֆինկ անգլ.՝ Laurence Douglas Fink | |
---|---|
![]() | |
Ծնվել է | նոյեմբերի 2, 1952[1] (71 տարեկան) |
Ծննդավայր | Վան Նայս, Լոս Անջելես, Կալիֆոռնիա, ԱՄՆ |
Քաղաքացիություն | ![]() |
Կրոն | հուդայականություն |
Կրթություն | Լոս Անջելեսի կալիֆոռնյան համալսարան և UCLA Anderson School of Management? |
Մասնագիտություն | քաղաքական գործիչ, մենեջեր, տնտեսագետ և ֆինանսիստ |
Աշխատավայր | BlackRock և First Boston? |
Զբաղեցրած պաշտոններ | գլխավոր գործադիր տնօրեն |
Կուսակցություն | Դեմոկրատական կուսակցություն |
Անդամություն | Kappa Beta Phi? |
Կայք | blackrock.com/corporate/about-us/leadership/larry-fink |
![]() |
Վաղ կյանք և կրթություն
Ֆինկը մեծացել է հրեաների ընտանիքում[6] Լոս Անջելեսի Վան Նայս թաղամասում, որտեղ մայրը անգլերենի պրոֆեսոր էր, իսկ հայրը՝ կոշիկի խանութ ուներ[5]։ 1974 թվականին Լոս Անջելեսի Կալիֆորնիայի համալսարանում ստացել է քաղաքական գիտությունների բակալավրի աստիճան[3]։ 1976 թվականին նույն համալսարանի ավարտական դպրոցում ստացել է մագիստրոսի աստիճան[3][7]։
Անձնական կյանք
Ֆինկը կնոջ՝ Լորիի հետ ամուսնացել է 1970 թվականների կեսերին։ Զույգն առանձնատներ ունի Մանհեթենում[8], Նյու Յորքի Հյուսիսային Սալեմ հատվածում, Կոլորադոյի Վեյլ համայնքում։ Ունի 3 զավակ։ Ավագ որդին՝ Ջոշուան, Էսնո Կապիտալի գործադիր տնօրենն է, որտեղ Ֆինկը մասնաբաժին ունի[9][10]։ Դեմոկրատական կուսակցությունից է[5]։