Լողացող կանայք (նկար, Ռենուար)
«Լողացող կանայք» (ֆր.՝ Les Grandes Baigneuses, անգլ.՝ The Large Bathers կամ The Great Bathers), իմպրեսիոնիստական ոճի ֆրանսիացի կարկառուն գեղանկարիչ Պիեռ-Օգյուստ Ռենուարի նկարներից։ Հեղինակը կտավը վրձնել է 1884 թ.–ից 1887 թվականներն ընկած ժամանակահատվածում։ Յուղաներկով կտավի չափերն են՝ 110 × 60 սմ[2]։ Կտավին երբեմն անվանում են ուղղակի «Լողացողները»[3]։ «Լողացող կանայք» ստեղծագործությունն այսօր պահպանվում և ցուցադրվում է Ֆիլադելֆիայի արվեստի թանգարանում (Փենսիլվանիա նահանգ, ԱՄՆ)։
 | |
|---|---|
 | |
| տեսակ | գեղանկար |
| նկարիչ | Օգյուստ Ռենուար |
| տարի | 1884 |
| բարձրություն | 1178,81 միլիմետր |
| լայնություն | 1709,42 միլիմետր |
| ստեղծման երկիր | .svg){kind=small} Ֆրանսիա |
| ժանր | կենցաղային ժանր, դիմապատկեր, մարդու ձևի գեղանկարչություն և նյու |
| նյութ | յուղաներկ և կտավ |
| գտնվում է | Ֆիլադելֆիայի արվեստի թանգարան |
| հավաքածու | Ֆիլադելֆիայի արվեստի թանգարան |
| ներշնչված է | Ժան Գուժոն[1], Ֆրանսուա Ժիրարդոն[1], Նիկոլա Պուսեն[1] և Դոմինիկ Էնգր |
պատկերված են | |
Ծանոթագրություններ | |
 The Great Bathers (1884-1887) by Pierre-Auguste Renoir in the Philadelphia Museum of Art Վիքիպահեստում | |
Պատմություն և նկարագիր
«Լողացող կանայք» ստեղծագործությունն այսօր պահպանվում և հանրությանն է ցուցադրվում Ֆիլադելֆիայի արվեստի թանգարանում։ Այստեղ կտավը տեղափոխվել է դեռևս 1963 թվականին, որպես Թայսոնների ընտանիքի հավաքածուի մի մաս (The Mr. and Mrs. Carroll S. Tyson, Jr. Collection). հավաքածուն ներառում էր իմպրեսիոնիստների ևս 22 աշխատանքներ[4][5]։
Կտավի առաջին պլանում Ռենուարը պատկերել է երեք հոլանի կանանց, որոնցից երկուսը գետափին են, իսկ մեկը կանգնած է ջրի մեջ։ Ըստ էության, ջրի մեջ կանգնած կինը պատրաստվում է մյուս երկուսին ցողել։ Կանանց ֆիգուրները հեղինակը շատ բնական և պարզորոշ է վրձնել. այն հույժ բնորոշ է Պիեռ-Օգյուստ Ռենուարի այդ տարիների վրձնին։ Այդ բնականությունը երբեմն անվանում են «չոր» կամ «էնգրյան» (ֆրանսիացի նկարիչ, 19-րդ դարի եվրոպական ակադեմիզմի խոշոր ներկայացուցիչ Դոմինիկ Էնգրի անունով)[6]։
«Լողացող կանայք» ստեղծագործությունում կեցվածք ընդունելու համար Ռենուարը հրավիրել է հետևյալ կանանց։ Ձախից առաջինը Ալինա Շարիգոն է (Aline Charigot), Ռենուարի ապագա կինը։ Նրանից աջ նստած կինը Սյուզաննա Վալադոնն է (Suzanne Valadon), ով հետագայում հայտնի նկարիչ դարձավ։
Պիեռ-Օգյուստ Ռենուարն այս կտավի վրա աշխատել է ավելի քան երեք տարի՝ մեծ թվով ուրվանկարներ և էսքիզբներ կատարելով։ «Լողացող կանայք» անձամբ հեղինակը համարում է միակ մոնումենտալ նկարը՝ հոլանի կանանցով՝ նկարված իմպրեսիոնիստի կողմից Էդուարդ Մանեի «Օլիմպիա» (1863) և Պոլ Սեզանի «Լողացող կանայք» կտավների արանքում ստեղծված[7]։
Ծանոթագրություններ
Արտաքին հղումներ
- The Large Bathers, 1884—1887, Pierre-Auguste Renoir, Google Art Project, www.googleartproject.com
- Renoir, The Large Bathers(անգլ.), Քան ակադեմիա — www.khanacademy.org
- Пьер Огюст Ренуар — Большие купальщицы, impressionism.su
 | Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Լողացող կանայք (նկար, Ռենուար) կատեգորիայում։ |