Լիլիթ Ասատրյան
Լիլիթ Ժիրայրի Ասատրյան (հունվարի 28, 1976), «Հայաստանի երիտասարդ կանանց ասոցիացիա» հասարակական կազմակերպության հիմնադիր-նախագահ[1][2]։ Հանդիսանում է Կանանց ձեռներեցության օր միջազգային շարժման հայաստանյան դեսպանը[3][4][5]։
| Լիլիթ Ասատրյան | |
|---|---|
| Ծնվել է | հունվարի 28, 1976 (48 տարեկան) |
| Քաղաքացիություն |  ԽՍՀՄ և  Հայաստան |
| Կրթություն | Երևանի պետական համալսարան |
| Մասնագիտություն | տնտեսագետ, հասարակական գործիչ և պետական գործիչ |
| Աշխատավայր | Հայաստանի մշակույթի նախարարություն և Հայաստան համահայկական հիմնադրամ |
| Անդամություն | Հայաստանի հանրային խորհուրդ |
Գործունեություն
Ավարտել է Երևանի պետական համալսարանի տնտեսագիտության ֆակուլտետը։ Երիտասարդության ոլորտում ակտիվ գործունեություն ծավալել է դեռևս դպրոցական տարիներից։ 2003-2005 թվականներին զբաղեցրել է ՀՀ մշակույթի և երիտասարդության հարցերի փոխնախարարի պաշտոնը, պատասխանատու է եղել երիտասարդության հարցերի մասով։ 2004 թվականից Լիլիթ Ասատրյանը հանդիսանում է Եվրոպայի Խորհրդի երիտասարդության հարցերով ղեկավար կոմիտեի (CDEJ) հայաստանյան ներկայացուցիչը։ 2005-2007 թվականներին Հայաստան համահայկական հիմնադրամում եղել է գործադիր տնօրենի խորհրդական երիտասարդության հարցերով, 2006-2007 թվականներին՝ «Նոր հայացք» երիտասարդական շաբաթաթերթի գլխավոր խմբագիրը[1]։
Անդամակցություն
- Հայաստանի երիտասարդության ազգային խորհրդի նախագահության անդամ, 2004
- Coyot եվրոպական երիտասարդական ամսագրի խմբագրական կազմի անդամ, 2007
- Հայաստանի «Կին առաջնորդ» ֆորումի կոորդինացիոն խորհրդի անդամ, 2008
- Հազարամյակի մարտահրավեր հիմնադրամ-Հայաստան ծրագրի շահառուների խորհրդի անդամ
- ՀՀ հանրային խորհրդի անդամ, 2009[6]
Պարգևներ
- ՀՀ վարչապետին առընթեր երիտասարդության հարցերով խորհրդի մեդալ (2001)
- ՀՀ վարչապետի մեդալ (2003)
- Ֆրիտյոֆ Նանսենի անվան ոսկե մեդալ (2007)