Իվոն Լե Ռու

Լե Ռուն սկսել է խաղալ «Բրեստում», ակումբի հետ իր նորամուտը նշել 1-ին դիվիզիոնում 1979/80 մրցաշրջանում։ 1983 թվականին նրա կարիերան շարունակվել է շատ ավելի հայտնի «Մոնակոյում» (նվաճել Է Ֆրանսիայի գավաթը), ավելի ուշ խաղացել է «Նանտում» և Մարսելի «Օլիմպիկում», որի կազմում Լե Ռուն 1988/89 մրցաշրջանում նվաճել է չեմպիոնական կոչում և ևս մեկ գավաթ^[1]։ Ավարտել է կարիերան «Պարի Սեն Ժերմենում»։

Ընդհանուր առմամբ, 1-ին դիվիզիոնում Իվոն Լե Ռուն անցկացրել է 290 հանդիպում, խփել է 32 գոլ^[2]։ Եվրագավաթներում՝ 19 խաղ, 1 գոլ^[2]։

Իվոն Լե Ռուն Ֆրանսիայի հավաքականում հանդես է եկել 1983-1989 թվականներին^[3]։ Ընդգրկվել է Ֆրանսիայի հավաքականի կազմում 1984 թվականի Եվրոպայի հաղթական առաջնությունում։ Հունիսի 12-ին բացման խաղում, որում ֆրանսիացիները մրցում էին Դանիայի հավաքականի հետ, Լե Ռուն առաջին խաղակեսի վերջնամասում կոտրել էր դանիացի ֆուտբոլիստ Ալան Սիմոնսենի ոտքը^[4]։ Եվրոպայի առաջնությունում Իվոն Լե Ռուն ընդհանուր առմամբ մասնակցել է 3 հանդիպման^[3]։

1986 թվականի աշխարհի առաջնությունից առաջ Լե Ռուն համարվում էր Ֆրանսիայի հավաքականի հիմնական կազմի խաղացող^[5], բայց խաղաց միայն մեկ անգամ՝ 3-րդ տեղի համար խաղում, որում ֆրանսիացիները պահեստային կազմով հաղթեցին Բելգիայի հավաքականին^[6]։

Ֆրանսիայի հավաքականի կազմում Իվոն Լե Ռուն անցկացրել է 28 հանդիպում, խփել է 1 գնդակ^[3]։

• Ֆրանսիայի Չեմպիոն։ 1988/89
• Ֆրանսիայի գավաթակիր (2)։ 1984/85, 1988/89

• Եվրոպայի Չեմպիոն։ 1984
• Աշխարհի առաջնության բրոնզե մեդալակիր։ 1986
• Արտեմիո Ֆրանկայի Գավաթակիր։ 1985

• Վիճակագրություն FIFA-ի կայքում(անգլ.)
• Վիճակագրությունը National Football Teams կայքում(անգլ.)

• Профиль на сайте weltfussball.de(գերմ.)

Վիքիպահեստն ունի նյութեր, որոնք վերաբերում են «Իվոն Լե Ռու» հոդվածին։