Իզաբելլա Արազովա
Իզաբելլա Կոնստանտինի Արազովա (Իզաբելլա Արազյան, սեպտեմբերի 25, 1936, Դոնի Ռոստով, ՌԽՖՍՀ, ԽՍՀՄ[1]), հայ կոմպոզիտոր, երաժշտության ուսուցիչ, Հայաստանի կոմպոզիտորների միության անդամ (1967)[2]։
Իզաբելլա Արազովա | |
---|---|
Ծնվել է | սեպտեմբերի 25, 1936 (87 տարեկան) Դոնի Ռոստով, ՌԽՖՍՀ, ԽՍՀՄ[1] |
Երկիր | Հայաստան |
Մասնագիտություն | կոմպոզիտոր և երաժշտության ուսուցիչ |
Աշխատավայր | Հայաստանի պետական մանկավարժական համալսարանի թանգարան |
Կրթություն | Սանկտ Պետերբուրգի կոնսերվատորիա (1963) և Երևանի Կոմիտասի անվան պետական կոնսերվատորիա (1967) |
Անդամակցություն | Հայաստանի կոմպոզիտորների միություն |
Կենսագրություն
Իզաբելլա Արազովան ծնվել է 1936 թվականին Դոնի Ռոստով քաղաքում։ 1942 թվականաից բնակվում է Երևանում։ 1955-1958 թվականներին սովորել է Ռոմանոս Մելիքյանի անվան երաժշտական ուսումնարանում, 1961-1963 թվականներին՝ Սանկտ-Պետերբուրգի Ն. Ա. Ռիմսկի-Կորսակովի անվան կոնսերվատորիայում, 1964-1967 թվականներին՝ Երևանի Կոմիտասի անվան պետական կոնսերվատորիայի կոմպոզիցիայի բաժնում (ղեկավար` Էդվարդ Միրզոյան)[3]։ Ավարտելուց հետո մինչև 1990 թվականը Երևանի մանկավարժական ինստիտուտում դասավանդել է նոտայագրություն, կոմպոզիցիա, հարմոնիա[4]։ Արազովայի ստեղծագործությունները կատարվել են Հայաստանում, Ռուսաստանում, Էստոնիայում, Ուկրաինայում, ԱՄՆ-ում, Ճապոնիայում, Ֆրանսիայում, Շվեյցարիայում[2]։
Ստեղծագործություններ
- Լարային կվարտետ թիվ 1, 1965
- Պոլիֆոնիկ խմբերգեր (Սիլվա Կապուտիկյանի խոսքերով), 1966
- Կոնցերտ նվագախմբի համար, 1967
- Էլեգիա, vc, pf, 1969
- Սիմֆոնիա երգչախմբի և նվագախմբի համար, 1971
- «3 ճապոնական բանաստեղծություն», 1979
- Սոնատ թիվ 1, 1983
- Սոնատ թիվ 2, 1984
- Սոնատ թիվ 3, 1985
- «Perpetuum mobile», 1985
- «The World is Just a Dream» (Japanese poems from the Middle Ages), 1988
- Լարային կվարտետ թիվ 2, 1991
- «Աղոթք», 1996