Թայբե Յուսեյն
Թայբե Մուստաֆա Յուսեյն (բուլղար․՝ Тайбе Мустафа Юсеин, մայիսի 4, 1991[1], Kubrat, Ռազգրադի մարզ, Բուլղարիա[2][3][1])[4], բուլղարուհի ազատ ոճի ըմբիշ, 2018 թվականի աշխարհի չեմպիոն, 2018 և 2019 թվականների Եվրոպայի չեմպիոն, աշխարհի և Եվրոպայի առաջնությունների հաղթող։ Ընդհանուր առմամբ նա նվաճել է աշխարհի վեց և Եվրոպայի ութ առաջնությունների մեդալ[5][6]
| Թայբե Յուսեյն բուլղար․՝ Тайбе Юсеин Мустафа | |
|---|---|
.jpg) | |
| Ծնվել է | մայիսի 4, 1991[1] (33 տարեկան) |
| Ծննդավայր | Kubrat, Ռազգրադի մարզ, Բուլղարիա[2][3][1] |
| Քաղաքացիություն |  Բուլղարիա |
| Մասնագիտություն | ըմբիշ |
 Taybe Yusein Վիքիպահեստում | |
Կենսագրություն
Ծնվել է Ռազգրադի մարզի Կուբրատ համայնքի Միդրևո գյուղում։ 2010 և 2011 թվականներին դարձել է Եվրոպայի առաջնության արծաթե մեդալակիր, իսկ 2012 և 2013 թվականներին՝ աշխարհի առաջնության արծաթե մեդալակիր։ Թայբե Յուսեյնը 2014 թվականին եղել է աշխարհի և Եվրոպայի առաջնությունների բրոնզե մեդալակիր։ 2015 թվականին Բաքվում կայացած 1-ին Եվրոպական խաղերում նա նվաճել է բրոնզե մեդալ։
2018 թվականին Ռուսաստանի Կասպիյսկ քաղաքում տեղի ունեցած Եվրոպայի առաջնությունում Թայբեն համարվել է մրցակիցներից ոմենաուժեղը և իր կարիերայում առաջին անգամ դարձել մայրցամաքի չեմպիոն։
Բուդապեշտում տեղի ունեցած 2018 թվականի աշխարհի առաջնությունում բուլղարուհին հաղթել է բոլոր մրցակիցներին և մինչև 62 կգ քաշային կարգում նվաճել աշխարհի չեմպիոնի կոչումը։
2019 թվականին Ղազախստանում կայացած աշխարհի նախաօլիմպիական առաջնությունում 62 կգ քաշային կարգում Թայբեն նվաճել է արծաթե մեդալ և ձեռք բերել օլիմպիական արտոնագիր՝ իր ազգային օլիմպիական կոմիտեի համար։
2020 թվականի փետրվարին Իտալիայի մայրաքաղաքում կայացած մայրցամաքային առաջնությունում մինչև 62 կգ քաշային կարգում Յուսեյնը բրոնզե մեդալի համար պայքարում հաղթել է մոլդովացի մարզուհի Մարիանա Չերդիվարային։
2021 թվականին նա Լեհաստանի Վարշավա քաղաքում անցկացված Լեհաստանի բաց առաջնությունում նվաճել է բրոնզե մեդալ[7][8]։
Ծանոթագրություններ
Արտաքին հղումներ
- Тайбе Юсеин – օլիմպիական վիճակագրությունը Sports-Reference.com կայքում (անգլ.)
- Yusein, Taybe Mustafa (BUL)
 | Վիքիպահեստն ունի նյութեր, որոնք վերաբերում են «Թայբե Յուսեյն» հոդվածին։ |