Էքս-Մարսել համալսարան
Էքս-Մարսել համալսարան (հակիրճ՝ AMU, ֆր.՝ Aix-Marseille Université, պաշտոնապես գրանցված է որպես Université d'Aix-Marseille)[9], Ֆրանսիայի հարավային Պրովանս-Ալպեր-Լազուր ափ երկրամասի Բուշ-դյու-Ռոն դեպարտամենտի Էքս ան Պրովանս բնակավայրում գտնվող հանրային հետազոտական համալսարան։ Հիմնադրվել է 1409 թվականին, երբ պրովանսի կոմս Լուիս II Անջևինը Պրովանսի համալսարանը հիմնելու խնդրանքով դիմեց պիզանյան հակապապ Ալեկսանդր V-ին[10]։ Համալսարանը ներկա կառուցվածքով ձևավորվել է Պրովանսի, Միջերկրածովյան և Պոլ Սեզանի համալսարանների միաձուլման գործընթացի արդյունքում[11][12][13]։ Երեք համալսարանների ձուլումը տեղի ունեցավ 2012 թվականի հունվարի 1-ին։ Էքս Մարսել համալսարանը դարձավ ֆրանկախոս աշխարհի խոշորագույն համալսարանը մոտավորապես 74.000 ուսանողով[14][15]։ Այն ֆրանկախոս ուսումնական հաստատությունների շարքում ունի ամենամեծ բյուջեն, որը կազմում է տարեկան մոտավորապես 750 միլիոն եվրո[16]։
Ծանոթագրություններ
Վիքիպահեստն ունի նյութեր, որոնք վերաբերում են «Էքս-Մարսել համալսարան» հոդվածին։ |