Էրին Բառնեթ
Էրին Իզաբել Բառնեթ (անգլերեն՝ Erin Isabelle Burnett․ հուլիսի 2, 1976[1], Mardela Springs, Ուիկոմիկո շրջան, Մերիլենդ, ԱՄՆ), ամերիկացի լրագրողուհի, որը CNN հեռուստաալիքով վարում է իր ամենօրյա մեկժամանոց լրատվական ծրագիրը, որը կոչվում է Erin Burnett OutFront[2]:
| Էրին Բառնեթ անգլ.՝ Erin Burnett | |
|---|---|
 | |
| Ծնվել է | հուլիսի 2, 1976[1] (48 տարեկան) |
| Ծննդավայր | Mardela Springs, Ուիկոմիկո շրջան, Մերիլենդ, ԱՄՆ |
| Քաղաքացիություն |  ԱՄՆ |
| Կրոն | կաթոլիկություն |
| Կրթություն | Ուիլյամս քոլեջ և St. Andrew's School? |
| Մասնագիտություն | լրագրող և հաղորդավար |
| Աշխատավայր | Գոլդման Սաքս և CNN |
| Ամուսին | David Rubulotta? |
 Erin Burnett Վիքիպահեստում | |
Կարիերա
Երիտասարդ տարիներին
Էրին Բառնեթը մեծացել, հասակ է առել Մարդելա Սփրինգսի մերձակայքում գտնվող ագարակում՝ Չեսապիքի ծովածոցի արևելյան ափին։
Նա հաճախել է Դելավեր նահանգի Միդլտոն քաղաքի Սենթ Էնդրյուսի անվան գիշերօթիկ դպրոցը, ուսումը շարունակել Մասաչուսեթս նահանգի Ուիլյամսթաուն քաղաքի Ուիլյամս քոլեջում, որն ավարտել է 1998 թվականին՝ ստանալով քաղաքատնտեսության բակալավրի աստիճան[3]։
Կարիերա
1998 թվականից Էրին Բառնեթն աշխատել է Goldman Sachs- ում որպես վերլուծաբան։ Մեկ տարի անց դիմում է գրել CNN-ի համապատասխան աշխատակցին, ով նրան աշխատանքի է ընդունել որպես ժուռնալիստի օգնականի։ Այստեղ կարճ ժամանակ աշխատելուց հետո տեղափոխվել է Citigroup՝ ինտերնետային մեդիա ստարտափում աշխատելու։
Դրանից հետո CNBC- ում վարել է Squawk on the Street-ը և Street Signs-ը, մինչև որ CNN-ում ստեղծել է իր ընթացիկ շոուն (2019 թվականի դրությամբ)՝ Erin Burnett OutFront-ը[4]։
Անձնական կյանք
Բառնեթը արտաքին հարաբերությունների խորհրդի անդամ է։
Նա 2012 թվականից ամուսնացած է Դեյվիդ Ռուբուլոտայի հետ և նրանից ունի երեք զավակ[5][6]։
Արտաքին հղումներ
- Էրին Բերնեթի հանրային պրոֆիլը CNN-ում՝ հոլովակներով և պատմություններով։
Ծանոթագրություններ
 | Վիքիպահեստն ունի նյութեր, որոնք վերաբերում են «Էրին Բառնեթ» հոդվածին։ |