Էնդրյու Ֆիլդինգ Հաքսլի
Էնդրյու Ֆիլդինգ Հաքսլի (անգլ.՝ Andrew Fielding Huxley, նոյեմբերի 22, 1917[1][2][3][…], Համփսթեդ, Քամդեն, Մեծ Լոնդոն, Անգլիա, Մեծ Բրիտանիայի և Իռլանդիայի միացյալ թագավորություն[4][5] - մայիսի 30, 2012[1][6][7][…], Քեմբրիջ, Անգլիա, Միացյալ Թագավորություն[2]), անգլիացի ֆիզիոլոգ, Լոնդոնի թագավորական ընկերության անդամ (1955)։
Կենսագրություն
1938 թվականին ավարտել է Քեմբրիջի համալսարանը։ 1941-1960 թվականներին եղել է Քեմբրիջի Թրինիթի քոլեջի դասախոս, 1952-1960 թվականներին՝ դեկան։ 1960 թվականից եղել է Լոնդոնի համալսարանական կոլեջի ֆիզիոլոգիական բաժանմունքի պրոֆեսոր։ Տվել է մկանային կծկման տեսությունը (1957), նկարագրել մկանաթելերի նուրբ կառուցվածքը։ Հայտնաբերել է, որ կծկման ժամանակ տեղի է ունենում մկանաթելերը կազմող ակտինային և միոզինային թելերի սահում և մոտեցում։ Ուսումնասիրել է նյարդաթելերի սինապսները և նյարդային ազդակների հաղորդման ժամանակ տեղի ունեցող ֆիզիկա-քիմիական փոփոխությունները, ինչպես նաև դրդման ու արգելակման իոնային մեխանիզմները նյարդային համակարգում։ Արժանացել է նոբելյան մրցանակի։
Ծանոթագրություններ
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 6, էջ 328)։ |
Վիքիպահեստն ունի նյութեր, որոնք վերաբերում են «Էնդրյու Ֆիլդինգ Հաքսլի» հոդվածին։ |