Էնդրյու Բրեյթբարտ
Էնդրյու Բրեյթբարտ (անգլ.՝ Andrew Breitbart, փետրվարի 1, 1969[1], Լոս Անջելես, Կալիֆոռնիա, ԱՄՆ[2] - մարտի 1, 2012[3][1], Լոս Անջելես, Կալիֆոռնիա, ԱՄՆ[2]), ամերիկացի հրատարակիչ, լրագրող և պահպանողական ուղղության խմբագիր։ Breitbart News կայքի ստեղծող։ Մեթ Դրաջի հետ միասին կանգնած է Drudge Report-ի ստեղծման հիմքում։ Եղել է նաև կինոյի դերասան և պրոդյուսեր[5][6][7][8]։
Էնդրյու Բրեյթբարտ | |
---|---|
Ծնվել է | փետրվարի 1, 1969[1] |
Ծննդավայր | Լոս Անջելես, Կալիֆոռնիա, ԱՄՆ[2] |
Մահացել է | մարտի 1, 2012[3][1] (43 տարեկան) |
Մահվան վայր | Լոս Անջելես, Կալիֆոռնիա, ԱՄՆ[2] |
Գերեզման | Hillside Memorial Park |
Քաղաքացիություն | ԱՄՆ |
Կրոն | հուդայականություն[4] |
Կրթություն | Թուլեյնի համալսարան, Brentwood School? և Tulane University School of Liberal Arts? |
Մասնագիտություն | լրագրող, հրատարակիչ, խմբագիր և դավադրության տեսաբան |
Աշխատավայր | The Washington Times? |
Ամուսին | Susannah Bean? |
Կուսակցություն | ԱՄՆ Հանրապետական կուսակցություն |
Կայք | breitbart.com |
Andrew Breitbart Վիքիպահեստում |
Կենսագրություն
Ավարտել է Նոր Օռլեանում գտնվող Տյուլեյնի համալսարանը։ Ավելի ուշ որպես խմբագիր սկսել է աշխատելDrudge Report-ում։ 2005 թվականին գործի է դրել իր Breitbart News կայքը։ Հետագայում Բրեյթբարտը ստեղծել է էլի մի քանի օնլայն ԶԼՄ՝ Big Hollywood, Big Government և Big Journalism։ 2009 թվականին տեսանյութ է տեղադրել, որն արվել էր պահպանողականների կողմնակցը հատուկ գործողության ժամանակ։ Տեսահոլովակում ACORN ակտիվիստները խորհրդակցություն են անցկացրել Լատինական Ամերիկայից անչափահաս աղջիկների հետ հասարակաց տան բացման հարցերի շուրջ։ Տեսահոլովակի արդյունքում առաջացած սկանդալի պատճառով կազմակերպությունը զրկվել է ամերիկյան պետական և հասարակական կառույցների աջակցությունից և շուտով դադարել է գոյություն ունենալուց։ Դա առաջին աղմկող պատմությունն էր, որով Բրեյթբարտը կարող էր պարծենալ։ 2010 թվականին նրա մասնակցությամբ ևս մեկ սկանդալ է տեղի ունեցել։ BigGovernment.com կայքում հայտնվել է մոնտաժված տեսահոլովակ, որում ԱՄՆ Գյուղատնտեսության նախարարության աշխատակցուհի սևամորթ Շիրլի Շերոդը իբրև պարծեցել է 24-տարի վաղեմություն ունեցող պատմությամբ, երբ նա չի օգնել սպիտակամորթ ֆերմերին։ Կնոջը հասարակության ճնշմամբ ազատել են աշխատանքից։ Ավելի ուշ պարզվել է, որ տեսահոլովակը մոնտաժված է 43 րոպե տևողությամբ բնօրինակ տեսահոլովակից և Բրեյթբարտի դիտավորյալ առաջբերումն է։ ԱՄՆ նախագահ Բարաք Օբամայի գործադիր գրասենյակը ստիպված է եղել ներողություն խնդրել Շերոդից։ Հաջորդ տարի Breitbart News-ի ստեղծողը դարձել է ևս մեկ սկանդալի նախաձեռնող։ Նա լրատվամիջոցներին է ուղարկել կոնգրեսմեն Էնտոնի Վայների անպարկեշտ նկարները, որոնք վերջինս ծանոթանալիս ուղարկել է բազմաթիվ աղջիկների։ Տեղի ունեցածից հետո քաղաքական գործիչը պաշտոնաթող է եղել։
Որոշ փորձագետներ Բրեյթբարտին անվանել են իր ժամանակի լավագույն համացանցային լրագրող։ Էնդրյուն մահացել է 43 տարեկան հասակում Լոս Անջելեսում։ Կյանքի վերջին շրջանում բողոքել է սրտի ցավերից[9][10][11][12][13]։
Breitbart News
Breitbart News Network, ուլտրաաջ կայք, որում հավաքված են նորություններ, կարծիքներ և մեկնաբանություններ։ Կայքի ղեկավարությունը հիմնավորվել է Լոս Անջելեսում, թղթակցությունները գտնվում են Տեխասում, Լոնդոնում և Երուսաղեմում։ Ստեղծողը կնքել է այն որպես «աջ Huffington Post»։ Կայքը տարածել է կեղծ տեղեկություններ և դավադրական տեսություններ[14]։ Տարբեր ժամանակահատվածներում հրատարակչությունում աշխատել են այնպիսի մարդիկ, ինչպիսին են Մայլո Յանոպուլոսը և Սթիվեն Բենոնը։ Ենթադրվում է, որ կայքը 2016 թվականի նախագահական ընտրությունների ժամանակ մեծ դեր է խաղացել Դոնալդ Թրամփի հաղթանակում[15][16][17]։
Ծանոթագրություններ
Վիքիպահեստն ունի նյութեր, որոնք վերաբերում են «Էնդրյու Բրեյթբարտ» հոդվածին։ |