Էմիլ Հիրշ

Էմիլ Հիրշ
Ծնվել է	մարտի 13, 1985 (39 տարեկան)
Ծննդավայր	Topanga, Լոս Անջելես շրջան, Կալիֆոռնիա, ԱՄՆ
Քաղաքացիություն	ԱՄՆ
Կրոն	քրիստոնեություն
Մասնագիտություն	հեռուստատեսային դերասան, կինոդերասան և դերասան
Ընտրանի	Speed Racer?, Մի անգամ Հոլիվուդում, An Evening with Beverly Luff Linn?, Lone Survivor?, Ալֆա դոգ, Lords of Dogtown?, The Girl Next Door? և Վայրի պայմաններում

Էմիլ Դևենպորտ Հիրշ (անգլ.՝ Emile Davenport Hirsch, մարտի 13, 1985(1985-03-13)^[1], Topanga, Լոս Անջելես շրջան, Կալիֆոռնիա, ԱՄՆ), ամերիկացի դերասան, որը հայտնի է դարձել Շոն Փենի «Վայրի պայմաններում» դրամայի թողարկումից հետո (2007)։

Կենսագրություն

Ծնվել է 1985 թվականի մարտի 13-ին Կալիֆոռնիայում։ Հայրը արդյունաբերական խորհրդատու է, իսկ մայրը՝ նկարչուհի և ծալովի գրքերի դիզայներ^[2]։ Հայրական կողմի նախնիները ծագմամբ հրեաներ են, հիմնականում՝ Պրուսիայից, իսկ մայրական կողմի նախնիները՝ բրիտանացիներ և գերմանացիներ են^[3]։

Մեծացել է Լոս Անջելեսում (Կալիֆոռնիա) և Սանտա Ֆեում (Նյու Մեքսիկո), որտեղ, ապրել է մոր հետ ծնողների բաժանվելուց հետո^[2]^[4]։

Կարիերա

Դերասանական կարիերան սկսել է ութ տարեկանում։ Սկզբում սերիալներում և հեռուստաշոուներում («Սաբրինա-փոքր կախարդ», «Տոհմ» և «Նյու Յորքի ոստիկանություն») խաղացել է ոչ մեծ դերեր։ Կինոյում առաջնաելույթ է ունեցել 2002 թվականին՝ խաղալով «Վտանգավոր խաղեր» չափահասների համար դրամայում, որտեղ Հիրշը և Կիրան Կալկինը խաղացել են որպես 1970-ականներին կաթոլիկ դպրոցում սովորող երկու ընկեր։ Հիրշի հաջորդ ֆիլմը եղել է «Կայսերական ակումբ» դպրոցական դրաման (2002), որտեղ նա խաղացել է սենատորի որդու դերը, որը հուշաթղթիկի օգնությամբ փորձել է ընտրվել «կայսերական ակումբ»-ում։ Երկու ֆիլմն արժանացել են քննադատների ջերմ ընդունելությանը («Կայսերական ակումբ»-ի արձագանքը խառն էր), բայց վարձույթում ունեցել են թույլ արդյունքներ։ 2004 թվականին «Հարևանուհին» (англ. The Girl Next Door) երիտասարդական կատակերգությունում խաղացել է գլխավոր դեր։ 2006 թվականին «Ալֆա դոգ» ֆիլմում խաղացել է թմրանյութ վաճառող Ջոնի Տրուլավի դերը։

2008 թվականին Վաչովսկիների «Սփիդի մրցարշավորդ» ֆիլմում խաղացել է գլխավոր դերը, ինչպես նաև «Միլք» ֆիլմում խաղացել է Քլիվ Ջոնսի դերը։

2013 թվականին Մարկ Ուոլբերգի, Թեյլոր Կիտչի և Բեն Ֆոսթերի հետ միասին նկարահանվել է «Միայնակ վերապրողը» ֆիլմում։

Անձնական կյանք

2013 թվականի հկտեմբերի 27-ին Ֆլորիդայում Էմիլն իր նախկին ընկերուհուց ունեցել է որդի՝ Վալորը^[5]^[6]^[7]։

2015 թվականի փետրվարի 12-ին Հիրշին մեղադրանք է առաջադրվել հունվարի 25-ին Փարկ Սիթիի «Դաո» գիշերային ակումբում տեղի ունեցած վեճի ժամանակ «Paramount»-ի ղեկավարներից մեկի՝ Դանիել Բերնֆելդի վրա հարձակվելու համար։ Նույն թվականի օգոստոսի 17-ին Հիրշն ընդունել է իր մեղքը և դատապարտվել 15 օրվա ազատազրկման (վճարելով 4750 դոլլարի չափով տուգանք), 50 ժամվա հասարակական աշխատանքի և 90 օրվա փորձաշրջանի։

Ֆիլմագրություն


Տարի		Անվանում	Բնօրինակ անվանում	Դեր
1997-1998	ֆ	Խաղացողներ	Players	Ադամ Փափրելի
1997	ս	Արևից երրորդ մոլորակը	3rd Rock from the Sun	պանկ
1997	ս	Վաղը գալու է այսօր	Early Edition	Լենս Ֆոսթեր
1998	հֆ	Հուդինի	Houdini	երիտասարդ Հուդինի
1999	ս	Երկուսն էլ իրենց տեսակի մեջ	Two of a Kind	Ջերեմի
1999	ս	Սաբրինա-փոքր կախարդ	Sabrina, the Teenage Witch	Դարել
1999	ս	Կեղծավորը	The Pretender	Բրայս
2000	ս	Շտապ օգնություն	ER	Չեդ Մոթմայեր
2002	ֆ	Վտանգավոր խաղեր	The Dangerous Lives of Altar Boys	Ֆրենսիս Դոյլ
2002	ֆ	Կայսերական ակումբ	The Emperor’s Club	Սեջվիկ Բել
2003	ֆ	Մայրիկի տղա	The Mudge Boy	Դունկան Մաջ
2004	ֆ	Հարևանուհին	The Girl Next Door	Մեթյու Քիդման
2004	ֆ	Հնարված հերոսներ	Imaginary Heroes	Թիմ Թրեվիս
2005	ֆ	Դոգթաունի թագավորները	Lords of Dogtown	Ջեյ
2006	ֆ	Ալֆա դոգ	Alpha Dog	Ջոնի Թրուլավ
2007	ֆ	Օդ, որով ես շնչում եմ	The Air I Breathe	Թոնի
2007	ֆ	Վայրի պայմաններում	Into the Wild	Քրիստոֆեր Մաքքենդլես
2008	ֆ	Սփիդի մրցարշավորդ	Speed Racer	Սփիդի Ռեյսեր
2008	ֆ	Միլք	Milk	Քլիվ Ջոնս
2009	ֆ	Վուդստոքի գրավումը	Taking Woodstock	Բիլի
2011	ֆ	Վարձու մարդասպան Ջոն	Killer Joe	Քրիս Սմիթ
2011	ֆ	Տեսիլք	The Darkest Hour	Շոն
2012	ֆ	Հատկապես վտանգավոր են	Savages	Սփին
2012	ֆ	Կրկնակի ծնված	Venuto al mondo	Դիեգո
2012	ֆ	Կյանքը մոթելում	The Motel Life	Ֆրենք Լի
2013	ֆ	Միայնակ վերապրողը	Lone Survivor	Դենի Դիթց
2013	ս	Բոննի և Քլայդ	Bonnie and Clyde	Քլայդ Բերոու
2015	ֆ	Տասը հազար սուրբ	Ten Thousand Saints	Ջոնի
2018	մս	Տրոլեյի որսորդները. Արկադիայի պատմություններ	Trollhunters: Tales of Arcadia	Ջիմ Լեյք կրտսեր
2019	ֆ	Մի անգամ Հոլիվուդում	Once Upon a Time in Hollywood	Ջեյ Սեբրինք

Մրցանակներ և անվանակարգեր

Մրցանակ	Տարի	Ֆիլմ	Կատեգորիա	Արդյունք
Քննադատների ընտրություն	2008	Վայրի պայմաններում	Լավագույն տղամարդկային դեր	Առաջադրված
	2009	Հարվի Միլկ	Լավագույն դերասանական կազմ	Հաղթանակ
	2020	Մի անգամ Հոլիվուդում	Լավագույն դերասանական կազմ	Առաջադրված
ԱՄՆ-ի կինոքննադատների ազգային խորհուրդ	2007	Վայրի պայմաններում	Տարվա տղամարդկային թերակատարում	Հաղթանակ
ԱՄՆ կինոդերասանների գիլդիա մրցանակ	2008	Վայրի պայմաններում	Լավագույն տղամարդկային դեր	Առաջադրված
	2008	Վայրի պայմաններում	Լավագույն դերասանական կազմ	Առաջադրված
	2009	Հարվի Միլկ		Առաջադրված
	2020	Մի անգամ Հոլիվուդում		Առաջադրված

Ծանոթագրություններ

Արտաքին հղումներ

«Penn's Good Boy» (անգլերեն). Observer. 2007 թ․ սեպտեմբերի 18. Վերցված է 2020 թ․ ապրիլի 12-ին.
Actor of the Year
Men’s Journal 2009

Վիքիպահեստն ունի նյութեր, որոնք վերաբերում են «Էմիլ Հիրշ» հոդվածին։

[1]

[2]

[3]

[4]

[5]

[6]

[7]

Search