Էլիս Նիլ
Էլիս Նիլ (անգլ.՝ Alice Neel, հունվարի 28, 1900[1][2][3][…], Գլադվին, Փենսիլվանիա, ԱՄՆ[4][5] - հոկտեմբերի 13, 1984[1][2][3][…], Նյու Յորք, Նյու Յորք, ԱՄՆ[6][7][5]), ամերիկացի վիզուալ նկարիչ։ Ստեղծել է ընկերների, ընտանիքի անդամների, սիրեկանների, բանաստեղծների, նկարիչների և օտարականների դիմանկարներ։ Նրա կտավներում արտահայտված են գիծն ու գույնը, հոգեբանական բծախնդրությունն ու հուզական ինտենսիվությունը։ Հյուսթոնի գեղարվեստի թանգարանի մոդեռն և ժամանակակից արվեստի կուրատոր Բերրի Ուոլքերը, ով 2010 թվականին կազմակերպել է Նիլի աշխատանքների հետահայաց ցուցադրությունը, նրան կոչել է «20-րդ դարի լավագույն դիմանկարիչներից մեկը»[14]։
Էլիս Նիլ անգլ.՝ Alice Neel | |
---|---|
![]() | |
Ծնվել է | հունվարի 28, 1900[1][2][3][…] |
Ծննդավայր | Գլադվին, Փենսիլվանիա, ԱՄՆ[4][5] |
Վախճանվել է | հոկտեմբերի 13, 1984[1][2][3][…] (84 տարեկան) |
Մահվան վայր | Նյու Յորք, Նյու Յորք, ԱՄՆ[6][7][5] |
Քաղաքացիություն | ![]() |
Կրթություն | Արվեստի և դիզայնի Մուր քոլեջ |
Մասնագիտություն | նկարչուհի, վիմագրող և լուսանկարիչ |
Ոճ | էքսպրեսիոնիզմ[9][10], անարխիզմ և սոցիալական ռեալիզմ[11] |
Ժանր | դիմանկար[9][7], նատյուրմորտ[9], բնանկար[9], այլաբանություն[5], ժանրային նկարչություն[5], նյու[5], դիմապատկեր[5] և քաղաքային բնանկար[5] |
Թեմաներ | գեղանկարչություն[12] և Կերպարվեստ[12] |
Պարգևներ | |
Անդամակցություն | Արվեստի և գրականության ամերիկյան ակադեմիա և ԱՄՆ հանրային աշխատանքների վարչություն[13] |
Ամուսին | Կառլոս Էնրիկես Գոմես |
Կայք | aliceneel.com |
![]() |
Կենսագրություն
Վաղ կյանք
Էլիս Նիլը ծնվել է 1900 թվականի հունվարի 28-ին[15][16] Փենսիլվանիայի Գլադվին քաղաքում՝ Փենսիլվանիայի երկաթուղու հաշվապահ Ջորջ Վաշինգտոն Նիլի և Էլիս Կոնկրոս Հարթլի Նիլի ընտանիքում[17]։ 1900-ական թվականների կեսերին Նիլս ընտանիքը տեղափոխվել է Փենսիլվանիայի Քոլվին գյուղական շրջան[17]։ Էլիսն ընտանիքի հինգ երեխաներից չորրորդն էր, ուներ երեք եղբայր և մեկ քույր։ Նրա ավագ եղբայրը՝ ութամյա Հարթլին, Էլիսի ծնվելուց որոշ ժամանակ անց մահացել էր դիֆթերիայից[18]։ Էլիսը մեծացել է միջին դասի ընտանիքում այնպիսի ժամանակաշրջանում, երբ կանայք ունեին սահմանափակ հնարավորություններ[15][19]։
1918 թվականին, ավագ դպրոցն ավարտելուց հետո, ընտանիքին աջակցելու համար Էլիսը պետական ծառայության քննություն է հանձնել և բարձր վարձատրվող գրասենյակային աշխատանք ստացել[20]։ Երեք տարի աշխատելուց հետո Ֆիլադելֆիայում հաճախել է երեկոյան արվեստի դասերի և 1921 թվականին ներգրավվել Ֆիլադելֆիայի կանանց համար նախատեսված դիզայնի դպրոց (այժմ՝ Արվեստի և դիզայնի Մուր քոլեջ)[21]։ Իր ուսանողական աշխատանքներում Նիլը մերժում է իմպրեսիոնիզմը՝ փոխարենը ընդունելով ռեալիզմի Աշկան դպրոցը։ Այս ազդեցությունը եկել է Աշկան դպրոցի ամենահայտնի գործիչներից մեկի` Ռոբերտ Հենրիից, ով նույնպես դասավանդել է Ֆիլադելֆիայի դիզայնի կանանց դպրոցում[22]։ Ֆիլադելֆիայի կանանց համար նախատեսված դիզայնի դպրոցում (Արվեստի և դիզայնի Մուր քոլեջ) Նիլը երկու տարի անընդմեջ արժանացել է պատվավոր հիշատակցման, 1925 թվականին՝ Կերն Դոգ մրցանակի[23]։ 1925 թվականին ավարտել է Ֆիլադելֆիայի կանանց համար նախատեսված դիզայնի դպրոցը[15][19]։ Նիլը հաճախ ասել է, որ ինքն ընտրել է հաճախելու աղջիկների դպրոց, որպեսզի հակառակ սեռը չգայթակղի նրան իր արվեստից։
Գրականություն
- Alice Neel [Motion picture on DVD]. 2007. Arts Alliance America
- Allara, P. (2006), "Alice Neel's Women From the 1970s: Backlash to Fast Forward", Women's Art Journal, Vol.27(2), pp. 8–10
- Allara, P. (1994), Mater of Fact: Alice Neel's Pregnant Nudes, The University of Chicago Press, Vol. 8(2), pp. 6–31
- Hills, Patricia (1995). "Alice Neel", Harry N Abrams, Inc., New York. ISBN 0810913585.
- Bauer, D. (1994), Alice Neel's Female Nudes, 8300 defect for UNSW Women's Art Journal,Vol.15(2), pp. 21–26
- Hoban, Phoebe (2010). The Art of Not Sitting Pretty, St. Martin's Press, New York. ISBN 0312607482.
- Walker, Barry, et al., Alice Neel: Painted Truths, Museum of Fine Arts, Houston. ISBN 0300163320.
Ծանոթագրություններ
Արտաքին հղումներ
- Alice Neel site
- Alice Neel film site
- Finding aid to the Alice Neel papers, 1933-1983 in the Smithsonian Archives of American Art
- Audio recording of Lecture by Alice Neel, February 12, 1981, from Maryland Institute College of Art's Decker Library, Internet Archive
![]() | Վիքիպահեստն ունի նյութեր, որոնք վերաբերում են «Էլիս Նիլ» հոդվածին։ |