Էլիզաբեթ Հըրշ Ֆլեշեր
Էլիզաբեթ Հըրշ Ֆլեշեր (անգլ.՝ Elizabeth R. Hirsh Fleisher, օգոստոսի 28, 1892[1], Ֆիլադելֆիա, Փենսիլվանիա, ԱՄՆ - հունիսի 8, 1975[1], Ֆիլադելֆիա, Փենսիլվանիա, ԱՄՆ), Ֆիլադելֆիայի առաջին, Փենսիլվանիա նահանգի չորրորդ գրանցված կին ճարտարապետը։
| Էլիզաբեթ Հըրշ Ֆլեշեր | |
|---|---|
| Ծնվել է | օգոստոսի 28, 1892[1] |
| Ծննդավայր | Ֆիլադելֆիա, Փենսիլվանիա, ԱՄՆ |
| Մահացել է | հունիսի 8, 1975[1] (82 տարեկան) |
| Վախճանի վայր | Ֆիլադելֆիա, Փենսիլվանիա, ԱՄՆ |
| Կրթություն | Ֆիլադելֆիայի աղջիկների ավագ դպրոց (1910)[1], Ուելսլի քոլեջ (1914), Ֆրիդրիխ-Վիլհելմի համակսարան (1913), Քեմբրիջի ճարտարապետության և լանդշաֆտային ճարտարապետության դպրոց (1929) և Օքսֆորդի համալսարան |
| Անդամություն | Ճարտարապետների ամերիկյան ինստիտուտ[1], Philadelphia Art Alliance? և AIA Philadelphia? |
 Elizabeth Hirsh Fleisher Վիքիպահեստում | |
Կենսագրություն
Էլիզաբեթ Ֆլեշերը ծնվել է Ֆիլադելֆիայում Belmont Iron Works-ի հիմնադիր Հարի Հըրշի և Մինե Ռոզենբերգ Հըրշի ընտանիքում։ 1910 թվականին ավարտել է Ֆիլադելֆիայի աղջիկների ավագ դպրոցը, 1914 թվականին Ուելսլի քոլեջից ստացել է արվեստի բակալավրի աստիճան։ 1912-1913 թվականներին՝ քոլեջում ուսանելու տարիներին համընթաց, սովորել է նաև Հումբոլդտի համալսարանում։ 1917 թվականին եղել է Ֆիլադելֆիայի Ուելսլի ակումբի նախագահը[2]։ 1929 թվականին Քեմբրիջի ճարտարապետության և լանդշաֆտային ճարտարապետության քոլեջից ստացել է ճարտարապետության մագիստրոսի աստիճան։ 1928 թվականին. միաժամանակ, սովորել է Օքսֆորդի համալսարանի բարձրագույն դպրոցում[3]։
Կարիերա
_-_view_from_southwest.jpg)
1941 թվականին համագործակցելով Գաբրիել Ռոթի հետ՝ հիմնադրել են «Ռոթ և Ֆլեշեր» ճարտարապետական կազմակերպությունը և մինչև 1958 թվական՝ Ֆլեշերի թոշակի անցնելը, աշխատել են միասին[3]։ Կառուցել են գործարաններ, թատրոններ, բնակելի շենքեր, ավտոմոբիլային ցուցադրությունների դահլիճներ։ Ֆլեշերը հայտնի է Ֆիլադելֆիայի Parkway House-ի նախագծմամբ (1952), աշխատել է նաև Queen Lane բնակելի տների նախագծի վրա (1955)[4][5]։ Զբաղվել է նաև նկարչությամբ։
Ընտանիք
Ամուսնացել է լանդշաֆտային ճարտարապետ Հորհես Ֆլեշերի հետ[3]։
Մահը
Էլիզաբեթը մահացել է 1975 թվականին։ Թաղված է Ֆիլադելֆիայի Սինա լեռան գերեզմանատանը[6]։
Ծանոթագրություններ
 | Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Էլիզաբեթ Հըրշ Ֆլեշեր կատեգորիայում։ |