Էդուարդ Զացեպին
Էդուարդ Կոստանտինովիչ Զացեպին (ապրիլի 27, 1974[1], Միչուրինսկ, Տամբովի մարզ, ՌԽՖՍՀ, ԽՍՀՄ), ռուս ֆուտբոլիստ, հարձակվող։
Անձնական տվյալներ | |||
---|---|---|---|
Ազգությունը | ռուս | ||
Քաղաքացիությունը | ![]() | ||
Ծննդյան ամսաթիվ | ապրիլի 27, 1974[1] (50 տարեկան) | ||
Ծննդավայր | Միչուրինսկ, Տամբովի մարզ, ՌԽՖՍՀ, ԽՍՀՄ | ||
Հասակ | 176 սմ | ||
Քաշ | 79 կգ | ||
Դիրք | հարձակվող | ||
Մասնագիտական կարիերա* | |||
Տարի | Ակումբ | Խաղ | (Գոլ) |
* Մասնագիտական կարիերայում ընդգրկված են միայն առաջնության խաղերը և գոլերը: |
Գործունեություն
Ֆուտբոլով սկսել է զբաղվել հայրենի Միչուրինսկ քաղաքում։ Առաջին պրոֆեսիոնալ պայմանագիրը կնքել է Տամբովի «Սպարտակ» ակումբի հետ։ Այտեղ խաղացել է երեք տարի, ինչից հետո տեղափոխվել է Մորդովիայի «Սվետոտեխնիկա» ակումբ, որտեղ հանդես է եկել մինչև 1997 թվականի առաջնության ավարտը։ Դեկտեմբերին պայմանագիր է կնքել մոսկովյան «Դինամո» ակումբի հետ, սակայն արդեն հաջորդ տարվա սկզբին մարզվել է Սոչիի «Ժեմչուժինա» ակումբում, որի հետ էլ արդյունքում շարունակել է կարիերան[2]։
1998 թվականի ապրիլի 18-ին Զացեպինը խփել է իր առաջին գոլը Սոչիի ակումբի կազմում՝ գրավելով Մոսկվայի «Սպարտակի» դեմ դարպասը «Լոկոմոտիվ» մարզադաշտում. նա աչքի է ընկել «Լոկոմոտիվ» մարզադաշտում ացնկացվող խաղի 31-րդ րոպեին և թիմին օգնել խաղն ավարտել ոչ-ոքի[3]։ «Ժեմչուժինայի» կազմում Զացեպինն ընդհանուր առմամբ անցկացրել է 43 խաղ Բարձրագույն դիվիզիոնում։
1999 թվականի մրցաշրջանի արդյունքում «Ժեմչուժինա» ակումբն զբաղեցրել է ամենավերջին տեղը և անցեկ Առաջին դիվիզիոն։ Զացեպինը հրավիրվել է Վորոնեժի «Ֆակել» ակումբ, որը դուրս էր եկել բարձրագույն դիվիզիոն, ինչպես նաև «Շիննիկ» ակումբից։ Զացեպինը տեղափոխվել է «Շիննիկ», որի մարզիչ Ալեքսանդր Պոբեգալովի հետ ծանոթ էր[4]։ «Շիննիկ» ակումբից հետո հանդես է եկել Լիպեցկի «Մետալուրգ», Աստրախանի «Վոլգար Գազպրոմ», «Լիսմա Մորդավիա» և Բրյանսկի «Դինամո» ակումբներում։ Լինելով թիմի լավագույն ռմբարկուն՝ տեղափոխվել է երկրորդ դիվիզիոնի «Սադովիկ» ակումբ (Ստեռլիտամակ)[4]։ Թիմը եղել է առաջատար 2004 թվականի առաջնությունում, սակայն սեպտեմբերին ակումբի միավորներից հանվել է 57 միավոր, որոնք թիմը հավաքել էր Զվիադ Ջելաձեի մասնակցությամբ անցկացված խաղերում, որի ռուսական քաղաքացիությունը ճանաչվել է անվավեր, և «Սադովիկ» ակումբը տեղափոխվել է մրցաշարային աղյուսակի վերջը[5]։ Մյուս մրցաշրջանում ակումբը հաղթել է «Ուրալ Պովոլժիե» տարածաշրջանում և իրավունք է ստացել հանդես գալ առաջին դիվիզիոնում, իսկ Զացեպինը 36 գոլերով դարձել է երկրորդ դիվիզիոնի լավագույն ռմբարկու[4]։
2009 թվականի սկզբին Զացեպինը մասնակցել է դիտումների ղազախական «Իրտիշ» ակումբում, որի հետ էլ արդյունքում կնքել է պայմանագիր[6]։ Մրցաշրջանի երկրորդ կեսն անցկացրել է բելառուսական «Վիտեբսկ» ակումբի կազմում[7]։ 2011 թվականի փետրվարի 13-ին պայմանագիր է կնքել Կուրսկի «Ավանգարդ» ակումբի հետ[8]։ Ակբումբում իր նորամուտը կատարել էապրիլի 17-ին՝ «Գուբկին» ակումբի դեմ խաղի ընդմիջումի հետո փոխարինելով Դիմտրի Ախբուին[9]։ Բելգորոդի «Սալյուտի» դեմ խաղի 78-րդ րոպեին փոխարինել է Կարեն Սարգսյանին, ինչից 12 րոպե հետո գոլ է խփել Դենիս Սինյաևի՝ անկյունայինից կատարած հարվածից հետո՝ ձևակերպելով խաղի վերջնական հաշիվը՝ 2:0 հաշվով[10]։ 2011 թվականի օգոստոսի 1-ին դուրս է մնացել «Ավանգարդի» հայտացուցակից։
Խաղացել է սիրողական «Բարս», «Մոսկվա», «Պերսպեկտիվ», «Սետուն 1960» ակումբներում[11]։
Ձեռքբերումներ
Թիմային
- Երկրորդ դիվիզիոնի «Ուրալ Պովոլժե» տարածաշրջանի հաղթող – 2005
- ՊՖԼ գավաթի հաղթող – 2005
Անձնական
- Երկրորդ դիվիզիոնի «Կենտրոն» տարածաշրջանի լավագույն ռմբարկու – 1997 (26 գոլ)
- Երկրորդ դիվիզիոնի «Ուրալ Պովոլժիե» տարածաշրջանի լավագույն խաղացող – 2005
- Երկրորդ դիվիզիոնի «Ուրալ Պովոլժիե» տարածաշրջանի լավագույն ռմբարկու – 2005 (36 գոլ)
- ՊՖԼ գավաթի լավագույն խաղացող – 2005
- ՊՖԼ գավաթի լավագույն ռմբարկու – 2005 (4 գոլ)