Էդուարդ Բաղդասարյան
Անվան այլ կիրառումների համար տե՛ս՝ Էդուարդ Բաղդասարյան (այլ կիրառումներ)- Վիքիպեդիայում կան հոդվածներ Բաղդասարյան ազգանունով այլ մարդկանց մասին։
Էդուարդ Հովհաննեսի Բաղդասարյան (նոյեմբերի 14, 1922[1], Երևան, Հայկական ԽՍՀ, ԱԽՖՍՀ - նոյեմբերի 5, 1987[1], Երևան, Հայկական ԽՍՀ, ԽՍՀՄ[2][3]), հայ կոմպոզիտոր, ՀԽՍՀ արվեստի վաստակավոր գործիչ (1963)։
| Էդուարդ Բաղդասարյան | |
|---|---|
 | |
| Հիմնական տվյալներ | |
| Ծնվել է | նոյեմբերի 14, 1922[1] Երևան, Հայկական ԽՍՀ, ԱԽՖՍՀ |
| Երկիր |  ԽՍՀՄ |
| Մահացել է | նոյեմբերի 5, 1987[1] (64 տարեկան) Երևան, Հայկական ԽՍՀ, ԽՍՀՄ[2][3] |
| Գերեզման | Թոխմախի գերեզմանատուն |
| Մասնագիտություն | կոմպոզիտոր և երաժշտության ուսուցիչ |
| Գործիքներ | դաշնամուր |
| Աշխատավայր | Ռոմանոս Մելիքյանի անվան պետական երաժշտական քոլեջ[2] և Երևանի Կոմիտասի անվան պետական կոնսերվատորիա[2] |
| Կրթություն | Թբիլիսիի Վանո Սարաջիշվիլիի անվան պետական կոնսերվատորիա (1946) և Երևանի Կոմիտասի անվան պետական կոնսերվատորիա (1950)[2] |
| Պարգևներ | |
Կենսագրություն
Ծնվել է Երևանում։ Միջնակարգ կրթությունն ստացել է Թբիլիսիում, ավարտել 1940 թվականին։ Միաժամանակ սովորել է երաժշտական տասնամյակում։ 1941 թվականին ընդունվել է Թբիլիսիի պետական կոնսերվատորիան, իսկ 1946 թվականին տեղափոխվել է Երևան, ուսումը շարունակել Կոմիտասի անվան պետական կոնսերվատորիայում, որն ավարտել է 1950 թվականին։ 1951-1953 թթ. սովորել է Մոսկվայում, հայկական մշակույթի տանը։ 1956-1966 թթ ղեկավարել է ՀԽՍՀ ռադիո և հեռուստատեսության գործիքային կվինտետը, 1961-1987 թթ.՝ դասավանդել է Երևանի պետական կոնսերվատորիայում (1982 թվականից՝ պրոֆեսոր)։ Ռոմանոս Մելիքյանի անվան երաժշտական ուսումնարանում եղել է ստեղծագործական դասարանի ղեկավար։
Գործունեություն
Գրել է սիմֆոնիկ պոեմ (1950), նախերգանք սիմֆոնիկ նվագախմբի համար (1953), «Շախմատ» բալետը (1940), ռապսոդիա ջութակի և նվագախմբի համար (1958), դաշնամուրի կոնցերտ (1978), դաշնամուրային 24 պրելյուդ (1948-1960), կվինտետ (1952), երգեր, ռոմանսներ, թատերական և կինոերաժշտություն, կատարել հայկական ժողովրդական պարերի դաշնամուրային մշակումներ (1976)[4][5]։
«Տժվժիկ» և Եռանկյունի ֆիլմերում օգտագործվել է նրա երաժշտությունը։
Ծանոթագրություններ
Արտաքին հղումներ
 | Վիքիդարանն ունի նյութեր, որոնք վերաբերում են «Էդուարդ Բաղդասարյան» հոդվածին։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 2, էջ 253)։  |