Զինաիդա Տուրչինա

Զինաիդա Տուրչինա
Անձնական տեղեկություն
Սեռ՝	իգական
Մասնագիտացում՝	հանդբոլիստ
Երկիր՝	Ուկրաինա
Ծննդյան ամսաթիվ՝	մայիսի 17, 1946 (78 տարեկան)
Ծննդավայր՝	Կիև, Ուկրաինական ԽՍՀ, ԽՍՀՄ
Պարգևներ ; և

Զինաիդա Միխայիլի Տուրչինա ( ուկրաիներեն՝ Зінаїда Михайлiвна Турчина, ծնյալ Ստոլիտենկո. մայիսի 17, 1946(1946-05-17), Կիև, Ուկրաինական ԽՍՀ, ԽՍՀՄ), ուկրաինացի նախկին ձեռնագնդորդուհի։ Մարզվելով իր ամուսնու՝ Իգոր Տուրչինի ղեկավարությամբ, Խորհրդային Միության հավաքականի կազմում 1973-1988 թվականներին մասնակցել է բոլոր խոշոր միջազգային մրցաշարերին, բացառությամբ ԽՍՀՄ-ի կողմից բոյկոտված 1984 թվականի ամառային օլիմպիական խաղերի, նվաճել է երեք օլիմպիական^[1] և աշխարհի չեմպիոնի հինգ ոսկե մեդալ^[2]^[3]։ 2000 թվականին ձեռքի գնդակի միջազգային ֆեդերացիան և մարզական լրագրողները նրան ճանաչել ու հռչակել են 20-րդ դարի լավագույն ձեռնագնդորդուհի^[4]^[5]։

Ստոլիտենկոյին 1959 թվականին ձեռքի գնդակի պարապմունքների է բերել այդ ժամանակ արդեն որպես մարզիչ աշխատող Իգոր Տուրչինը, ով նրանից մեծ էր 10 տարով։ Վերջինս հետագայում գլխավորել է Կիևի Սպարտակ թիմը՝ 1962-1993 թվականներին և Խորհրդային Միության հավաքականը՝ 1973-1993 թվականներին։ Զինաիդան ամուսնացել է նրա հետ 1965 թվականին և փոխել ազգանունը՝ Ստոլիտենկոյից դառնալով Տուրչինա։ Նրանք ունեցել են մեկ դուստր՝ Նատալյան (ծնված 1971 թ.) և մեկ որդի՝ Միխայիլը (ծնված 1983 թ.): Նատալյան իր մոր հետ ձեռքի գնդակ է խաղացել Կիևի «Սպարտակում», իսկ Միխայիլը զբաղվել է բասկետբոլով^[5]։ 1993 թվականին՝ ամուսնու մահից հետո, Տուրչինան ստանձնել է նրա մարզչական պաշտոնները Կիևի «Սպարտակում» և Ուկրաինայի ազգային հավաքականում։ 1996 թվականին նա ավարտել է մարզչական կարիերան, սակայն մինչև օրս աշխատում է որպես Կիևի «Սպարտակի» մենեջեր^[6]^[7]։ 2002 թվականից նա ապրում է իր ընկերոջ՝ Վլադիմիրի հետ^[8]։

Մարզական նվաճումներ

Օլիմպիական խաղերի ոսկե մեդալակիր (2)։ 1976, 1980
Աշխարհի առաջնության ոսկե մեդալակիր (2)։ 1982, 1986
Աշխարհի առաջնության արծաթե մեդալակիր (2)։ 1975, 1978
Օլիմպիական խաղերի բրոնզե մեդալակիր (1)։ 1988
Աշխարհի առաջնության բրոնզե մեդալակիր (1)։ 1973
Եվրոպայի չեմպիոնուհիների գավաթի խաղարկության հաղթող (13)։ 1970-1973, 1975, 1977, 1979, 1981, 1983, 1985-1988
Եվրոպայի չեմպիոնուհիների գավաթի խաղարկության եզրափակիչի մասնակից (2)։ 1974, 1989
Գավաթակիրների գավաթի խաղարկության եզրափակիչի մասնակից (1)։ 1991
ԽՍՀՄ առաջնության ոսկե մեդալակիր (20)։ 1969, 1970, 1971, 1972, 1973, 1974, 1975, 1976, 1977, 1978, 1979, 1980, 1981, 1982, 1983, 1984, 1985, 1986, 1987, 1988
ԽՍՀՄ առաջնության արծաթե մեդալակիր (2)։ 1990, 1991
ԽՍՀՄ առաջնության բրոնզե մեդալակիր (1)։ 1989
Ուկրաինայի չեմպիոնուհի (1)։ 1992