Եվարիստոս (Հռոմի պապ)
Եվարիստոսը (լատին․՝ Euaristus, 1-ին դար, Անտիոք, Հռոմեական կայսրություն[1] - 105, Հռոմ, Հռոմեական կայսրություն[2][3]), հինգերորդ Հռոմի պապն է։
Եվարիստոս լատին․՝ Evaristus PP. | |
![]() | |
Մասնագիտություն | կաթոլիկ քահանա |
---|---|
Ծննդյան անուն | լատին․՝ Evaristus |
Ծնունդ | 1-ին դար Անտիոք, Հռոմեական կայսրություն[1] |
Մահ | 105 Հռոմ, Հռոմեական կայսրություն[2][3] |
Թաղված է | Vatican Necropolis |
Կենսագրություն
Իր ծննդավայրի կամ ազգության մասին ոչ մի հստակ տեղեկություն չկա։ Ըստ մի վարկածի նա Անտիոքի հույն է, իսկ ըստ մյուս վարկածի նա ծնվել է Պաղեստինում։ Հավանաբար ծնվել է 44 թ-ին։ Հաջորդել է Կղեմես I-ին[4], որը մահացել է մ.թ. I հարյուրամյակի վերջում։«… Կղեմեսին հաջորդում է Եվարիստոսը», գրում է սուրբ Հիրենեոսը, իսկ Եվարիստոսը ավելացնում է, որ նրա պոնտիֆիկատը շարունակվեց 8 տարի, վերագրելով իր վերելքը Հռոմեական Աթոռին՝ կայսր Տրայանոսի կառավարության ժամանակ, սակայն համաձայն ներկայիս ընդունված ժամանակագրության, նրա պոնտիֆիկատի սկիզբը համընկնում է կայսր Ներվայի կառավարման հետ (96-98 թթ.)։
Liber Pontificalis տեղեկացնում է, որ Եվարիստոսը ծագումով հույն էր, և նա առաջինն է բաժանել է Հռոմը ծխական համայնքների։ Սուրբ պապի հիշատակը հռոմեական օրացույցի համաձայն նշվում է հոկտեմբերի 26-ին։ Իրականում համեմատաբար հավաստի տեղեկությունները Հռոմի պապաերի մասին (մինչև V դար՝ եպիսկոպոսներ) առկա են միայն III դարում, այն էլ՝ խնդիրներով։ Համարվում է, որ Եվարիստոսը մահացել է տանջամահ լինելով, բայց այս փաստը չի ապացուցվել։
Նրան հաջորդել է Ալեքսանդր I[4]:
Ծանոթագրություններ
Արտաքին հղումներ
![]() | Վիքիպահեստն ունի նյութեր, որոնք վերաբերում են «Եվարիստոս (Հռոմի պապ)» հոդվածին։ |