Գվենդոլին Բրուքս
Գվենդոլին Էլիզաբեթ Բրուքս (անգլ.՝ Gwendolyn Elizabeth Brooks, հունիսի 7, 1917[1][2][3][…], Տոպիկա, ԱՄՆ[4] - դեկտեմբերի 3, 2000[5][1][2][…], Չիկագո[4]), քսաներորդ դարի ամերիկացի բանաստեղծուհի[17]։ Գեղարվեստական գրականության ասպարեզում ձեռք բերած նվաճումների համար պարգևատրվել է Ամերիկայի Միացյալ Նահանգների Արվեստի ազգային մեդալով։ 1950 թվականին նրան շնորհվել է Պուլիտցերյան մրցանակ «Պոեզիա» անվանակարգում (1949 թվականին լույս ընծայած իր երկրորդ գրքի՝ «Էննի Ալեն» պոեմի համար)[18]. այդպիսով՝ նա դարձել է գրական այդ բարձր պարգևին արժանացած առաջին աֆրոամերիկացին, առաջին սևամորթ կինը։ 1962 թվականին ԱՄՆ-ի այն ժամանակվա նախագահ Ջոն Քենեդին Բրուքսին հրավիրել է մասնակցելու ԱՄՆ Կոնգրեսի կազմակերպած պոեզիայի փառատոնին։ 1967 թվականին՝ ամերիկացի անվանի բանաստեղծ Կարլ Սենդբերգի մահից հետո, Գվենդոլին Բրուքսը հռչակվել է Իլինոյս նահանգի դափնեկիր բանաստեղծ (ցմահ)։ 1985 թվականին նա ընտրվել է ԱՄՆ Կոնգրեսի գրադարանի խորհրդատու պոեզիայի գծով։
Գվենդոլին Բրուքս | |
---|---|
![]() | |
Ծնվել է | հունիսի 7, 1917[1][2][3][…] |
Ծննդավայր | Տոպիկա, ԱՄՆ[4] |
Վախճանվել է | դեկտեմբերի 3, 2000[5][1][2][…] (83 տարեկան) |
Վախճանի վայր | Չիկագո[4] |
Գերեզման | Lincoln Cemetery |
Մասնագիտություն | բանաստեղծուհի, գրող, վիպասան և ուսուցչուհի |
Լեզու | անգլերեն |
Ազգություն | աֆրոամերիկացի |
Քաղաքացիություն | ![]() |
Կրթություն | Englewood Technical Prep Academy?, Hyde Park Academy High School?, Kennedy–King College? (1936) և Ուենդել Ֆիլիպս Ակադեմիա |
Անդամակցություն | Արվեստի և գրականության ամերիկյան ակադեմիա |
Աշխատավայր | Chicago State University? և Գունավոր բնակչության աջակցման ազգային ասոցիացիա[6] |
Պարգևներ | |
Զավակներ | Nora Brooks Blakely? |
Ներշնչվել է | |
![]() |
Գվենդոլին Բրուքսի ստեղծագործություններում մեծ տեղ է գրավում ամերիկյան խոշոր քաղաքների բանվորական թաղամասերի սևամորթ բնակիչների կյանքի, կենսապայմանների արտացոլումը[19]։
Գրական գործունեությանը զուգընթաց՝ բանաստեղծուհին երկար տարիներ եռանդուն կերպով զբաղվել է մանկավարժական բեղուն աշխատանքով (դասավանդել է ստեղծագործական շարադրանք)։ Ամերիկյան դպրոցներից մեկը Գվենդոլին Բրուքսի անունով է կոչվել դեռևս նրա կենդանության օրոք։
Բրուքսին անկյուն է հատկացվել ԱՄՆ Կանանց ազգային փառքի սրահում։
Բանաստեղծական ժողովածուների ընտրանի
- Negro Hero (1945)
- The Mother (1945)
- A Street in Bronzeville (1945)
- Annie Allen (1950)
- Maud Martha (1953) (Fiction)
- Bronzeville Boys and Girls (1956)
- The Bean Eaters (1960)
- Selected Poems (1963)
- We Real Cool (1966)
- In the Mecca (1968)
- Malcolm X (1968)
- Family Pictures (1970)
- Black Steel: Joe Frazier and Muhammad Ali (1971)
- The World of Gwendolyn Brooks (1971)
- Aloneness (1971)
- Aurora (1972)
- Beckonings (1975)
- Black Love (1981)
- To Disembark (1981)
- The Near-Johannesburg Boy and Other Poems (1986)
- Blacks (1987)
- Winnie (1988)
- Children Coming Home (1991)
- In Montgomery (2000)
Գրականություն
- Jackson, Angela (2017). A Surprised Queenhood in the New Black Sun։ The Life & Legacy of Gwendolyn Brooks. Beacon Press. ISBN 0807025046.
- Share, Don (ed.). "Poetry" (June 2017 ed.). Poetry Foundation. Gwendolyn Brooks, special issue
- Pisarze świata. Słownik encyklopedyczny, PWN, 1999
Ծանոթագրություններ
Արտաքին հղումներ
- * http://www.poetryfoundation.org/archive/poet.html?id=843%7Ctitolo=Poesie(չաշխատող հղում)
- (անգլերեն) Gwendolyn Brooks Արխիվացված 2008-12-17 Wayback Machine in Modern American Poetry
![]() | Վիքիպահեստն ունի նյութեր, որոնք վերաբերում են «Գվենդոլին Բրուքս» հոդվածին։ |