Գուրգեն Բաղդասարյան (ըմբիշ)

Գուրգեն Բաղդասարյանը ազատ ոճի ըմբշամարտով սկսել է զբաղվել 1969 թվականից՝ Յուրի Բաբայանի ղեկավարությամբ։ 1974-1975 թվականներին նա ընդգրկված էր ԽՍՀՄ երիտասարդական հավաքականի կազմում և հաղթող է ճանաչվել Եվրոպայի և Աշխարհի առաջնություններում՝ մինչև 20 տարեկանների տարիքային կազմում։ 1977 թվականին նա հաղթում է Սոֆիայում տեղի ունեցած Ամառային 9-րդ ունիվերսադիայում և Աշխարհի առաջնությունում, իսկ 1980 թվականին՝ մինչն 57 կիլոգրամ քաշային կարգում նվաճում է Եվրոպայի չեմպիոնի տիտղոսը։ 1983 և 1984 թվականներին դարձել է ԽՍՀՄ չեմպիոն, իսկ 1985 թվականին՝ Եվրոպայի առաջնության բրոնզե մեդալակիր։

Սպորտային կարիերայի ավարտից հետո՝ 1986 թվականին, ընդունվել է Մարզիչների բարձրագույն դպրոց, որն ավարտելուց հետո աշխատել է Մոսկվայի սպորտի դպրոցում։ 1992 թվականին որպես մարզիչ շարունակել է աշխատել Գերմանիայում։ 2010 թվականից Զուլգեն քաղաքի ըմբշամարտի ակումբի գլխավոր մարզիչն է։

• Мягченков Н.И. Классическая и вольная борьба: Справочник. — М: Физкультура и спорт, 1984. — 240 с.
• http://www.fila-official.com/index.php?option=com_database&act=ficheLutteur&Itemid=&id_lutteur=FE72B10D04E5431BA30030E895435D7F&filtre_pays=&lettre=B&recherche_lutteur=&lang=en(չաշխատող հղում)
• Կենսագրությունը SV Ebersbach 1910 ակումբի կայքում(գերմ.) Արխիվացված 2010-02-22 Wayback Machine