Գունունգ Լյոսեր

Գունունգ Լյոսերը ձգվում է 150 կմ երկարությամբ և ավելի քան 100 կմ լայնությամբ։ Դրա մեծ մասը ծածկված է լեռներով։ Տարածքի 40 %-ը (հիմնականում հյուսիսում) գտնվում է ավելի քան 1500 մ բարձրության վրա, և միայն 12 %-ը՝ ցածրադիր հարավային կեսում՝ 600 մետրից ցածր բարձրության վրա։ Մոտ 25 կմ այգին անցնում է ափերի երկայնքով։ Այգու տարածքում կան ավելի քան 2700 մ բարձրությամբ 11 գագաթներ, ամենաբարձր կետը Լյոսեր լեռն է, որի բարձրությունը ծովի մակարդակից 3466 մ է։

Այգում ընդգրկում է բազմաթիվ տարբեր էկոհամակարգեր։ Այգու ներսում է գտնվում օրանգուտանների պահպանության համար նախատեսված Բուկիտ Լավանգ արգելոցը։ Բուկիտ-Բարիսան Սեթալան և Քերինչի Սեբլաթ ազգային պարկերի հետ միասին Գունունգ Լյոսերը կազմում է Համաշխարհային ժառանգության օբյեկտ, որը կոչվում է Սումատրայի խոնավ արևադարձային անտառներ^[5]։

Գունունգ Լյոսերը Սումատրայի օրանգուտանի՝ ներկայում պահպանված երկու կենսամիջավայրերից մեկն է^[6]։ 1971 թվականին Հերման Ռիքսենն ստեղծել է Քեթամբե հետազոտական կայանը, որը հատուկ նվիրված էր օրանգուտանների բնակության տվյալ վայրի ուսումնասիրությանը^[7]։ Այգու մյուս կաթնասուներն են Սումատրայի փիղը, Սումատրայի վագրը, Սումատրայի ռնգեղջյուրը, սիամանգը, Սումատրայի սերաուն, զամբարը և հովազակատուն^[8]։

• «Գունունգ Լյոսեր ազգային պարկի կայքը». Արխիվացված է օրիգինալից 2010 թ․ դեկտեմբերի 24-ին.

Վիքիպահեստն ունի նյութեր, որոնք վերաբերում են «Գունունգ Լյոսեր» հոդվածին։