Գյունտեր Ֆորգ
Գյունտեր Ֆորգ (գերմ.՝ Günther Förg, դեկտեմբերի 5, 1952[1][2][3][…], Ֆյուսեն, Արևելյան Ալգոյ, Շվաբիա, Բավարիա, Գերմանիայի Ֆեդերատիվ Հանրապետություն[4] - դեկտեմբերի 5, 2013[1][2][3][…], Colombier[5][6]), գերմանացի մինիմալիստ, նկարիչ, լուսանկարիչ և քանդակագործ։ Ֆորգի աբստրակտ ոճը կրել է ամերիկյան աբստրակտ գեղանկարչության ազդեցությունը[8][9]։
Գյունտեր Ֆորգ գերմ.՝ Günther Förg | |
|---|---|
 | |
| Ծնվել է | դեկտեմբերի 5, 1952[1][2][3][…] |
| Ծննդավայր | Ֆյուսեն, Արևելյան Ալգոյ, Շվաբիա, Բավարիա, Գերմանիայի Ֆեդերատիվ Հանրապետություն[4] |
| Վախճանվել է | դեկտեմբերի 5, 2013[1][2][3][…] (61 տարեկան) |
| Մահվան վայր | Colombier[5][6] |
| Քաղաքացիություն |  Գերմանիա[7] |
| Կրթություն | Մյունխենի գեղարվեստի ակադեմիա |
| Մասնագիտություն | նկարիչ, քանդակագործ, լուսանկարիչ, համալսարանի դասախոս, նկարիչ-փորագրող, նկարազարդող, ինստալյացիոն արտիստ և գծանկարիչ |
| Պարգևներ |  |
 Günther Förg Վիքիպահեստում | |
Կենսագրություն
Ֆորգը ծնվել է Ֆյուսեն քաղաքում։ Նրա հայրը՝ Մայքլը, աշխատել է մաքսատանը[10]։ 1973 թվականից մինչև 1979 թվականը Գյունտեր Ֆորգը սովորել է Մյունխենի գեղարվեստի ակադեմիայում։ 1992-1999 թվականներին դասավանդել է Կարլսրուեի գեշտալտ պետական բարձրագույն դպրոցում։ 1999 թվականից եղել է պրոֆեսոր Մյունխենում։ 1993 թվականին ամուսնացել է Իկա Հուբերի հետ[10]։
Ստեղծագործություն
Գյունտեր Ֆորգը գերմանացի նկարիչների հետպատերազմյան սերնդի ներկայացուցիչներից էր, որոնց համար մոդեռնիզմը կապված էր ֆաշիզմի սարսափների հետ։ Գյունտեր Ֆորգն իր կարիերան սկսել է գեղանկարչությամբ և վերադարձել դրան։ Վերջին տարիներին նա կենտրոնացել է նկարների շարք ստեղծելու վրա։ 1990-ականներին նա աշխատել է լայնածավալ նկարչության վրա, ներառյալ քանդակներ՝ շերտերի և վանդակապատերի տեսքով։ Նրա վերջին նկարները հաճախ ներառում են միևնույն գույնի կարճ վրձնահարվածների խմբերը, որոնք տեղադրված են միմյանց կողքին, որի միջոցով գույնը տատանվում է կտավի մակերևույթի վրա։ Վերջին շրջանի նկարչությունն ավելի շատ նման է բնանկրի, կարծես դրանից հանված է գույնի և լույսի զգացողությունը։ 1970-ականներից ի վեր Ֆորգը եղել է ազդեցիկ գործիչ եվրոպական արվեստի բնագավառում։ Նրա կտավներն ու այլ աշխատանքներ, որոնք ներառել են տարբեր առարկաներ և նյութեր, հաճախ հատել են գեղանկարչության, լուսանկարչության և քանդակի միջև ընկած սահմանները։ Նրանք նաև միտումնավոր կերպով վերացրել են հեռուստադիտողի և արվեստի միջև եղած սահմանները։
Ֆորգի աշխատանքները գտնվում են մշտական հավաքածուներում այնպիսի հեղինակավոր թանգարաններում, ինչպիսիք են Թեյթը, Լուիզիանան և Սան Ֆրանցիսկոյի ժամանակակից արվեստի թանգարանը։ Նրա աշխատանքներից պահվում են նաև այլ թանգարաններում, այդ թվում՝ Ժամանակակից պինակոտեկ (Մյունխեն), Համբուրգյան կայարան (Բեռլին), Բոնի գեղարվեստի թանգարան, Արվեստների և մեդիատեխնոլոգիաների կենտրոն (Կարլսրուե), Լյուդվիգ թանգարան (Քյոլն), Կանադայի ազգային պատկերասրահ (Օտտավա), Ամստերդամի քաղաքային թանգարան, Ժամանակակից արվեստի թանգարան (Նյու Յորք), Սան Ֆրանցիսկոյի ժամանակակից արվեստի թանգարան։
Պատկերասրահ
Դարպաս (1994), Ռոտերդամ
Կոթող (1994), Ռոտերդամ
Անվերնագիր (2000), Ֆրայբուրգ իմ Բրայսգաու
Ծանոթագրություններ
Արտաքին հղումներ
 | Վիքիպահեստն ունի նյութեր, որոնք վերաբերում են «Գյունտեր Ֆորգ» հոդվածին։ |