Գլեն Սիբորգ
Գլեն Թեոդոր Սիբորգ (անգլ.՝ Glenn Theodore Seaborg, ապրիլի 19, 1912[1][2][3][…], Իշպեմինք, Միչիգան, Մարքետ շրջան, Միչիգան, ԱՄՆ - փետրվարի 25, 1999[1][2][3][…], Լաֆայեթ, Կալիֆորնիա, Քոնտրա Քոստա շրջան, Կալիֆոռնիա, ԱՄՆ), ամերիկացի ֆիզիկոս։
Կենսագրություն
Ավարտել է Լոս Անջելեսի համալսարանը (1934)։ Աշխատել է Կալիֆոռնիայի համալսարանում (1945 թվականից՝ պրոֆեսոր, 1958–1961 թվականներին՝ համալսարանի նախագահ)։
1942–1946 թվականներին Չիկագոյի մետալուրգիական լաբորատորիայում զբաղվել է պլուտոնիումի արդյունաբերական ստացման խնդրով։
1954–1961 թվականներին և 1971 թվականից՝ զբաղեցրել է Բերքլիի ճառագայթային լաբորատորիայի երկրորդ տնօրենի պաշտոնը։
1961–1971 թվականներին եղել է ԱՄՆ միջուկային էներգիայի հանձնաժողովի նախագահը։
Մի խումբ գիտնականների հետ սինթեզել է պլուտոնիումը (1940–1941), հայտնաբերել ամերիցիում, կյուրիում (1944), բերկլիում (1949), կալիֆոռնիում (1950), էյնշտեյնիում (1952), ֆերմիում (1953), մենդելեևիում (1955) քիմիական տարրերը։ Հետագա տարիներին մասնակցել է ավելի ծանր տարրերի սինթեզման աշխատանքներին։
1971 թվականից եղել է ԽՍՀՄ Գիտությունների ակադեմիայի արտասահմանյան անդամ։ 1951 թ. ստացել է Նոբելյան մրցանակ ամերիկացի ֆիզիկոս Էդվին ՄաքՄիլանի հետ։
Ծանոթագրություններ
Արտաքին հղումներ
- Գլեն Սիբորգի կենսագրությունը
- Կենսագրությունը Նոբելի Ինստիտուտի կայքում Արխիվացված 2008-07-23 Wayback Machine
![]() | Վիքիպահեստն ունի նյութեր, որոնք վերաբերում են «Գլեն Սիբորգ» հոդվածին։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ ![]() |