Գարի Չիվիչյան
- Վիքիպեդիայում կան հոդվածներ Չիվիչյան ազգանունով այլ մարդկանց մասին։
Կարեն (Գարի) Չիվիչյան (անգլ.՝ Gary Chivichyan, հուլիսի 17, 1996, Լոս Անջելես, Կալիֆոռնիա, ԱՄՆ)[1], ամերիկահայ պրոֆեսիոնալ բասկետբոլիստ, պաշտպան։ Վերջին անգամ հանդես է եկել NBA Ջի լիգայի «Ագուա Կալիենտե Կլիպերս» ակումբում։
 Gary Chivichyan | ||
| Ակումբ |  Լեյքլենդ Մեջիք | |
|---|---|---|
| Դիրքը | Պաշտպան[1] | |
| Ի ծնե տրված անունը | Կարեն Չիվիչյան Karen Chivichyan | |
| Ծննդյան ամսաթիվ | հուլիսի 17, 1996 (27 տարեկան)[2] | |
| Ծննդավայր | Լոս Անջելես, Կալիֆորնիա, ԱՄՆ | |
| Ազգություն |  Հայ | |
| Հասակ | 1,93 մ[1] | |
| Քաշ | 91 կգ[1] | |
| Դպրոց | Միդլբրուքսի ակադեմիա (Լոս Անջելես, Կալիֆորնիա)[3] | |
| համալսարան | Պասիֆիք (2019-2020) Այդահո սթեյթ (2015-2019) | |
| Դրաֆթի տարի | 2020 / չդրաֆթացված | |
Կարիերայի պատմություն | ||
| Սթոքթոն Քինգս (2021) Ագուա Կալիենտե Կլիպերս (2021-2022) | ||
Համալսարանային առաջնության (NCAA) 1-ին դիվիզիոնում ներկայացրել է Պասիֆիք համալսրանի «Պասիֆիք Թայգերս» ուսանողական թիմը։ Այդահոյի նահանգային համալսարանում ելույթներ ունենալու տարիներին (2015-2019) համարվել է հաստատության պատմության լավագույն հեռահար նետողներից մեկը՝ իրացրած (175) և ընդհանուր կատարած (433) 3-միավորանոց նետումներով և 40,4% նետման արդյունավետությամբ զբաղեցնելով յոթերորդ տեղը։ 2018-19 մրցաշրջանում, 41,1% հեռահար նետումների արդյունավետությամբ իրացրել է 62 երեքմիավորանոց նետում։ Տվյալ մրցաշրջանում Չիվիչյանի միջին ցուցանիշներ կազմել են 41,8% ընդհանուր նետման արդյունավետություն, տուգանային նետումների 70,3% արդյունավետություն, 7,7 միավոր և 1,8 անդրադարձ խաղում։
Չիվիչյանի հայրը` Գոքոր Չիվիչյանը, ձյուդոյի, գրեպլինգի և խառը մենամարտերի (MMA) մարզիչ է, ով մարզել է Ռոնդա Ռոուզիին, Կարո Փարիզյանին, Մանվել Գամբուրյանին և այլոց։
Չիվիչյանը ներկայացնում է նաև Հայաստանի բասկետբոլի ազգային հավաքականը[4]։
Ծանոթագրություններ
Արտաքին հղումներ
- Էջը ESPN.com կայքում(անգլ.)
- Էջը Սպորտս ռեֆերենս կայքում(անգլ.)