Բրայան Իզդեյլ

Իզդեյլը ծնվել է Մանչեստրում և կրթություն է ստացել Վեստմինտերյան աբբայական դպրոցում և Թագավորական երաժշտական քոլեջում։

Գրել է«Ռապունցել» (1927), The Corn King (1935, չի ներկայացվել մինչև 1950 թվականի նոյեմբեր)^[6][7] և «Քնած երեխաները» (1951) օպերաները^[8]։ Նվագախմբի համար գրված նրա աշխատանքներից են Five pieces for orchestra, Six Poems և Tone Poem։ Երգչախմբի համար Իզդեյլը գրել է Missa Coventrensis^[9]։

Իզդեյլը ստեղծել է նաև երաժշտություն ֆիլմերի և թատրոնի համար։ Նա աշխատել է այնպիսի ֆիլմերի վրա, ինչպիսիք են՝ «Խոշոր գումար» (1937), «Հազվագյուտ աշխատանք» (1937) և «Տղամարդիկ վտանգի մեջ» (1939)^[10]։ Նրա ֆիլմերի շարքում ընդգրկված էին մի քանիսը Մայքլ Փաուելի և Էմերկ Պրեսբուրգերի համար, այդ թվում՝ «Սև նարցիզ» (1947), «Կարմիր կոշիկներ» (1948), «Փոքրիկ հետևի սենյակ» (1949), The Elusive Pimpernel (1950), «Պլեյթ գետի ճակատամարտը» (1956), «Սոհոյի հրաշքը» (1957), «Թագուհու պահապանները» (1961) և Փաուելի Peeping Tom-ը (1960)։ Նա առաջին բրիտանացի կոմպոզիտորն էր, որը «Կարմիր կոշիկներ» ֆիլմի երաժշտության համար արժանացել է Օսկարի։

2011 թվականի հունվարին թողարկվել է Իզդեյլի ֆիլմերի երաժշտության խտասկավառակը^[11], որը 2010 թվականին ձայնագրել է BBC Ուելսի ազգային նվագախումբը Ուելսի ազգային երգչախմբի հետ։ Խտասկավառակը ներառում է «Կարմիր կոշիկներ»-ի ամբողջ երաժշտությունը, ինչպես նաև «Սև նարցիզ» և «Gone to Earth» ֆիլմերի երաժշտությունները։

• Oxford Concise Dictionary of Music by Michael Kennedy (Fourth Edition) – 0-19-280037-X

• Բրայան Իզդեյլ Internet Movie Database կայքում
• Բրայան Իզդեյլ AllMusic կայքում
• Brian Easdale biography on MusicWeb
• Brian Easdale in Ausstage
• Brian Easdale-review of Film Music at The Land of Lost Content