Բուլղարիայի տարվա ֆուտբոլիստ (բուլղար․՝ Футболист №1 на България), ամենամյա ֆուտբոլային մրցանակ, որը ըստ տարվա արդյունքների՝ տրվում է Բուլղարիայի լավագույն ֆուտբոլիստնին։ Առաջին անգամ մրցանակի շնորհումը տեղի է ունեցել 1961 թվականին։ Հաղթողը որոշվում է Բուլղարիայի գլխավոր զանգվածային լրատվության միջոցների լրագրողների միջև քվեարկության ճանապարհով։
Կիրիլ Դեսպոդով, 2018 թվականի Բուլղարիայի լավագույն ֆուտբոլիստ, 1989 թվականին Խրիստո Ստոիչկովից հետո ԲԿՄԱ Սոֆիա ակումբի առաջին մրցանակակիրը:
1961-1975 թվականներին քվեարկությունը անցկացվել է «Ֆուտբոլ» թերթի կողմից, 1975-1998 թվականներին՝ «Մեկնարկ» թերթի կողմից։ 1999 թվականից այս երկու հրատարակությունները երկրի լավագույն ֆուտբոլիստի որոշումը կազմակերպում են միասին։
Ամենից շատ մրցանակին արժանացել են Դիմիտար Բերբատովը (7 անգամ, 2002, 2004, 2005, 2007, 2008, 2009 և 2010 թվականներին), Խրիստո Ստոիչկովը (5 անգամ, 1989, 1990, 1991, 1992 և 1994 թվականներին), Խրիստո Բոնևը (3 անգամ, 1969, 1972 և 1973 թվականներին) և Իվելին Պոպովը (2015, 2016 և 2017 թվականներին)[1]։ Ամենից հաճախ մրցանակակիր են դարձել Սոֆիա քաղաքի «Լևսկի» (11 անգամ) և «ԲԿՄԱ» (10 անգամ) ֆուտբոլային ակումբների ֆուտբոլիստները։
Բուլղարիայի տարվա ֆուտբոլիստների ցանկ
Իվելին Պոպով, 2015, 2016 և 2017 թվականների Բուլղարիայի տարվա ֆուտբոլիստ
Բուլղարիայի լավագույն ֆուտբոլիստին առաջին անգամ սկսել են որոշել 1931 թվականին։ Հարցումը անցկացրել է «Սպորտ» ամսագիրը իր ընթերցողների միջև։ Հարցումը անցկացվել է ևս երկու տարի՝ 1939 և 1942 թվականներին։
1955 և 1956 թվականներին Բուլղարիայի լավագույն սպորտսմենի հարցումը անցկացրել են «Народен спорт» թերթը և «Սոֆիա» ռադիոն։ Ստորև գտնվող աղյուսակում ներկայացված են միայն ֆուտբոլիստները։
Paytashev, Rumen (2001). Svetovna Futbolna Entsiklopediya. Sofia: KK Trud. էջեր p. 383. ISBN 954-528-201-0. {{cite book}}: |pages= has extra text (օգնություն)