Բոհումիլ Հրաբալ
Բոհումիլ Հրաբալ (չեխ․՝ Bohumil Hrabal, [ˈboɦumɪl ˈɦrabal], մարտի 28, 1914[1][2][3][…], Brno-Židenice, Բռնո, Չեխական թագի հողեր, Ցիսլեյտանիա, Ավստրո-Հունգարիա[4] և Židenice, Բռնո, Չեխական թագի հողեր, Ցիսլեյտանիա, Ավստրո-Հունգարիա[5] - փետրվարի 3, 1997[1][2][3][…], Պրահա, Չեխիա[6][7][5]), չեխ գրող, արձակագիր, բանաստեղծ։ Առաջադրվել է Գրականության Նոբելյան մրցանակի 1994 թվականին։ «Գնացքները խիստ հսկողության տակ են» ֆիլմի սցենարի համար արժանացել է «Օսկար» մրցանակի լավագույն սցենարի համար 1967 թվականին[10]։ Նա արժանացել է նաև միջազգային գրական բազմաթիվ մրցանակներ, ինչպես նաև մրցանակներ Չեխիայում, այդ թվում՝ «Ծառայությունների համար» շքանշան 1996 թվականին[11]։
Կենսագրություն
Բոհումիլ Հրաբալը ծնվել է 1914 թվականի մարտի 28-ին։ 1919 թվականին ծնողների հետ տեղափոխվել է քաղաք Նիմբուրկ, որտեղ նրա խորթ հայրն աշխատում էր որպես գարեջրի գործարանի տնօրեն։ 1935 Բոհումիլ Հրաբալն ընդունվել է Պրահայի Կարլի համալսարանի իրավաբանական ֆակուլտետ, պատերազմի ժամանակ աշխատել է երկաթուղային կայարանում որպես հեռագրավար ու հերթապահ։ Պատերազմից հետո աշխատել է որպես ապահովագրական գործակալ և առևտրական միջնորդ։ Բոհումիլ Հրաբալի կատարած աշխատանքները հետագայում իրենց արտացոլումն են գտնում նրա ստեղծագործություններում[12]։ 1952 թվականից մինչ 1959 թվականն աշխատել է որպես մակուլատուրա մշակող, ապա թատրոնում աշխատել է որպես բեմի բանվոր[12]։
Բանաստեղծական առաջին փորձերը չհաշված՝ Բոհումիլ Հրաբալի առաջին լուրջ ստեղծագործությունները գրվել են նրա կյանքի չորրորդ տասնամյակում, սակայն հրատարակվել են միայն վաթսունական թվականներին[11]։ Նրա գրքերից մի քանիսը, մասնավորապես «Ես ծառայում էի Անգլիայի թագավորին» երկը միանգամից չեն հրատարակվել քաղաքական նկատառումներով։ 1960-ական թվականներին Բահումիլ Հրաբալը Չեխոսլովակիայի ամենաժողովրդական գրողն էր։1965 թվականին նա գրում է «Հատուկ նշանակության գնացքներ» ստեղծագործությունը, որում կոպիտ հումորը ծառայում է որպես ֆաշիստական նվաճողների դեմ պայքարի ցուցադրման միջոց[13]։
Բոհումիլ Հրաբալը մահացել է 1997 թվականի փետրվարի 3-ին հիվանդանոցում. նա փորձել էր կերակրել աղավնիներին և ընկել էր հինգերորդ հարկի պատուհանից։ Հնարավոր է, որ դա եղել է ինքնասպանություն, քանզի նման ձևով ընկնելը նկարագրված է նրա մի շարք ստեղծագործություններում։ Նրա աճյունասափորը թաղված է Պրահայի մոտ գտնվող ընտանեկան դամբարանում։
Մատենագրություն
- Ztracená ulička (1948)
- Hovory lidí (1956)
- Skřivánci na niti (1959)
- Մարգարիտը հատակում / Perlička na dne (1963)
- Pábitelé (1964)
- Պարի դասեր մեծահասակ ու գիտուն աշակերտների համար / Taneční hodiny pro starší a pokročilé (1964)
- Հատուկ նշանակության գրացքներ / Ostře sledované vlaky (1965)
- Հայտարարություն տան վաճառքի մասին, որում ես այլևս չեմ ուզում ապրել / Inzerát na dům, ve kterém už nechci bydlet (1965)
- Kopretina (1965)
- Автомат Свет / Automat Svět (1966)
- Toto město je ve společné péči obyvatel (1967)
- Morytáty a legendy (1968)
- Domácí úkoly (1970)
- Poupata (1970)
- Ես ծառայում էի Անգլիայի արքային / Obsluhoval jsem anglického krále (1971)
- Něžný barbar (1973)
- Postřižiny (1974)
- Městečko, kde se zastavil čas (1974)
- Չափազանց աղմկոտ մենակություն / Příliš hlučná samota (1977)
- Ձնծաղիկների տոն / Slavnosti sněženek (1978)
- Տխրության գեղեցիկ վայրկյաններ / Krasosmutnění (1979)
- Առլեկինի միլիոնները / Harlekýnovy milióny (1981)
- Kluby poezie (1981)
- Domácí úkoly z pilnosti (1982)
- Կյանքն առանց սմոքինգի / Život bez smokingu (1986)
- Svatby v domě (1986)
- Vita nuova (1986)
- Proluky (1986)
- Kličky na kapesníku (1987)
- Listopadový uragán (1990)
- Կախարդական ֆյելտա / Kouzelná flétna (1990)
- Ponorné říčky (1991)
- Růžový kavalír (1991)
- Aurora na mělčině (1992)
- Večerníčky pro Cassia (1993)
- Atomová mašina značky Perkeo (1991)
- Bambino di Praga; Barvotisky; Krásná Poldi (1990)
- Básnění (1991)
- Bibliografie dodatky rejstříky (1997)
- Buďte tak hodná, vytáhněte rolety: výbor z milostné korespondence (1999)
- Chcete vidět Zlatou Prahu?: výbor z povídek (1989)
- Já si vzpomínám jen a jen na slunečné dny (1998)
Ծանոթագրություններ
Արտաքին հղումներ
- Լեհական կայք՝ նվիրված Բոհումիլ Հրաբալին (լեհ.)
- Bohumil Hrabal (անգլ.) Internet Movie Database կայքում
Վիքիպահեստն ունի նյութեր, որոնք վերաբերում են «Բոհումիլ Հրաբալ» հոդվածին։ |