Բենեդիկտ Վոնգ
Բեմեդիկտ Վոնգ (անգլ.՝ Benedict Wong, հուլիսի 3, 1971[2], Eccles, Salford, Միացյալ Թագավորություն և Մանչեսթեր, Մեծ Մանչեսթեր, Միացյալ Թագավորություն[1]), բրիտանացի դերասան։ Ավելի հայտնի է «Netflix»-ի «Մարկո Պոլո» հեռուստասերիալի Խուբիլայ խանի, «Մարսեցին» ֆիլմի Բրյուս Ինի, «BBC One»-ի «Մեծ խաղ» հաղորդման Փիթ Չենի և «Marvel»-ի Դոկտոր Սթրենջ ֆիլմի Վոնգի դերերով։ Վոնգը ոչ միայն հեռուստասերիալային և կինոդերասան է, այլ նաև թատրոնի դերասան։
| Բենեդիկտ Վոնգ | |
|---|---|
_(cropped).jpg) Վոնգը San Diego Comic-Con International-ում, 2016 թվականի հուլիս | |
| Ի ծնե անուն՝ | Benedict Wong |
| Ծննդյան թիվ՝ | հուլիսի 3, 1971 (52 տարեկան) |
| Ծննդավայր՝ | Eccles, Salford, Միացյալ Թագավորություն և Մանչեսթեր, Մեծ Մանչեսթեր, Միացյալ Թագավորություն[1] |
| Քաղաքացիություն՝ | .svg){kind=small} Մեծ Բրիտանիա |
| Մասնագիտություն՝ | կրկնօրինակող, թատրոնի դերասան, կինոդերասան, դերասան և հեռուստատեսային դերասան |
| Կարիերա՝ | 1992-ից |
| IMDb։ | ID 0938950 |
Վաղ տարիներ և կրթություն
Վոնգը ծնվել է Մեծ Մանչեսթերի Էկլեսե քաղաքում՝ Անգլիայի հյուսիս-արևմուտքում։ Ծնողները Հոնկոնգից Իռլանդիայի տարածքով որպես փախստական եկել էին Անգլիա։ Վոնգը մանկությունը անցկացրել է Սիթի օֆ Սալֆորդում։
Նա երկու տարի դերասանական դասընթացների է հաճախել Սալֆադորի քոլեջում։ Սովորելու հետ համատեղել է տոմսավաճառի աշխատանքը՝ «Գրին Ռում» թատրոնում[3]։
Կարիերա
Վոնգի առաջին դերը եղել է 1993 թվականին՝ «Կայ Մեյ համեմունք» ներկայացման ժամանակ, որը հեռարձակվել է «BBC Radio»-ում։ Վերջինիս հեղինակն էր Քևին Վոնգը։ Նա նկարահանվել է Շոն Լոքի հետ «Տասնհինգհարկանի» սիթքոմում և խաղացել բժիշկ Ֆրանկլին Ֆուի դերը՝ «Անհեթեթ բնագիտություն» սերիալի երկրորդ եթերաշրջանում[4]։
2007 թվականին Վոնգը մարմնավորել է «Արա ինքդ քեզ» ֆիլմի գլխավոր դերը[5]։
Վոնգը հայտնվել է նաև «Շանհայ» ֆիլմում՝ մարմնավորելով Յուսո Կիտայի դերը և BBC-ի «Ոգու մարտիկներ» հեռուստասերիալում՝ Լիի դերում[6]։
2012 թվականին Վոնգը հայտնվել է երկար սպասված «Պրոմեթևս» ֆիլմում[7]։
2013 թվականին հայտարարվել է, որ Վոնգը Համպստեդի թատրոնում ստացել է «Այ Վեյվեյի կալանավորումը» բեմականացման գլխավոր դերը[8]։ Որոշ ժամանակ անց, Ալմեիդա թատրոնը հայտարարել է, որ Վոնգը միացել է «Կիմերիկա» ներկայացման դերասանական կազմին[9]։
2014 թվականի դեկտեմբերին «Netflix»-ը ներկայացրել է «Մարկո Պոլո» սերիալի առաջին եթերաշրջանը, որտեղ Վոնգը խաղացել է Հանիբալ խանի դերը[10][11]։ 2016 թվականի հուլիսին դուրս է եկել սերիալի երկրորդ եթերաշրջանը, որտեղ Վոնգը մարմնավորել է միևնույն կերպարը։
2015 թվականին Վոնգը կատարել է Բրյուս Ինի դերը՝ Ռիդլի Սքոթի «Մարսեցին» ֆիլմում[12]։
2016 թվականին միացել է սուպերհերոսների մասին պատմող «Բժիշկ Սթրենջ» ֆիլմի դերասանական կազմին՝ Վոնգի դերում[13]։
Ծանոթագրություններ
Արտաքին հղումներ
- Բենեդիկտ Վոնգ (անգլ.) Internet Movie Database կայքում
- Բենեդիկտ Վոնգ Թվիթթերում
- Բենեդիկտ Վոնգ Ինստագրամում
 | Վիքիպահեստն ունի նյութեր, որոնք վերաբերում են «Բենեդիկտ Վոնգ» հոդվածին։ |