Բարեգործության միջազգային օր
Բարեգործության միջազգային օր, նշվում է սեպտեմբերի 5-ին։ Այն հռչակվել է Միավորված Ազգերի Կազմակերպության կողմից 2012 թվականին։
![]() | |
Տեսակ | տոն և միջազգային օր |
Ամսաթիվ | Սեպտեմբերի 5[1] |
սկսած | 2013 |
Հաստատված | դեկտեմբերի 17, 2012[2] |
Ի հիշատակ | բարեգործություն[1] |
Կայք | un.org/es/observances/charity-day(իսպ.) և un.org/en/observances/charity-day(անգլ.) |
Պատմություն
![](http://upload.wikimedia.org/wikipedia/commons/thumb/d/d6/Mother_Teresa_1.jpg/144px-Mother_Teresa_1.jpg)
2011 թվականին հունգարացիները առաջարկեցին Մայր Թերեզայի մահվան օրը նշել որպես բարեգործության օր[3]։ Մայր Թերեզան[4] դասվել է կաթոլիկ սրբերի շարքը։ Նա 1979 թվականին ստացել է Խաղաղության Նոբելյան մրցանակ[5]։ Մայր Թերեզայի ծավալած գործունեությունը ոգեշնչող օրինակ է եղել և շատերին միավորել անշահախնդրորեն բարի գործեր անելու, աջակցելու, նվիրելու, նվիրվելու գաղափարների ու գործերի շուրջ։
2012 թվականի դեկտեմբերի 17-ին՝ ՄԱԿ-ի Գլխավոր վեհաժողովի 67-րդ նստաշրջանի ընթացքում, Հունգարիայի[6] առաջարկով, ընդունվում է բանաձև և սեպտեմբերի 5-ը հռչակվում որպես Բարեգործության միջազգային օր[7]։ Որոշումը 44 երկրների կողմից հավանության է արժանացել 2013-ի մարտի 7-ին։
Ինչպես է նշվում
Սկսած 2012 թվականից՝ սեպտեմբերի 5-ը աշխարհի տարբեր կողմերում նշվում է որպես Բարեգործության միջազգային օր։ Կազմակերպվում են տարբեր միջոցառումներ, օրինակ՝ ռեստորաններից առաջացած հասույթն ուղղվում է բարեգործությանը[8] , կարիքավորներին օգնություն է բաժանվում[9]։ 2014 թվականին որպես բարեգործության խորհրդանիշ՝ Բուդապեշտում, Ալբանիայի դեսպանի հրամանով, կերտեցին Մայր Թերեզայի արձանը և այն նվիրեցին Բուդապեշտի քաղաքապետարանին[10]։