Բառնաբաս Վարգա
Բառնաբաս Վարգա (հունգ.՝ Varga Barnabás, հունվարի 25, 1994[1] կամ հոկտեմբերի 25, 1994, Սոմբատհեյ, Հունգարիա), հունգարացի ֆուտբոլիստ, «Ֆերենցվարոշ» ակումբի և Հունգարիայի ֆուտբոլի ազգային հավաքականի հարձակվող։
 | |||
|---|---|---|---|
.jpg) | |||
| Քաղաքացիությունը | .svg){kind=small} Հունգարիա | ||
| Ծննդյան ամսաթիվ | հունվարի 25, 1994[1] (30 տարեկան) կամ հոկտեմբերի 25, 1994 (29 տարեկան) | ||
| Ծննդավայր | Սոմբատհեյ, Հունգարիա | ||
| Հասակ | 1,81 մետր | ||
| Դիրք | հարձակվող | ||
Ակումբային կարիերա
Բառնաբաս Վարգան եղել է հունգարական «Հալադաս» ակումբի սան։ Պրոֆեսիոնալ մակարդակով հարձակվողն իր կարիերան սկսել է Ավստրիայում, որտեղ 2016/17 մրցաշրջանից հանդես է եկել Ավստրիայի ֆուտբոլի առաջնությունում հանդես եկող «Մաթերսբուրգ» ակումբում[2]։ Նա հիմնականում ընդգրկվել է էր թիմի պահեստայինների կազմում։
2020 թվականին հարձակվողը վերադարձել է Հունգարիա, որտեղ միացել է Երկրորդ դիվիզիոնում հանդես եկող «Գիրմոտ» ակումբին[3]։ Վարգան ակումբում ցուցաբերել է արդյունավետ խաղ և 2022 թվականին նրան հրավեր ստացել Հունգարիայի ֆուտբոլի առաջնությունում հանդես եկող «Պակշ» ակումբից։
2023 թվականի ամռանը Վարգան տեղափոխվել է Հունգարիայի ուժեղագույն ակումբ՝ «Ֆերենցվարոշ»[4]։ Ազգային առաջնության առաջին հանդիպումներում հարձակվողը հեթ-տրիկի հեղինակ է դարձել․ նա երեքական գոլ է խփել իր նախկին ակումբների՝ «Պակշի» և «Զալայգերշեգի» դարպասներին[5]։ Նա երեք գոլ է խփել նաև ՈՒԵՖԱ Կոնֆերանս լիգայի որակավորման փուլում՝ Մալթայի «Համրուն Սպարտանս» ակումբի դեմ խաղում։
Կարիերան հավաքականում
2023 թվականի մարտին Բառնաբաս Վարգան հրավեր է ստացել հավաքականիցй[6]։ Նա իր նորամուտը նշել է Եվրո 2024-ի ընտրական փուլում՝ Բուլղարիայի ֆուտբոլի ազգային հավաքականի դեմ խաղում։
Վարգան միջազգային մակարդակով իր առաջին գոլը խփել է 2023 թվականի հունիսին, Լիտվայի ֆուտբոլի ազգային հավաքականի դեմ խաղում[7]։
2024 թվականի հունիսի 8-ին Իսրայելի ֆուտբոլի ազգային հավաքականի դեմ ընկերական խաղում Բառնաբաս Վարգան 3 գոլի հեղինակ է դարձել[8][9][10][11]։
Ֆուտբոլի Եվրոպայի առաջնություն 2024|2024 թվականի Ֆուտբոլի Եվրոպայի առաջնության խմբային փուլի առաջին խաղում Բառնաբաս Վարգան գրավել է Շվեյցարիայի ֆուտբոլի ազգային հավաքականի դարպասը[12][13][14]։
Ծանոթագրություններ
Արտաքին հղումներ
 | Վիքիպահեստն ունի նյութեր, որոնք վերաբերում են «Բառնաբաս Վարգա» հոդվածին։ |