Բազմաղբյուր
Անվան այլ կիրառումների համար տե՛ս՝ Բազմաղբյուր (այլ կիրառումներ)
Բազմաղբյուրը գյուղ Հայաստանի Արագածոտնի մարզի Աշտարակ համայնքում[2]՝ Արագածի հարավարևմտյան լանջին։ Հեռավորությունը մարզկենտրոնից՝ 5 կմ հյուսիս-արևմուտք, բարձրությունը ծովի մակերևույթից՝ 1850 մ։ Բազմաղբյուրը նաև ճանաչված է եղել որպես Թաքիա, Թաքյա Թեքքե, Տակիյա[3]։
| Գյուղ | |||
|---|---|---|---|
| Բազմաղբյուր | |||
 | |||
| Երկիր |  Հայաստան | ||
| Մարզ | Արագածոտնի մարզ | ||
| Այլ անվանումներ | Ակունք, Թաքիա, Թաքյա Թեքքե, Տակիյա | ||
| ԲԾՄ | 1150±1 մետր | ||
| Պաշտոնական լեզու | հայերեն | ||
| Բնակչություն | 888[1] մարդ (2011) | ||
| Ազգային կազմ | Հայեր | ||
| Կրոնական կազմ | Հայ Առաքելական եկեղեցի | ||
| Ժամային գոտի | UTC+4 | ||
| |||
Նախկինում մտնում էր Երևանի նահանգի Էջմիածնի գավառի մեջ։
Բնակչություն
Ըստ Հայաստանի 2001 թվականի մարդահամարի, Բազմաղբյուրի մշտական բնակչությունը 950, իսկ առկա բնակչությունը 894 հոգի է[4]։ Բազմաղբյուր գյուղի նախնիները գաղթել են Մուշից, Ալաշկերտից, Խութից և Վանից։ Բազմաղբյուրի ազգաբնակչության փոփոխությունը[5].
| Տարի | 1831 | 1873 | 1897 | 1926 | 1939 | 1959 | 1970 | 1979 | 1989 | 2001 | 2011 |
|---|---|---|---|---|---|---|---|---|---|---|---|
| Բնակիչ | 155 | 398 | 635 | 417 | 522 | 587 | 672 | 681 | 839[6] | 950 | 888[1] |
Տնտեսություն
Բնակչությունը զբաղվում է անասնապահությամբ և դաշտավարությամբ։
Պատմամշակութային կառույցներ
Գյուղն ունի XIX դարում կառուցված Սբ. Ստեփանոս եկեղեցի, Սբ. Սարգիս և XII-XIII դարերի «Թուխ Մանուկ» մատուռներ։ Գյուղից 1 կմ հյուսիս գտնվում է «Բերդի կալ» ամրոցը (մ.թ.ա. 2-րդ-1-ին հզմ.)։ Գյուղի արևմտյան մասում է գտնվում Փարպու Շահ հնագույն ամրոցը, որից մնացել են միայն հիմնապատերը։ Իսկ դրանից հյուսիս գտնվում են հնագույն դամբարաններ։ Հարավային մասում է գտնվում դեռևս չհետազոտված քարանձավը, որի մուտքը ծածկվում է ահռելի քարե դռնով։
Պատմություն
Բազմաղբյուրում են գտնվում վաղամյա թաղման վայրեր[7]։
Տես նաև
Աղբյուրներ
 | Վիքիպահեստն ունի նյութեր, որոնք վերաբերում են «Բազմաղբյուր» հոդվածին։ |