Ա. Ջ. Ֆինն
Դանիել Մալորի (անգլ.՝ Daniel Mallory, հունվարի 2, 1979, Նյու Յորք, Նյու Յորք, ԱՄՆ), ամերիկացի խմբագիր և գրող, որը ստեղծագործում է Ա. Ջ. Ֆինն կեղծանվամբ։ Նրա «Կինը պատուհանում» վեպը 2018 թվականին հայտնվել է «Նյու Յորք Թայմս» ամսագրի բեսթսելլերների ցանկում և որպես գեղարվեստական ֆիլմ պետք է թողարկվեր 2020 թվականին։ Մալորին հայտնի է դարձել 2019 թվականին, երբ պարզվել է, որ ստել է իր անցյալի մասին` փորձելով թաքցնել անձնական թերությունները, արդարացնել իր գրական աշխատանքը և գործունեությունն ապօրինի կերպով առաջ տանելը։
Ա. Ջ. Ֆինն | |
---|---|
![]() | |
Ծնվել է | հունվարի 2, 1979 (45 տարեկան) |
Ծննդավայր | Նյու Յորք, Նյու Յորք, ԱՄՆ |
Մասնագիտություն | խմբագիր, վիպասան, գրող և հրատարակիչ |
Քաղաքացիություն | ![]() |
Կրթություն | Դյուքի համալսարան և Charlotte Latin School? |
Վաղ կյանք ու կրթություն
Մալորին իր ընտանիքի հետ տեղափոխվել է Հյուսիսային Կարոլինայի Շառլոթ քաղաք, որտեղ ընդունվել է Շառլոթի Լատինական դպրոց[1]։ Դյուկի համալսարանում նա մասնագիտացել է անգլերենի մեջ[2] և դերասանություն է սովորել[3]։
Գործունեություն
Մի քանի տարի Մալորին աշխատել է Լոնդոնի «Սփեր Բուքսում»` «Little, Brown and Company» հրատարակչության կնիքի ներքո[2]։ Իր առաջին գիրքը` «Կինը պատուհանում», գրել է Նյու Յորքում ապրելու տարիներին, որտեղ William Morrow and Company հրատարակչությունում աշխատում էր որպես փոխնախագահ և խմբագիր[3]։ Գիրքն առաջին անգամ հայտնվել է Նյու Յորք Թայմսի ամենապահանջված գրքերի ցուցակում[2][4], իսկ Էմի Ադամսի և Գարի Օլդմենի մասնակցությամբ պետք է ադապտացվեր մարտաֆիլմի, որը նախատեսվում էր թողարկել 2020 թվականին։ Ֆիլմի ցուցադրությունն անորոշ ժամանակով հետաձգվել է[5][6][7]։
2019 թվականի փետրվարին The New Yorker ամսագրի մի հոդվածում Մալլորին մեղադրվել է իր կյանքի և գործունեության մեջ բազմաթիվ փաստեր կեղծելու մեջ։ Այդ թվում` Օքսֆորդի համալսարանի դոկտորի կոչում ունենալը, գլխուղեղի քաղցկեղով տառապելը, մոր՝ քաղցկեղից մահանալը, եղբոր ինքնասպանությունը, ինչպես նաև` 1995 թվականին նկարահանված «Ընդօրինակող» թրիլլերից խոշոր պարտք վերցնելը՝ իր առաջին վեպի համար[8][9]։ Դրանից հետո Մալորին հայտարարել է, որ մայրը ողջ է և ապաքինվել է քաղցկեղից, իսկ եղբայրը ինքնասպան չի եղել և ողջ է։ Նա իր ստելը բացատրել է երկբևեռ աֆեկտի խանգարմամբ (երկրորդ կարգի)։ Այս ախտորոշման համար մի հոգեբույժ նշել է, որ չի կարելի տվյալ հիվանդությանը զառանցանքներ, ամնեզիաներ և քրոնիկ ստեր որակել` փորձելով այդ կերպ ուշադրություն գրավել։
Ծանոթագրություններ
Արտաքին հղումներ
- Պաշտոնական կայք(անգլ.)