Արման Շահազիզյան
Արման Հրաչյայի Շահազիզյան (ապրիլի 2, 1975[1], Երևան, Հայկական ԽՍՀ, ԽՍՀՄ), հայ նավամոդելիստ։ Միջազգային կարգի սպորտի վարպետ (1999)։ «Տեխնիկական մոդելավորման հանրապետական կենտրոն» ՊՈԱԿ-ի մարզիչ-մանկավարժ, տեխնիկական գիտությունների թեկնածու։ Հայաստանի վաստակավոր մարզիչ (2012)[2]։
| Արման Շահազիզյան | |
|---|---|
| Ծնվել է | ապրիլի 2, 1975[1] (49 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  ԽՍՀՄ և  Հայաստան |
| Կրթություն | ՀԱՊՀ (1996) |
| Գիտական աստիճան | տեխնիկական գիտությունների թեկնածու |
| Աշխատավայր | ՀԱՊՀ |
| Ծնողներ | հայր՝ Հրաչյա Շահազիզյան |
| Պարգևներ և մրցանակներ | |
Հրաչյա Բաբկենի Շահազիզյանի որդին է, Գայանե Շահազիզյանի եղբայրը։
Կենսագրություն
Արման Շահազիզյանը ծնվել է 1975 թվականի ապրիլի 2-ին, Երևանում։ 1996 թվականին ավարտել է Հայաստանի պետական ճարտարագիտական համալսարանը։
Աշխարհի կրկնակի (1991, 1994) չեմպիոն և վեցակի ռեկորդակիր, ԽՍՀՄ չեմպիոն (1989), Եվրոպայի կրկնակի չեմպիոն, Համաշխարհային գավաթի խաղարկությունների (1997), «Տուր Եվրոպա» մրցաշարի (1988), բազմաթիվ միջազգային մրցումների հաղթող և մրցանակակիր։ 1998 թվականից՝ Տեխնիկական մոդելավորման հանրապետական կենտրոնի մարզիչ-մանկավարժ, 2000 թվականից միաժամանակ՝ Հայաստանի պետական ճարտարագիտական համալսարանի դասախոս[3]։ 2014 թվականին Եվրոպայի առաջնությանը լավագույն մասնակցության և լավագույն արդյունք ցուցաբերելու համար Արման Շահազիզյանին շնորհվել են Վլադիսլավ Սուբոտինի (A3 դասի) և Ռադ Ռադևի (B1 դասի) անվանական «Լավագույն մարզիկ» գավաթները[4]։