Արիանե Հինգսթ

Արիանե Հինգսթը պատանեկան թիմերում սկսել է խաղալ յոթ տարեկանից։ 15 տարեկանում նա սկսել է հանդես գալ իր առաջին պրոֆեսիոնալ ակումբում՝ Ցելենդորֆի «Հերտայում»։ 1997 թվականին նա Պոտսդամից տեղափոխվեց Առաջին Բունդեսլիգայի «Տուրբին» ակումբ, որի հետ դարձել է ՈՒԵՖԱ-ի գավաթի (2004/05) գավաթակիր, Գերմանիայի կրկնակի չեմպիոն (2003/04, 2005/06) և Գերմանիայի գավաթի եռակի գավաթակիր (2003/04, 2004/05, 2005/06)^[4]:

2007 թվականին Հինգսթը ընդգրկվել է շվեդական Դամալսվենսկանի «Յուրգորդեն» թիմի կազմում, որտեղ անցկացրել է երկու մրցաշրջան՝ «Յուրգորդեն» հոկեյի ակումբում կես դրույքով աշխատելով որպես ֆիզիոթերապևտ։ 2009 թվականին վերադարձել է Գերմանիա, հանդես է եկել «Ֆրանկֆուրտ» ՖԱ-ում, որի կազմում 2010/11 մրցաշրջանում դարձել Է Գերմանիայի գավաթի գավաթակիր^[5]։ 2011 թվականի հոկտեմբերին պայմանագիր է կնքել ավստրալիական «Նյուքասլ Յունայթեդ Ջետս» ֆուտբոլային ակումբի հետ^[6]։ 2012 թվականի սեպտեմբերի 29-ին տեղափոխվել է «Կանբերա Յունայթեդ», որտեղ էլ 2013 թվականին ավարտել է ֆուտբոլիստի կարիերան^[7]։

1996 թվականի օգոստոսի 27-ին իր նորամուտն է նշել ազգային հավաքականի հիմնական կազմում՝ Նիդերլանդների դեմ խաղում։ Առաջին գոլը խփել է 1996 թվականի սեպտեմբերի 29-ին Իսլանդիայի հավաքականի դարպասը^[8]։ Հավաքականի կազմում դարձել է աշխարհի կրկնակի չեմպիոն (2003 և 2007), Եվրոպայի քառակի չեմպիոն (1997, 2001, 2005, 2009), Ամառային օլիմպիական խաղերի եռակի բրոնզե մեդալակիր (2000, 2004, 2008)^[4]։

• ՈՒԵՖԱ գավաթի գավաթակիր (1)՝ 2004/05
• Գերմանիայի առաջնության չեմպիոն (2)՝ 2003/04, 2005/06
• Գերմանիայի գավաթի գավաթակիր (3)՝ 2003/04, 2004/05, 2005/06

• Գերմանիայի գավաթի գավաթակիր (1)՝ 2010/11

• Աշխարհի առաջնության հաղթող (2)՝ 2003, 2007
• Եվրոպայի առաջնության հաղթող (4)՝ 1997, 2001, 2005, 2009
• Ամառային օլիմպիական խաղերի բրոնզե մեդալակիր (3)՝ 2000, 2004, 2008

• Արծաթե դափնու տերև^[9]
• Բրանդենբուրգի տարվա մարզիկ (2007)
• Ֆերբանդսլիգայի 7x7 լավագույն ռմբարկու դահլիճներում (2015)