Արթուր Մելո
Արթուր Մելո, կամ պարզապես Արթուր (պորտ.՝ Arthur Melo, օգոստոսի 12, 1996[1], Գոյանիա, Կենտրոնաարևմտյան տարածաշրջան (Բրազիլիա), Բրազիլիա), բրազիլացի պրոֆեսիոնալ ֆուտբոլիստ։ Ներկայումս հանդես է գալիս Յուվենտուս ՖԱ և Բրազիլիայի ազգային հավաքականի կազմում։ Խաղում է կենտրոնական կիսապաշտպանի դիրքում[2]։
 Arthur Melo | |||||||||
|---|---|---|---|---|---|---|---|---|---|
.jpg) Արթուրը Յուվենտուս կազմում 2021 թվականին | |||||||||
| Անձնական տվյալներ | |||||||||
| Ամբողջական անուն | Arthur Henrique Ramos de Oliveira Melo | ||||||||
| Քաղաքացիությունը |  Բրազիլիա | ||||||||
| Ծննդյան ամսաթիվ | օգոստոսի 12, 1996[1] (27 տարեկան) | ||||||||
| Ծննդավայր | Գոյանիա, Կենտրոնաարևմտյան տարածաշրջան (Բրազիլիա), Բրազիլիա | ||||||||
| Հասակ | 171 սմ | ||||||||
| Քաշ | 73 կգ | ||||||||
| Դիրք | կենտրոնական կիսապաշտպան | ||||||||
| Ակումբային տեղեկություններ | |||||||||
| Ներկա ակումբ |  Լիվերպուլ | ||||||||
| Համար | 29 | ||||||||
| Պատանեկան կարիերա | |||||||||
| 2008-2010 | Գոյաս | ||||||||
| 2010-2015 | Գրեմիո | ||||||||
| Մասնագիտական կարիերա* | |||||||||
| Տարի | Ակումբ | Խաղ (գոլ) | |||||||
| 2015-2018 | Գրեմիո | 35 | (2) | ||||||
| 2018-2020 |  Բարսելոնա | 48 | (3) | ||||||
| 2020- |  Յուվենտուս | 42 | (1) | ||||||
| 2022- | → Լիվերպուլ | 0 | (0) | ||||||
| Ազգային հավաքական‡ | |||||||||
| 2013 | Բրազիլիա Մ17 | 7 | (1) | ||||||
| 2018-ներկա | Բրազիլիա | 15 | (0) | ||||||
Պարգևներ
| |||||||||
* Մասնագիտական կարիերայում ընդգրկված են միայն առաջնության խաղերը և գոլերը | |||||||||
Ակումբային կարիերա
Գրեմիո
Արթուրը իր կարիերան սկսել է Գոյասում 12 տարեկան հասակում։ 2010 թվականին նա միացավ Գրեմիոյին[3]։ 2015 թվականի հունվարին Արթուրը տեղափոխվեց ակումբի առաջին թիմ։ Իր պրոֆեսինալ դեբյուտը նշեց 2015 թվականի փետրվարի 4-ին՝ Լիգա Գաուշուի Այմորեի դեմ խաղում[4]։ Այս մրցաշրջանում նա այլևս խաղադաշտ դուրս չեկավ։ Իր առաջին հանդիպումը առաջնությունում անցկացրեց 2016 թվականի դեկտեմբերի 11-ին՝ Բոտաֆոգոյի դեմ խաղում՝ հանդիպման երկրորդ խաղակեսում փոխարինելով Կայո Մենդեսին[5][6]։
2017 թվականին Արթուրը դարձավ Գրեմիոյի հիմնական կազմի խաղացող։ Լիբերտադորեսի գավաթում իր դեբյուտը նշեց 2017 թվականի ապրիլի 21-ին՝ Գուարանի Ասունսյոնի դեմ խաղում[7]։ Այս խաղում նա տվեց 40 փոխանցում՝ 100% ճշգրտությամբ, ինչպես նաև՝ 1 գոլային փոխանցում, ինչի համար ճանաչվեց հանդիպման լավագույն ֆուտբոլիստ[8]։ Իր խաղային ոճի և տեխնիկայի համար Արթուրին հաճախ նմանեցնում էին Անդրես Ինիեստայի և Տիագո Ալկանտարայի հետ[9][10], և նրանով սկսեցին հետաքրքրվել մի շարք եվրոպական ակումբներ, ի դեմս՝ Չելսիի[11], Բարսելոնայի և Ատլետիկո Մադրիդի[12]։ Իր առաջին գոլը պրոֆեսիոնալ կարիերայում Արթուրը խփեց 2017 թվականի մայիսի 18-ին՝ Բրազիլիայի գավաթի Ֆլումինենսեի դեմ խաղում[13]։ Առաջնությունում իր առաջին գոլը խփեց հուլիսի 20-ին՝ Վիտորիա Սալվադորի դեմ խաղում[14]։ Գրեմիոյի առաջին թիմի կազմում Արթուրը անցկացրեց 70 հանդիպում՝ դառնալով 6 գոլի հեղինակ և ընդգրկվելով 2017 թվականի Սերիա A-ի խորհրդանշական հավաքականում[15]։
Բարսելոնա
2018 թվականի մարտի 11-ին Բարսելոնան հաստատեց Արթուրի տեղափոխության մասին Գրեմիոյի հետ համաձայնության գալու մասին լուրերը[16][17][18]։ Հուլիսի 9-ին նա 6 տարվա պայմանագիր կնքեց կատալոնական ակումբի հետ[19][20][21]։ Բարսելոնան նրա համար վճարեց 31 միլիոն եվրո[22][23], և հավելյալ 9 միլիոն եվրո բոնուսների տեսքով[24]։ Իր դեբյուտը նշեց օգոստոսի 12-ին՝ թիմի մեկնարկային կազմում խաղադաշտ դուրս գալով Իսպանիայի սուպերգավաթի Սևիլյայի դեմ խաղում[25] և օգնելով իր թիմին հաղթել 2-1 հաշվով ու նվաճել գավաթը[26][27]։ Առաջին հանդիպումը Լա Լիգայում Արթուրը անցկացրեց օգոստոսի 18-ին՝ փոխարինելով Ուսման Դեմբելեին Դեպորտիվո Ալավեսի դեմ խաղում և այս խաղում դառնալով գոլային փոխանցման հեղինակ[28][29]։
Իր առաջին հանդիպումը եվրոպական առաջնություններում Արթուրը անցկացրեց 2018 թվականի սեպտեմբերի 18-ին՝ փոխարինելով Ուսման Դեմբելեին Չեմպիոնների Լիգայի խմբային փուլի ՊՍՎ Էյնդհովենի դեմ խաղում[30][31]։ Հոկտեմբերի 28-ին բրազիլացին մասնակցեց իր առաջին Էլ Կլասիկոյին՝ կիսապաշտպանությունում գերիշխփելով Լուկա Մոդրիչի ու Թոնի Կրոսի նկատմամբ և օգնելով իր թիմին հաղթել 5-1 հաշվով[32][33]։ Դեկտեմբերի 21-ին Արթուրը ընդգրկվեց Չեմպիոնների Լիգայի 2018 թվականի տարվա հայտնությունների խորհրդանշական թիմում[34][35]։ 2019 թվականի մայիսի 25-ին նա թիմի մեկնարկային կազմում խաղադաշտ դուրս եկավ Իսպանիայի գավաթի եզրափակչի Վալենսիայի դեմ խաղում[36], սակայն Բարսելոնան պարտվեց 2-1 հաշվով[37][38]։ Իր առաջին մրցաշրջանում Արթուրը անցկացրեց 44 հանդիպում[39]՝ դառնալով 2 գոլային փոխանցման հեղինակ և Բարսելոնայի հետ հաղթելով Լա Լիգան[40][41]։
Միջազգային կարիերա
Արթուրը ներկայացրել է Բրազիլիան մինչև 17 տարեկանների երիտասարդական հավաքականում։ Բրազիլիայի Մ17 հավաքականի կազմում նա մասնակցել է 2013 թվականի Հարավային Ամերիկայի առաջնությանը։
2017 թվականի սեպտեմբերի 15-ին Արթուրը առաջին անգամ հրավիրվեց Բրազիլիայի ազգային հավաքական՝ Բոլիվիայի և Չիլիի դեմ խաղերի համար[42][43][44], սակայն այս հանդիպումներում խաղադաշտ դուրս չեկավ[45][46]։ 2018 թվականի մայիսին նա ներառվեց Բրազիլիայի՝ աշխարհի առաջնության համար նախնական 35 հոգանոց կազմում[47], սակայն չընդգրկվեց հավաքականի վերջնական թիմում[48][49]։ Իր դեբյուտը ազգային հավաքականում Արթուրը նշեց սեպտեմբերի 8-ին՝ փոխարինելով Ֆրեդին Միացյալ Նահանգների դեմ ընկերական խաղում[50][51]։
2019 թվականի մայիսին Արթուրը ընդգրկվեց Բրազիլիայի՝ Կոպա Ամերիկայի 23-հոգանոց կազմում[52][53]։ Նա անցկացրեց 5 հանդիպում՝ դառնալով 1 գոլային փոխանցման հեղինակ և ընդգրկվելով մրցաշարի խորհրդանշական հավաքականում[54][55][56]։ Բրազիլիան հաղթեց առաջնությունը[57]՝ եզրափակչում 3-1 հաշվով պարտության մատնելով Պերուին[58][59]։
Կարիերայի վիճակագրություն
Ակումբային վիճակագրություն
2019 թվականի օգոստոսի 23-ի դրությամբ[60]
| Ակումբ | Մրցաշրջան | Առաջնություն | Գավաթ | Մայրցամաքային | Այլ | Ընդհանուր | ||||||
|---|---|---|---|---|---|---|---|---|---|---|---|---|
| Դիվիզիոն | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | ||
| Գրեմիո | 2015 | Սերիա A | 0 | 0 | 0 | 0 | 0 | 0 | 1 | 0 | 1 | 0 |
| 2016 | 1 | 0 | 0 | 0 | — | 0 | 0 | 1 | 0 | |||
| 2017 | 27 | 1 | 5 | 1 | 12 | 0 | 6 | 0 | 50 | 2 | ||
| 2018 | 7 | 1 | 1 | 0 | 3 | 0 | 7 | 3 | 18 | 4 | ||
| Ընդհանուր | 35 | 2 | 6 | 1 | 15 | 0 | 14 | 3 | 70 | 6 | ||
| Բարսելոնա | 2018–19 | Լա Լիգա | 27 | 0 | 7 | 0 | 9 | 0 | 1 | 0 | 44 | 0 |
| 2019–20 | 0 | 0 | 0 | 0 | 0 | 0 | 0 | 0 | 0 | 0 | ||
| Ընդհանուր | 27 | 0 | 7 | 0 | 9 | 0 | 1 | 0 | 44 | 0 | ||
| Կարիերայի ընդհանուր | 62 | 2 | 13 | 1 | 24 | 0 | 15 | 3 | 114 | 6 | ||
Միջազգային վիճակագրություն
2019 թվականի օգոստոսի 23-ի դրությամբ[60]
| Բրազիլիա | ||
|---|---|---|
| Տարի | Խաղեր | Գոլեր |
| 2018 | 6 | 0 |
| 2019 | 9 | 0 |
| Ընդհանուր | 15 | 0 |
Նվաճումներ
Ակումբային
- Գրեմիո
- Բրազիլիայի գավաթ. 2016[61]
- Լիբերտադորեսի գավաթ. 2017[62]
- Ռեկոպա Սուդամերիկանա. 2018[63]
- Լիգա Գաուշու. 2018[64]
Բարսելոնա
- Լա Լիգա. 2018–19[40]
- Իսպանիայի սուպերգավաթ. 2018[26]
Միջազգային
Բրազիլիա
- Կոպա Ամերիկա. 2019[57]
Անհատական
- Բրազիլիայի Սերիա A-ի խորհրդանշական հավաքական. 2017[15]
- Բրազիլիայի Սերիա A-ի տարվա լավագույն նորեկ. 2017[15]
- Հարավային Ամերիկայի երրորդ լավագույն ֆուտբոլիստ. 2017[65]
- Կոպա Ամերիկայի խորհրդանշական հավաքական. 2019[54]
Ծանոթագրություններ
Արտաքին հղումներ
- Արթուրի պաշտոնական Ֆեյսբուքի էջը
- Արթուրի պաշտոնական Տվիտերի էջը
- Արթուրի պաշտոնական Ինստագրամի էջը
- Արթուրը transfermarkt-ում
- Արթուրը soccerbase.com-ում
- Արթուրը WhoScored.com կայքում
- Արթուրը Բարսելոնայի պաշտոնական կայքում
- Արթուրը ՈՒԵՖԱ-ի պաշտոնական կայքում
 | Վիքիպահեստն ունի նյութեր, որոնք վերաբերում են «Արթուր Մելո» հոդվածին։ |