Արարատ (ֆուտբոլային ակումբ, Մոսկվա)

«Արարատը» հիմնադրվել է 2017 թվականի մարտի վերջին^[1]՝ Մոսկվայի հայ երիտասարդության ասոցիացիայի աջակցությամբ^[2]։ Թիմը կոչվել է երևանյան համանուն ակումբի պատվին։ Ակումբը սկսել է ելույթները Ռուսաստանի երրորդ դիվիզիոնում։ Տնային մարզադաշտը համարվում է «Սպարտակովեցը»։

2017 թվականի մայիսի 30-ին ակումբը ստացել է Ռուսաստանի առաջնության «Կենտրոն» գոտում խաղալու իրավունք, այդ նույն օրը նրանք ձեռք են բերել Ռոման Պավլյուչենկոյին^[3]։ Հունիսի 7-ին ակումբը պայմանագիր է կնքել Ռուսաստանի հավաքականի մեկ այլ խաղացող Ալեքսեյ Ռոբկոյի հետ^[4], իսկ հունիսի 9-ին՝ Մարատ Իզմայլովի։

Թիմի գլխավոր մարզիչ նշանակվել է 45-ամյա Սերգեյ Բուլատովը^[5], կնքելով 1 տարվա պայմանագիր։ Սակայն 2017 թվականի հուլիսի 30-ին նա լքեց այդ պաշտոնը^[6]։ Այնուհետև գլխավոր մարզիչ նշանակվեց Արկադի Իմրեկովը^[7]։ Օգոստոսի 16-ին մարզիչ նշանակվեց Ալեքսանդր Գրիգորյանը։

2017-2018 մրցաշրջանի սկզբին թիմի առաջ դրվեց Ռուսաստանի Պրեմիեր Լիգա դուրս գալու խնդիր^[8]։