Առաջնածինները (հեռուստասերիալ)

Առաջնածինները
Ժանր	դեռահասական դրամա, վամպիրների մասին հեռուստատեսային ծրագիր, մարդագայլ հեռուստահաղորդում և ֆենթզի հեռուստասերիալ
Ստեղծող	Ջուլի Փլեք
Երկիր	ԱՄՆ
Հիմք	Վամպիրի օրագրերը
Լեզու	անգլերեն
Գլխավոր; դերերում	Ժոզեֆ Մորգան, Դենիել Գիլլիս, Քլեր Հոլթ, Ֆիբի Թոնքին, Չարլզ Մայքլ Դեվիս, Լեա Փայփս, Դանիելլա Քեմպբելլ, Յուսուֆ Գեյթվուդ, Ռայլի Վոուլկել, Դանիելա Պինեդա, Սամմեր Ֆոնտանա, Դանիել Ռոուզ Ռասել և Սթիվեն Կրուգեր
Գործադիր պրոդյուսեր	Ջուլի Փլեք
Սցենարիստ	Beau DeMayo?
Երաժշտություն	Մայքլ Սյուբի
Պատմվածքի վայր	Օռլեան շրջան
Նկարահանման վայր	Ջորջիա և Ատլանտա
Եթերաշրջանների քանակ	5
Սերիաների քանակ	92
Էկրաններին է	հոկտեմբերի 3, 2013-ից օգոստոսի 1, 2018-ը
Հեռուստաալիք	The CW
Ընկերություն	Warner Bros. Television
Դիստրիբյուտոր	Warner Bros. Television և Նեթֆլիքս
Պատկերի ձևաչափ	16:9
Կապակցված	Ժառանգություն
	Պաշտոնական կայքէջ

«Առաջնածինները» կամ «Հնամենիները» (անգլ.՝ The Originals), ամերիկյան հեռուստասերիալ է`ստեղծված Ջուլի Պլեքի կողմից, որը մեկնարկել է 2013 թվականի հոկտեմբերի 3-ին^[3]։ Այն համարվում է «Վամպիրի օրագրերը» հեռուստասերիալի սփին-օֆֆը, որի գործողության կենտրոնում գտնվում են հեռուստասերիալի մի քանի հիմնական կերպարներ։

Սյուժե

Հեռուստասերիալում պատմվում է 3 առաջնածին վամպիրների` Կլաուսի (Ժոզեֆ Մորգան), Էլայջայի (Դենիել Գիլլիս) և Ռեբեկայի (Քլեր Հոլթ) մասին, որոնք Միստիկ Ֆոլսից տեղափոխվել են Նոր Օռլեան։ Պարզվում է, որ մարդագայլ Հեյլին (Ֆիբի Թոնքին) հղի է Կլաուսից։ Կլաուսը մտադիր է իր հովանավորյալ վամպիրին` Մարսելին (Չարլզ Մայքլ Դեվիս), որը այժմ կառավարում է Նոր Օռլեանը, գահընկեց անել և իրեն վերադարձնել քաղաքը, որն ինքն է հիմնել։ Այդպես էլ անում է և քաղաքը վերցնում իր ափի մեջ։ 2-րդ եթերաշրջանից քաղաք է գալիս Ֆրեյա Մայքլսոնը՝ Կլաուսի, Էլայջայի, Ռեբեկայի, Կոլի և Ֆինի ավագ քույրը։

Դերասանական կազմ և կերպարներ

Ժոզեֆ Մորգան^[4]՝ Նիկլաուս (Կլաուս) Մայքլսոն, որն իրեն հռչակել է Նոր Օռլեանի արքան և հնամենի հիբրիդ է (կիսով չափ առաջնածին վամպիր և կիսով չափ մարդագայլ)։ Որպես վհուկի և մարդագայլի զավակ, և բացի այդ լինելով վամպիր, Կլաուսը պատմության մեջ ամենասարսափազդու կերպարներից է, որը դրա հետ մեկտեղ գնահատում և սիրում է իր ընտանիքը։

Դենիել Գիլլիս^[5]՝ Էլայջա Մայքլսոն, նա նույնպես առաջնածին է և Կլաուսի ավագ եղբայրը, որը սիրում է Հեյլիին։

Քլեր Հոլթ^[6]՝ Ռեբեկկա Մայքլսոն, Էլայջայի և Կլաուսի քույրը։ Կլաուսը նրան իր քույրերից և եղբայրներից ամենաշատն է սիրում Հենրիկի մահից հետո։ Որոշ ժամանակ նա և Մարսելը սիրել են միմյանց։ Չնայած նրա անսահման սիրոն ընտանիքի հանդեպ, նա որոշում է կառուցել իր սեփական ընտանիքը, որին խանգարում է իր առաջնածին վամպիր լինելու փաստը։

Ֆիբի Թոնքին^[7]՝ Հեյլի Մարշալ Քեներ։ Սկզբում լինում է մարդագայլ, ապա վերածվում է հիբրիդի։ Նա Կլաուսի աղջկա՝ Հոուփի մայրն է։ Հետագայում նա և Էլայջան սիրում են միմյանց, բայց Հեյլին ամուսնանում է Ջեքսոնի հետ, որպեսզի Ջեքսոնի հետ միասին պաշտպանի իր դստերը։

Չարլզ Մայքլ Դեվիս^[8]՝ Մարսել Ժերարդ, նա վամպիր է, հետագայում առաջնածին վամպիր, որը վերածվել է վամպիրի Կլաուսի (նրա որդեգրողը և մենթորը) կողմից։ Նա սիրել է Քամիին և Ռեբեկկային։

Լեա Փայփս՝ Քամիլա ՕՙՔոննել, սովորական մարդ հոգեթերապևտ։ Նա և Կլաուսը սիրում էին միմյանց, չնայած նրան, որ Քամին սիրային կապի մեջ է եղել նաև Մարսելի հետ։

Դանիելլա Քեմպբելլ՝ Դավինա Քլեյր, ում որդեգրել է Մարսելը։ Նա երիտասարդ կախարդ է, որը ջանում է սպանել Մայքլսոններին, մինչև որ սիրահարվում է Քոլ Մայքլսոնին։

Դանիելա Պինեդա՝ Սոֆի Դեվերոո, ուժեղ կախարդ։

Յուսուֆ Գեյթվուդ՝ Վինսենթ Գրիֆիթ, կախարդ և Մայքլսոն եղբայրներից ամենամեծը։

Ռայլի Վոուլկել՝ Ֆրեյա Մայքլսոն, ուժեղ կախարդ և Մայքլսոնների կորած քույրը։