Աննա Վեքիլյան

Աննա Վեքիլյանը ծնվել է 1983 թվականին, Երևանում։ 1992-2001 թվականներին սովորել է Երևանի պարարվեստի պետական ուսումնարանում, որտեղ նրան դասավանդել են Թերեզա Գրիգորյանը (դերասանի վարպետություն), Ելենա Արամովնան, Աշխեն Բոյաջյանը (բնորոշ պար), Լոլա Գյուրջյանը (դասական պար), Հովհաննես Դիվանյանը (դասական պար և զուգապար)^[1]։ 2001 թվականից որպես բալետի արտիստ աշխատում է Երևանի Ալեքսանդր Սպենդիարյանի անվան օպերայի և բալետի ազգային ակադեմիական թատրոնում։ Միաժամանակ, 2001-2006 թվականներին սովորել է Երևանի «Հրաչյա Աճառյան» համալսարանի միջազգային իրավունքի բաժնում՝ իրավագետ-միջազգայնագետի մասնագիտությամբ։ «Լեքս Փարթներս» ՍՊԸ-ում եղել է իրավաբան, «Ապագա» վերլուծական շաբաթաթերթում՝«Իրավունք» բաժնի լրագրող^[2][3]։

2004 թվականից մենապարերով և գլխավոր դերերով հանդես է եկել բալետային և օպերային ներկայացումներում։ Հյուրախաղերով հանդես է եկել Մոսկվայում, Եգիպտոսում, Սիրիայում, Թուրքիայում, Միացյալ Արաբական Էմիրություններում, Բահրեյնում, Թունիսում, Քաթարում, Սանկտ Պետերբուրգում։

• Ինչ են ցանկանում Օպերային թատրոնի արտիստները