Անդրե Ասիման
Անդրե Ասիման (անգլ.՝ André Aciman[4], հունվարի 2, 1951[1], Ալեքսանդրիա, Եգիպտոս[2]), եգիպտացի-ամերիկացի գրող։ Նա ծնվել և մեծացել է Եգիպտոսի Ալեքսանդրիա քաղաքում և ներկայումս գրականության տեսության պատմություն և Մարսել Պրուստի աշխատանքներ է դասավանդում Նյու Յորքի քաղաքային համալսարանի ասպիրանտուրայում[5][6]։ Մինչ այդ Ասիմանը ստեղծարար գիր է դասավանդել Նյու Յորքի համալսարանում և ֆրանսիական գրականություն՝ Փրինսթոնի համալսարանում և Բարդ քոլեջում[7][8][9]։
Անդրե Ասիման | |
---|---|
![]() | |
Ծնվել է | հունվարի 2, 1951[1] (73 տարեկան) |
Ծննդավայր | Ալեքսանդրիա, Եգիպտոս[2] |
Մասնագիտություն | գրող, համալսարանի դասախոս, գրական քննադատ, լրագրող, վիպասան, հեղինակ, գրական տեսաբան և գրականության պատմաբան |
Քաղաքացիություն | ![]() |
Կրթություն | Հարվարդի համալսարան, Lehman College? և Վիկտորիա քոլեջ |
Աշխատավայր | Փրինսթոնի համալսարան, Նյու Յորքի համալսարան, Ուեսլեական համալսարան, Նյու Յորքի քաղաքային համալսարան և Եշիվա համալսարան |
Պարգևներ | |
![]() | |
![]() |
2009 թվականին նա Այցելող ականավոր գրող է եղել Ուեսլեյան համալսարանում[10][11][12]։
Նա մի քանի ստեղծագործությունների հեղինակ է, ներառյալ «Կոչի՛ր ինձ քո անունով» (անգլ.՝ Call Me by Your Name, 2007 թվականի Լամբդա գրական մրցանակի (անգլ.՝ Lambda Literary Award) դափնեկիր «Գեյ գեղարվեստական գրականություն» անվանակարգում[13], որը հիմք է հանդիսացել նույնանուն ֆիլմի համար) վեպը և 1995 թվականի՝ «Եգիպտոսից դուրս» (անգլ.՝ Out of Egypt) հուշագրությունը, որն արժանացել է Ուայթինգի մրցանակին (անգլ.՝ Whiting Award)[14]։ Թեև Ասիմանն առավել հայտնի է «Կոչի՛ր ինձ քո անունով» վեպով, 2019 թվականին տված հարցազրույցում նա հայտնել է, որ «Ութ սպիտակ գիշերներ» (անգլ.՝ Eight White Nights) վեպը նրա լավագույն գիրքն է[15]։
Վաղ տարիներ և կրթություն
Ասիմանը ծնվել և մեծացել է Եգիպտոսի Ալեքսանդրիա քաղաքում՝ Ռեջայն և Հենրի Ասիմանների ընտանիքում, որոնցից վերջինս տրիկոտաաժի գործարանի սեփականատեր էր[16][17][18][19]։ Նրա մայրը խուլ էր[20]։ Ասիմանը դաստիարակվել է ֆրանսախոս ընտանիքում, որի անդամները նաև խոսում էին իտալերենով, հունարենով, արաբերենով և լադիներենով[8]։
![](http://upload.wikimedia.org/wikipedia/commons/thumb/b/b3/Andre_Aciman.jpg/170px-Andre_Aciman.jpg)
![](http://upload.wikimedia.org/wikipedia/commons/thumb/d/d1/Andr%C3%A9_Aciman_-_Find_Me_%2849064736568%29.jpg/220px-Andr%C3%A9_Aciman_-_Find_Me_%2849064736568%29.jpg)
Նրա ծնողները Ալեքսանդրիայում 1905 թվականին հաստատված ընտանիքներից թուրքական և իտալական արմատներով Սեֆարդի հրեաներ էին[9]։ Որպես Մուտամասսիրուն («օտարերկրյա») համայնքների անդամներ, նրա ընտանիքի անդամները չէին կարող Եգիպտոսի քաղաքացիներ դառնալ։ Երեխա հասակում Ասիմանը սխալմամբ հավատում էր, որ ֆրանսիական քաղաքացի է։ Եգիպտոսում նա բրիտանական դպրոցներ է հաճախել[15]։
Այն բանից հետո, երբ նրա հայրը իտալական քաղաքացիություն է ստացել ընտանիքի համար, Ասիմանը, նրա մայրը և եղբայրը՝ որպես փախստականներ տեղափոխվել են Հռոմ, մինչդեռ նրա հայրը տեղափոխվել է Փարիզ։ 1968 թվականին նրանք տեղափոխվել են Նյու Յորք[8]։ 1973 թվականին նա Լեհմանի քոլեջում անգլերենի և համեմատական գրականության բակալավրի աստիճան է ստացել, իսկ 1988 թվականին՝ Հարվարդի համալսարանում համեմատական գրականության մագիստրոսի և փիլիսոփայության դոկտորի աստիճան[21]։
«Եգիպտոսից դուրս»
Ասիմանի 1996 թվականին լույս տեսած «Եգիպտոսից դուրս» հուշագրությունը լայն քննարկումների առարկա է դարձել[22][23]։ Նյու Յորք Թայմսում Միչիկո Կակուտանին գիրքը նկարագրել է որպես «հրաշալի հուշագրություն․․․ այն թողնում է ընթերցողին այժմ անհետացած աշխարհի հետաքրքրաշարժ դիմանկարով»։ Նա համեմատում է ստեղծագործությունը Լորենս Դարելի աշխատանքների հետ և նշում է, որ «այստեղ կան որոշ զարմանալի պայծառ տեսարաններ, այնպես տարօրինակ և զարմանալի, ինչպես ինչ-որ բան Գաբրիել Գարսիա Մարկեսից, և այնպես էլ զավեշտական ու անսպասելի, ինչպես ինչ-որ բան Չեխովից»[9]։
Անձնական կյանք
Ասիմանն ամուսնացած է Սյուզան Վիվիոթի հետ։ Նրանք երեք որդի ունեն՝ Ալեքսանդրը և երկվորյակներ Ֆիլիպը և Մայքլը[24][25][26]։ Նրա կինը՝ Սյուզանը, Վիսկոնսինի համալսարանի և Հարվարդի իրավագիտության ֆակուլտետի շրջանավարտ է և «Bridge, Inc.» ընկերության գլխավոր տնօրենը։ Նա նաև «Kadmon Holdings, Inc.» ընկերության տնօրենների խորհրդի անդամն է և նախկինում աշխատել է որպես «Palladia» ընկերության գլխավոր ծրագրային տնօրեն[27][28][29][30][31][32][33]։
Մրցանակներ
- 1995 Ուայթինգ մրցանակ
- 2007 Լամբդա գրական մրցանակ
Մատենագրություն
![](http://upload.wikimedia.org/wikipedia/commons/thumb/9/9c/Luca_Guadagnino_and_Andr%C3%A9_Aciman_at_the_screening_of_Call_Me_By_Your_Name%2C_2017_Berlin_International_Film_Festival.jpg/170px-Luca_Guadagnino_and_Andr%C3%A9_Aciman_at_the_screening_of_Call_Me_By_Your_Name%2C_2017_Berlin_International_Film_Festival.jpg)
Վեպեր
- Կոչի՛ր ինձ քո անունով (2007)[34][35][36]
- Ութ սպիտակ գիշերներ (2010)
- Հարվարդի հրապարակ (2013)
- Էնիգմայի տարբերակներ (2017)
- Գտի՛ր ինձ (2019)[37]
Կարճ գեղարվեստական գրականություն
- «Cat's Cradle». The New Yorker. Հոկտեմբերի, 1997։
- «Monsieur Kalashnikov». The Paris Review. 181. Ամառ, 2007.
{{cite journal}}
: Cite has empty unknown parameter:|1=
(օգնություն)։ - «Abingdon Square». Granta. 122 (Betrayal). Ձմեռ, 2013.
{{cite journal}}
: Cite has empty unknown parameter:|1=
(օգնություն)։
Ոչ գեղարվեստական
- Եգիպտոսից դուրս (հուշագրություն) (1995)[5][6]
- Տարանցիկ նամակներ։Աքսորի, ինքնության, լեզվի և կորստի մասին մտորումներ (խմբագիր/մասնակից) (1999)
- Կեղծ փաստաթղթեր։ Աքսորի և հիշողության մասին ակնարկներ (2000)[5][6]
- Entrez: Ֆրանսիայի նշաններ (Սթիվեն Ռոթֆելդի հետ) (2001)
- Պրուստ նախագիծը (խմբագիր) (2004)[5][38]
- Ալիբիներ։ Ակնարկներ այլուր (2011)
Ընտրված հոդվածներ
- «Անխոհեմ հրեայի մտորումներ». The Threepenny Review. 81. Գարուն, 2000։
- «Ելքի մասին Օբաման մոռացել է հիշատակել». Opinion. The New York Times. Հունիսի 8, 2009։
- «Դու լսու՞մ ես ինձ։ Խոսակցություն իմ խուլ մոր հետ». Personal History. The New Yorker. Մարտի 17, 2014։
- «Վ. Գ. Սեբալդը և արտագաղթողները». The New Yorker. Օգոստոսի 25, 2016։
Ծանոթագրություններ
Հետագա ընթերցում
- Aciman, André (2009 թ․ հունիսի 8). «The Exodus Obama Forgot to Mention». The New York Times. Վերցված է 2009 թ․ սեպտեմբերի 21-ին.
{{cite news}}
: CS1 սպաս․ url-status (link)
Արտաքին հղումներ
- Հարցազրույց Անդրե Ասիմանի հետ, bookslut.com Արխիվացված 2018-02-01 Wayback Machine
- Andre Aciman on Writing, His Work and Inspirations ՅուԹյուբում
- «Գրող և հրավիրված պրոֆեսոր Անդրե Ասիմանը կիսվում է իր ստեղծագործական գործընթացով». The Wesleyan Argus. Վերցված է 2017 թ․ սեպտեմբերի 5-ին.
- Անդրե Ասիմանի պրոֆիլը, The Whiting Foundation վեբ կայք; Մարտի 8, 2018։
![]() | Վիքիպահեստն ունի նյութեր, որոնք վերաբերում են «Անդրե Ասիման» հոդվածին։ |