Անդրեյ Իլյասկին
Անդրեյ Գրիգորևիչ Իլյասկին (ռուս.՝ Андре́й Григо́рьевич Иля́скин, հուլիսի 25, 1967, Մոսկվա, ԽՍՀՄ), ռուս նախկին ֆուտբոլիստ (հանդես է եկել կիսապաշտպանի դիրքում), ֆուտբոլային մարզիչ։ ԽՍՀՄ սպորտի վարպետ։
 ռուս.՝ Андрей Иляскин | |||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Անձնական տվյալներ | |||||||||||||||||||||||||||||||||||||||||||||
| Քաղաքացիությունը |  ԽՍՀՄ և  Ռուսաստան | ||||||||||||||||||||||||||||||||||||||||||||
| Ծննդյան ամսաթիվ | հուլիսի 25, 1967 (56 տարեկան) | ||||||||||||||||||||||||||||||||||||||||||||
| Ծննդավայր | Մոսկվա, ԽՍՀՄ | ||||||||||||||||||||||||||||||||||||||||||||
| Դիրք | կիսապաշտպան | ||||||||||||||||||||||||||||||||||||||||||||
| Մասնագիտական կարիերա* | |||||||||||||||||||||||||||||||||||||||||||||
| Տարի | Ակումբ | Խաղ | (Գոլ) | ||||||||||||||||||||||||||||||||||||||||||
| |||||||||||||||||||||||||||||||||||||||||||||
| Ազգային հավաքական | |||||||||||||||||||||||||||||||||||||||||||||
| |||||||||||||||||||||||||||||||||||||||||||||
| Մարզչական կարիերա | |||||||||||||||||||||||||||||||||||||||||||||
| |||||||||||||||||||||||||||||||||||||||||||||
Պարգևացանկ  | |||||||||||||||||||||||||||||||||||||||||||||
| * Մասնագիտական կարիերայում ընդգրկված են միայն առաջնության խաղերը և գոլերը: | |||||||||||||||||||||||||||||||||||||||||||||
Կարիերա
Խաղացողի
Անդրեյ Իլյասկինը Մոսկվայի ՖՇՄ ֆուտբոլային ակումբի սան է. նրա առաջին մարզիչը եղել է Վ. Յուլիգինը[1]։ 1984 թվականից մինչև 1985 թվականն Անդրեյ Իլյասկինը հանդես է եկել Մոսկվայի «Լոկոմոտիվ» ակումբում՝ 19 հանդիպումներում խփելով երկու գոլ։ 1986 թվականից մինչև 1988 թվականը նա պաշտպանել է Սմոլենսկի «Իսկրա» ակումբի գույները՝ 91 խաղում դառնալով 16 գոլի հեղինակ։ 1989 թվականի մրցաշրջանում նա կրկին խաղացել է «Լոկոմոտիվում», որի կազմում կատարել է իր նորամուտը ԽՍՀՄ Բարձրագույն լիգայում, որի շրջանակներում մասնակցել է երկու հանդիպման։
1990 թվականից մինչև 1991 թվականն Անդրեյ Իլյասկինը խաղացել է Բրյանսկի «Դինամո» ակումբում, որի կազմում անցկացրած 35 հանդիպումներում խփել է 3 գոլ։ Հետագայում նա համալրել է «Կուբան» ֆուտբոլային ակումբի շարքերը, որի կազմում 1991 թվականի մրցաշրջանում անցկացրել է 21 հանդիպում և խփել է 3 գոլ[2]։ 1991/92 մրցաշրջանում հանդես է եկել Վարշավայի «Պոլոնիա» ակումբում։
1992 թվականին Անդրեյ Իլյասկինը տեղափոխվել է Մոսկվայի ԲԿՄԱ, որի կազմում կատարել է իր նորամուտը Ռուսաստանի Բարձրագույն լիգայում, որտեղ անցկացրել է 7 հանդիպում և խփել մեկ գոլ։ Դրանից բացի այդ մրցաշրջանում նա ԲԿՄԱ-2-ի կազմում անցկացրել է 9 խաղ և խփել հինգ գոլ։ 1993 թվականից մինչև 1997 թվականը խաղացել է «Շիննիկ» ակումբում՝ 148 հանդիպումներում խփելով 30 գոլ։ 1996 թվականին նա ակումբի կազմում դարձել է Ռուսաստանի Առաջին լիգայի արծաթե մեդալակիր, եղել է թիմի ավագ։
1997 թվականին տեղափոխվել է «Ռուբին» ֆուտբոլային ակումբ, որի կազմում անցկացրած 7 հանդիպումներում խփել է 1 գոլ։ 1998 թվականի մրցաշրջանում պաշտպանել է Վորոնեժի «Ֆակել» ակումբի գույները՝ մասնակցելով ութ հանդիպման։ 1999 թվականին հանդես է եկել «Սպարտակ-Օրոխովո» ակումբում՝ նրա կազմում մասնակցելով 15 հանդիպման։
2000 թվականի մրցաշրջանը Անդրեյ Իլյասկինն սկսել է Վոլոգդայի «Դինամո» ակումբում, որի կազմում անցկացրած 15 խաղերում դարձել է մեկ գոլի հեղինակ։ Դրանից հետո նա տեղափոխվել է Մոզիրի «Սլավիա», որի կազմում անցկացրել է մրցաշրջանի մնացած մասը՝ մասնակցելով չորս հանդիպման և թիմին օգնելով դառնալ Բելառուսի չեմպիոն ու նվաճել երկրի գավաթը[3]։
Անդրեյ Իլյասկինը հանդես է եկել ԽՍՀՄ պատանեկան հավաքականում։
Մարզչական
2001 թվականից մինչև 2002 թվականը Անդրեյ Իլյասկինը՝ որպես գլխավոր մարզչի օգնական, աշխատել է «Պրեսնյա» ակումբում։ 2003 թվականին գլխավորել է Մոսկվայի «Ուրալան-ՊԼՅՈՒՍ» ակումբը։ Դրանից հետո նա կրկին աշխատել է որպես «Պրեսնյա» ակումբի գլխավոր մարզչի օգնական, ապա դարձել է «Ֆուտբոլային ակումբ „Պրեսնյա“» ՓԲԸ գլխավոր տնօրենը[4]։
Ձեռքբերումներ
- Բելառուսի չեմպիոն – 2000
- Ռուսաստանի Առաջին լիգայի արծաթե մեդալակիր (դուրս է եկել Բարձրագույն լիգա) – 1996
- Բելառուսի գավաթակիր – 2000