Ամակա Իգվե
Ամակա Իգվե (անգլ.՝ Amaka Igwe, հունվարի 2, 1963[1][2], Պորտ Հարկորտ, Նիգերիա - ապրիլի 28, 2014[3], Էնուգու, Նիգերիա[4]), նիգերիացի կինոռեժիսոր, հեռարձակող ընկերության գործադիր տնօրեն։ Եղել է Top Radio 90.9 Lagos-ի և Amaka Igwe Studios-ի սեփականատերը[5]։ Համարվել է կինոռեժիսորների երկրորդ սերնդի լավագույն ներկայացուցիչներից մեկը, ով մեծապես նպաստել է նիգերիական կինոյում տեսաֆիլմերի դարաշրջանի սկզբնավորմանը և այդ ասպարեզում նշանավոր դեմքերից մեկն է մնացել մինչև իր մահը[6]։
![]() անգլ.՝ Amaka Igwe | |
---|---|
Ծնվել է | հունվարի 2, 1963[1][2] |
Ծննդավայր | Պորտ Հարկորտ, Նիգերիա |
Մահացել է | ապրիլի 28, 2014[3] (51 տարեկան) |
Մահվան վայր | Էնուգու, Նիգերիա |
Կրթություն | Օբաֆեմի Ավոլովո համալսարան և Իբադանի համալսարան |
Քաղաքացիություն | ![]() |
Կրոն | քրիստոնեություն |
Մասնագիտացում | կինոպրոդյուսեր, կինոռեժիսոր և գրող |
IMDb | ID ID 4177818 |
2020 թվականի հունվարի 2-ին Google Doodle-ը հատուկ անդրադարձել է նրա ծննդյան 57-րդ տարելիցին[7][8][9]։
Կենսագրություն
Ամական ծնվել է 1954 թվականի հունվարի 2-ին, նիգերիական Պորտ Անկուր քաղաքում։ Սովորել է Ամենայն սրբոց դպրոցում (All Saints School, ներկայումս՝ Trans Ekulu Primary School), Էնուգու քաղաքի իգական ավագ դպրոցում (Girls High School Awkunanaw), Էդո նահանգի վարչական կենտրոն Բենին քաղաքի Իդիա քոլեջում (Idia College)[10]: Այնուհետև ուսումնառությունը շարունակել է Օբաֆեմի Ավոլովո համալսարանում, որտեղ ուսումնասիրել է մանկավարժություն ու կրոն, և Նիգերիայի խոշոր քաղաքներից մեկի՝ Իբադանի համալսարանում, որն ավարտել է՝ ստանալով մագիստրոսի աստիճան[10]։
Եղել է լայն ժողովրդականություն վայելող մի շարք հեռուստասերիալների (այդ թվում՝ Checkmate-ի և Fuji House of Commotion-ի) պրոդյուսերը, թողարկել է նաև սիրված տեսաֆիլմեր, որոնցից մի քանիսը վաճառվել են 300 000-ը գերազանցող կրկնօրինակներով[11]։
1993 թվականին Ամական ամուսնացել է Չարլզ Իգվեի հետ, ով նախկին բանկիր էր և անցել էր պրոդյուսերական աշխատանքի[4]։ Նրանք ունեցել են երեք զավակ՝ Ռուբին, Դեյվիդը և Դենիելը[10]։
Ամակա Իգվեն մահացել է հիսուն տարեկան հասակում՝ 2014 թվականի ապրիլի 28-ին, ասթմայի նոպայի և դրան հաջորդած բարդությունների հետևանքով[12][13]։ Նրա հուղարկավորությանը մասնակցել են բազմաթիվ երկրպագուներ, Իմո նահանգի վարչակազմի ղեկավարը, Նոլիվուդի կինոինդուստրիայի մի ամբողջ շարք անվանի ներկայացուցիչներ[14][15][16]։
Մեծարանք
Նիգերիական մշակույթում ու արվեստում ներդրած նշանակալի ավանդի համար Ամակա Իգվեն արժանացել է մի շարք պարգևների։ 2011 թվականին նրան շնորհվել է Նիգերիայի կառավարական բարձր պարգև՝ MFR շքանշան (Member of The Federal Republic of Nigeria)[17][18]:
2020 թվականի հունվարի 2-ին էլ Google-ը հատուկ անդրադարձել է նրա ծննդյան 57-րդ տարելիցին[19][20]։
Ֆիլմագրություն
- Rattle Snake 1,2 & 3
- Violated 1&2
- To Live Again
- Full Circle
- A Barber's Wisdom
Հեռուստասերիալներ
- Fuji House of Commotion
- Solitaire
- Now We Are Married
- Infinity Hospital
- Bless This House
- Checkmate
Գրականություն
- "Amaka Igwe - She Came, She Saw, She Made a Difference." Africa News Service. 5 May 2014. Opposing Viewpoints in Context. Web. 28 Apr. 2016.
- Charles Igwe's Touching Eulogy to Late Wife, Amaka. (2014, June 23). Africa News Service.
- Esonwanne, U. (2008). Interviews with Amaka Igwe, Tunde Kelani, and Kenneth Nnebue. Research in African Literatures,'(4), 24.
- Haynes, J., & Okome, O.. (1998). Evolving popular media: Nigerian video films. Research in African Literatures, 29(3), 106-128. [1]
- How Amaka Igwe died with her numerous visions - nigeriafilms.com - 5 May 2016 - [2]
- [3] African Film Festival, New York
- [4] Արխիվացված 2020-10-26 Wayback Machine Google Doodle Pays Tribute To Late Nigerian Iconic Filmmaker, Amaka Igwe
Ծանոթագրություններ
Արտաքին հղումներ
- Ամակա Իգվե Internet Movie Database կայքում
- Amaka Igwe Africa Film Academy-ում
- "Photos of Late Amaka Igwe’s Husband, Children And Others," Information Nigeria, May 2, 2014. Retrieved 18 August 2016.