Ալլա Շիշկինա
Ալլա Անատոլևնա Շիշկինա (ռուս.՝ Алла Анатольевна Шишкина, օգոստոսի 2, 1989, Մոսկվա, ԽՍՀՄ), ռուս գեղալողորդ։ Ամառային օլիմպիական խաղերի երկակի չեմպիոն (2012 և 2016), աշխարհի 14-ակի և Եվրոպայի հնգակի չեմպիոն, Եվրոպական չեմպիոնների գավաթի դափնեկիր[1]։
Ալլա Շիշկինա | |
---|---|
![]() | |
Անձնական տեղեկություն | |
Սեռ՝ | իգական |
Բնօրինակ անուն՝ | ռուս.՝ Алла Анатольевна Шишкина |
Մասնագիտացում՝ | synchronized swimmer և լողորդ |
Երկիր՝ | ![]() ![]() |
Ծննդյան ամսաթիվ՝ | օգոստոսի 2, 1989 (34 տարեկան) |
Ծննդավայր՝ | Մոսկվա, ԽՍՀՄ |
Ակումբ՝ | Դինամո |
Մարզիչ(ներ)՝ | Տատյանա Պոկրովսկայա |
1,7 մետր | |
Քաշ՝ | 56 կիլոգրամ |
Կենսագրություն
Ալլա Շիշկինան հինգ տարեկանից զբաղվել է երաժշտությամբ և բալետով։ Յոթ տարեկաում հեռուստացույցով տեսել է գեղալողի մրցություն և ծնողներին խնդրել իրեն տանել «Օլիմպիական» մարզահամալիրի գեղալողի խմբակ։ Առաջին մարզիչը եղել է Ելիզավետա Ֆիլատկինան, հետագայում՝ Սվետլանա Վոլկովան, իսկ անհատական մարզիչը՝ Նատալյա Չիժովան։ Հետագայում մարզվել է Տատյանա Պոկրովսկայայի մոտ։
Պատանեկան հավաքականի կազմում չի ընդգրկվել։ Պեկինի Օլիմպիական խաղերից հետո ընդգրկվել է Ռուսաստանի հավաքականում (2008)։
2009 թվականին Հռոմում անցկացվող աշխարհի առաջնությունում Ռուսաստանի գեղալողի հավաքականը (Անաստասիա Դավիդովա, Նատալիա Իշչենկո, Դարյա Կորոբովա, Աննա Նասեկինա, Ալեքսանդրա Պացկևիչ, Սվետլանա Ռոմաշինա, Ալլա Շիշկինա, Անժելիկա Տիմանինա) նվաճել է երկու ոսկե մեդալ՝ հաղթելով տեխնիկական և ազատ ծրագրերում[2]։
2010 թվականին Բուդապեշտում անցկացվող Եվրոպայի առաջնությունում Ալլա Շիշկինան մասնակցել է խմբերի ու համակցված ծրագրերին, որտեղ ռուս մարզուհիները հաղթել են զգալի առավելությամբ։
2011 թվականին Շանհայում (Չինաստան) անցկացվող ջրային մարզաձևերի աշխարհի առաջնությունում Ալլա Շիշկինան դարձել է աշխարհի եռակի չեմպիոն խմբերի և համակցված ծրագրերում։
2012 թվականին Ալլա Շիշկինան Ռուսաստանի հավաքականի կազմում դարձել է Լոնդոնում անցկացվող Օլիմպիական խաղերի չեմպիոն։
2013 թվականին Կազանում անցկացվող ամառային Ունիվերսիադայում նվաճել է երկու ոսկե մեդալ՝ հաղթելով խմբերի[3] և համակցված ծրագրերում[4]։
Նույն թվականին Բարսելոնայում անցկացված աշխարհի առաջնությունում Ալլա Շիշկինան դարձել է աշխարհի չեմպիոն խմբերի ու համակցված մրցություններում[5][6][7]։
2015 թվականին Կազանում և 2019 թվականին Կվանջուում անցկացվող աշխարհի առաջնություններում Ալլա Շիշկինան արժանացել է ոսկե մեդալների խմբերի ու համակցված մրցություններում։ 2016 թվականին Ռուսաստանի հավաքականի կազմում մասնակցել է Ռիո դե Ժանեյրոյում անցկացվող Օլիմպիական խաղերին՝ հաղթելով խմբային վարժություններում։
Նկարահանվել է РЕН ТВ ալիքի «Званый ужин» ծրագրում։
Կրթություն է ստացել զբոսաշրջային մենեջմենթի բնագավառում և սպորտով զբաղվելուն զուգահեռ աշխատել մասնագիտությամբ։
Պարգևներ
- Պատվո շքանշան (25 օգոստոսի, 2016 թվական) – 2016 թվականին Ռիո դե Ժանեյրո քաղաքում (Բրազիլիա) XXXI Օլիմպիական խաղերում մարզական բարձր արդյունքների, հաղթանակի նկատմամբ կամքի և նպատակասլացության ցուցաբերման համար [8].
- Բարեկամության շքանշան (13 օգոստոսի, 2012 թվական) – ֆիզիկական կուլտուրայի և սպորտի զարգացման գործում ունեցած մեծ ավանդի, 2012 թվականին Լոնդոնում (Մեծ Բրիտանիա) 30-րդ Օլիմպիական խաղերում ունեցած մարզական բարձր ձեռքբերումների համար[9].
- Ռուսաստանի սպորտի վաստակավոր վարպետ (9 փետրվարի, 2010 թվական)[10].
- Ռուսաստանի Դաշնության նախագահի պատվոգիր (19 հուլիսի, 2013 թվական) – 2013 թվականին Կազանում անցկացված XXVII համաշխարհային ամառային ունիվերսիադայում ցուցաբերած մարզական բարձր ձեռքբերումների համար[11].
Ծանոթագրություններ
Գրականություն
- «Русалочка» // «Спорт-Экспресс» 29 августа 2016 года
Արտաքին հղումներ
- Լուսանկար
- Հարցազրույց
- программа «Пятница»(չաշխատող հղում)
![]() | Վիքիպահեստն ունի նյութեր, որոնք վերաբերում են «Ալլա Շիշկինա» հոդվածին։ |