Ալեքսա Վեգա
Ալեքսա Վեգա (անգլ.՝ Alexa Vega, օգոստոսի 27, 1988[1][2][2][…], Մայամի, Ֆլորիդա, ԱՄՆ), ամերիկացի դերասանուհի և երգչուհի, առավել հայտնի է դարձել «Լրտեսների երեխաները» ֆիլմերի շարքում և «Ռիպո. Գենետիկական օպերա» մյուզիքլում իր դերերի շնորհիվ։
 անգլ.՝ Alexa PenaVega | |
|---|---|
 | |
| Ծնվել է | օգոստոսի 27, 1988 (35 տարեկան) |
| Ծննդավայր | Մայամի, Ֆլորիդա, ԱՄՆ |
| Քաղաքացիություն |  ԱՄՆ |
| Կրոն | քրիստոնեություն |
| Մասնագիտություն | Դերասանուհի, երգչուհի |
| Ակտիվ շրջան | 1994 - այժմ |
| Ընտրանի | Լրտեսների երեխաները, Լրտեսների երեխաները 2. Անիրականալի հույսերի կղզին, Լրտեսների երեխաները 3. Խաղն ավարտված է և Լրտեսների երեխաները 4D |
| Ամուսին(ներ) | Պենա Կառլոս |
| Երեխա(ներ) | Ocean PenaVega?, Kingston PenaVega? և Rio PenaVega? |
| alexa-vega.com | |
 Ալեքսա Վեգա՝ Վիքիպահեստ | |
Կենսագրություն
Ալեքսա Վեգան ծնվել է Մայամիում, Ֆլորիդա նահանգ, ԱՄՆ։ Հայրական գծով կոլումբիացի է, քրիստոնյա է։ Ալեքսան իր ընտանիքի յոթ երեխաներից ամենամեծն է։ 1990 թվականին Ալեքսայի ընտանիքը տեղափոխվել է Լոս Անջելես, Կալիֆոռնիա։ Նրա մայրը՝ Ջինա Ռյուն ֆոտոմոդել էր, քույրերից մեկը՝ Մաքենզին դերասանուհի է («Սղոց», «Մեղքերի քաղաք»)։ Բացի Մաքենզիից ունի երեք քույր՝ Մարգո, Կրիզիա, Գրեյլին, և երկու եղբայր՝ Քրուզ և Ջեթ։ Ալեքսայի ծնողները բաժանվեցին և աղջիկը մեծացավ խորթ հոր հետ։
Կարիերա
Ալեքսան առաջին անգամ նկարահանվել է 6 տարեկան հասակում՝ «Փոքրիկ հսկաներ» ֆիլմում (1994), Էդ Օ’Նիլի աղջկա դերում։ 1990-ական թվականներին Վեգան նկարահանվել է մի շարք ֆիլմերի և հեռուստասերիալների դրվագներում («Շտապ օգնություն» «Այդ ամենը», «Ինն ամիս», «Տորնադո» և այլն)։
Ալեքսայի առաջին խոշոր դերը Կարմեն Կորտեսն էր՝ Ռոբերտ Ռոդրիգեսի ֆանտաստիկ «Լրտեսների երեխաները» ֆիլմում։ Ֆիլմը դարձավ բլոքբաստեր և միանգամից աղջկան բերեց հանրաճանաչություն։ Վեգան նկարահանվեց ֆիլմի բոլոր չորս մասերում, կատարեց բոլոր հնարքները ինքնուրույն, առանց կասկադյորների օգնության և ինքն էլ ձայնագրեց մի քանի երգեր ֆիլմի համար։ Այդ պահից սկսած Վեգան սկսեց մասնագիտորեն զբաղվել երգարվեստով։ 2007 թվականին առաջին անգամ հանդես եկավ որպես երգչուհի բրոդվեյյան «Մազերի լաք» մյուզիքլում՝ կատարելով Փենի Քինգլփոնի դերը[3]։
Ի տարբերություն շատ երեխա դերասանների, որոնց կարիերան ընդհատվում է մեծ տարիքում, Վեգան շարունակում է նկարահանվել բավականին ինտենսիվորեն։ Նա հաճախ մասնակցում է մյուզիքլների։ Վեգան իր ամենավառ դերերից մեկը խաղացել է 2008 թվականի «Ռիպո. Գենետիկական օպերա» ֆանտաստիկ կինո-մյուզիքլում, որտեղ Ալեքսան խաղացել է գլխավոր հերոսուհու՝ Շայլոյի դերը (նաև վոկալային մասը)։
2012 թվականին դուրս եկավ նոր մյուզիքլ Վեգայի մասնակցությամբ՝ «Սատանայական կառնավալ», նաև «Ծրագիր „Հղիություն“ » ֆիլմը, որում Ալեքսան խաղաց գլխավոր հերոսուհու՝ 17 տարեկան Գաբի Ռոդրիգեսի դերը, ով հղի է ձևանում իր դպրոցական ծրագրի համար, որը վերաբերվում էր հղի դեռահասների հանդեպ վերաբերմունքին։
2003 թվականին «Vanity Fair» ամսագիրը Ալեքսա Վեգային անվանեց երիտասարդ դերասանուհիներից ամենասեքսուալներից մեկը[4]։
Անձնական կյանքը
2010 - 2012 թվականներին Ալեքսան ամուսնացած է եղել կինոպրոդյուսեր Շոն Կովելի հետ[5]։
2012 թվականի վերջից Ալեքսան հանդիպում էր դերասան Կառլոս Պենայի հետ[6]։ 2013 թվականի սեպտեմբերին զույգը հայտնեց նշանադրության մասին[7]։ 2014 թվականի հունվարի 4-ին Ալեքսան և Կառլոսը ամուսնացան Պուերտո Վալյերտայում, Մեքսիկա[8]։
Կառլոսն ու Ալեքսան միացրեցին իրենց ազգանունները, և հիմա երկուսն էլ կրում են ՊենաՎեգա ազգանունը (անգլ.՝ PenaVega)[9]:
Ֆիլմագրություն
| Թվական | Անվանում | Դեր | Նշումներ |
|---|---|---|---|
| 1994 | Փոքրիկ հսկաներ | Պրիսցիլլա | |
| 1995 | Ինը ամիս | Մոլլի Դոյեր | |
| 1996 | Տորնադո | Ջո Հարդինգ (5 տարեկան) | |
| 1996 | Փշրված միտք | Սառա | Հայտնի է նաև «Ահաբեկչություն ներսում» անվանումով |
| 1996 | Շողե մարդը | Քոլի աղջիկը | |
| 1996 | Միսիսիպիի ուրվականները | Քլեյր Դելավեր | |
| 1998 | անգլ.՝ Dennis the Menace Strikes Again | Ջինա | Դարձել է վիդեո-ֆիլմ |
| 1999 | Օվկիանոսի ամենահատակում | Քերի Կապադորսա | |
| 2000 | Վազիր վայրի դաշտերում | Օփալ Միլլեր | |
| 2001 | Հետևիր աստղերի տանը | Էմի Ուիլյամս | Հայտնի է նաև Երկրորդ հնարավորություն անվանումով (Ավստրալիա) |
| 2001 | Լրտեսների երեխաները | Կարմեն Կորտես | |
| 2002 | Լրտեսների երեխաները 2. անիրականալի հույսերի կղզին | ||
| 2003 | Լրտեսների երեխաները 3։ Խաղն ավարտված է | ||
| 2004 | Գիշերային հավաքույթ | Ջուլի Քորկի | |
| 2005 | անգլ.՝ Odd Girl Out | Վանեսա Սնայդեր | |
| 2006 | Պետության ապացույցները | Սենդի | Դարձել է վիդեո-ֆիլմ |
| 2006 | Ամուսնացնելով Աստծուն | Իվի | Կարճամետրաժ ֆիլմ |
| 2007 | Հիշել զարմանքը | Հոլի | |
| 2008 | Ռիպո. Գենետիկական օպերա | Շիլո Ուալաս | |
| 2009 | Ամնեղ | Էշլի | Ի սկզբանե Խխունջ խորագրով |
| 2009 | Կոտրված բլուր | Քեթ Ռոգերս | |
| 2010 | Մայրերի օր | Ջեննա Լաթեր | |
| 2010 | Սրճարան | Սելլի | |
| 2011 | Պրադայից Նադա | Մերի Դոմինգես | |
| 2011 | Ամառային երգ | Էլլի | |
| 2011 | Լրտեսների երեխաները 4D | Կարմեն Կորտես | |
| 2012 | Սատանայական կառնավալ | Ուիք | |
| 2013 | Առատաձեռն մարդասպան | Սթյուարդես | |
| 2013 | Լքված հանքը | Էշլի | |
| 2013 | Մաչետեն սպանում է | Քիլիջոյ | |
| 2013 | Որսորդները' | Դիլան Սավինի | |
| 2014 | Ժամագործ աղջիկը | Թեսլա | |
| 2014 | Ամբարիշտ արյուն | Էմբեր | |
| 2014 | Ակադեմիայի կոդը | Լիբբի | |
| 2014 | Մեղքերի քաղաք. Կին, հանուն որի արժե սպանել]] | Գիլդա | |
| 2014 | 23 Պայթյուն | Էշլի | |
| 2015 | Պահեստամասեր | Կառլա | |
| 2015 | Դու հավատու՞մ ես | Լեյսի | |
| 2015 | Փնտրվում է սենյակի հարևան | Ջենի | |
| 2015 | անգլ.՝ Pixies | Միշել Մեյերս (ձայնը) | Հետընտրական արտադրության |
Հեռուստատեսություն
| Թվական | Անվանում | Դեր | Նշումներ |
|---|---|---|---|
| 1993–1994 | Երեկոյան երանգ | Էմիլի | 6 դրվագ |
| 1995 | Շտապ օգնություն | Բոնի Հոու | Դրվագ՝ Անքուն Չիկագոյում |
| 1995 | Չիկագոյի հույսը | Սառա Ուիլմեթ | Դրվագ՝ «Ամեն օրը փոքրիկ մահ է» |
| 1995 | անգլ.՝ It Was Him or Us | Երիտասարդ Քերի | Ֆիլմ |
| 1996 | Խոստում Քերոլայնին | Երիտասարդ Քեյ | Ֆիլմ |
| 1996 | Կյանքի աշխատանքը | Թես Հանթեր | Փորձնական դրվագ |
| 1998 | Հոյակապ յոթը | Օլիվիա Գրիեր | Դրվագ՝ «Safecracker» |
| 1998 | Ունենալ և պահել | Քելի Մքգրաիլ | 7 դրվագ |
| 1999 | անգլ.՝ NetForce | Սուսի Միշելս | Մինի սերիաներ |
| 1999 | Տղամարդ կանայք | Ուենդի Ստայլզ N 2 | 9 դրվագ |
| 2002 | Այդ ամենը | Կարմեն Կորտես | Դրվագ՝ «Լրտեսների երեխաներ/Խաղ» |
| 2003 | Բերնի Մաք շոուն | Ջիլ | Դրվագ՝ «Կախարդական Հորդանան» |
| 2003 | Առևտրական տարածքներ. Տղաները ընդդեմ աղջիկների | Ինքը | Դրվագ՝ «Եղբայրներ և քույրեր. Էլին ընդդեմ Կալիի» |
| 2005 | Տարօրինակ աղջիկը դրսում | Վանեսա | Ֆիլմ |
| 2006 | Գործադուկ | Պաուկա Քրիսոստոմո | Ֆիլմ |
| 2009 | Ուրվականների հետ զրուցողը | Սերենա | Դրվագներ՝ «Անսահման սեր» |
| 2009 | Ռուբին և Ռոքիթսը | Ռուբի Գալահեր | |
| 2010 | Միջինը | Մորգան | Դրվագներ՝ «Ընդմիջումը» և "Անհանգիստ պարտականություն" |
| 2012 | Ծրագիր «հղիություն» | Գաբի Ռոդրիգես | Ֆիլմ |
| 2012 | Առանց հսկողության | Քրիստինա | Հիմնական դեր |
| 2012 | Արքայական ցավեր | Հոլիսթեր | Դրվագ՝ «Անկատար փոթորիկ» |
| 2013 | Դեպի մեծ ժամանակներ | Ինքը | Դրվագ՝ «Մեծ ժամանակի երազանքներ» |
| 2014 | Ապագայի մարդիկ | Հիլարի Քոլ | 8 դրվագ |
| 2014 | Որսորդները | Դիլան Սավինի | Ֆիլմ |
| 2014 | անգլ.՝ Courtside | Ինքը | Դրվագ՝ «Ալեքսա Վեգա» |
| 2014 | անգլ.՝ Muertoons | Ռոզիտա (ձայնը) | 2 դրվագ |
| 2014–այժմ | Նեշվիլ | Կայլի Բրեներ | Պարբերական դեր |
| 2015 | Մենտալիստը | Լիլի Սթոփարդ | Դրվագ՝ «Նրա աչքերի սպիտակը» |
Ծանոթագրություններ
Արտաքին հղումներ
 | Վիքիպահեստն ունի նյութեր, որոնք վերաբերում են «Ալեքսա Վեգա» հոդվածին։ |