Ալբերտ Աֆյան

Ալբերտ Աֆյանը ծնվել է 1974 թվականի հունվարի 15-ին։

Ֆուտբոլ խաղացել է պաշտպանի դիրքում։ 1993 թվականից Հայաստանի առաջնությունում հանդես է եկել Աբովյանի «Կոտայքում»։ Առաջին իսկ մրցաշրջանում ամրապնդվել է հիմնական կազմում՝ անցկացնելով 28 հանդիպում։ Ընդհանուր առմամբ, 1993-1997 թվականներին երկրի առաջնությունում մասնակցել է 124 հանդիպման, խփել է 9 գոլ։ 1995 թվականին դարձել է Հայաստանի ոչ պաշտոնական առաջնության բրոնզե մեդալակիր^[1]։

Հաջորդ երկու մրցաշրջաններն անցկացրել Է Ռուսաստանի երկրորդ լիգայում։ 1998 թվականին Վլադիմիրի «Տորպեդոյի» կազմում անցկացրել է 37 հանդիպում և խփել 2 գնդակ, 1999 թվականին Պրոխլադնիի «Կավկազկաբելի» կազմում մասնակցել է 5 հանդիպման և վիճակահանության ընթացքում վերադարձել է Հայաստան, որտեղ սկսել է խաղալ Երևանի «Կիլիկիայում»^[2][3]։ Երկու մրցաշրջանների ընթացքում նրա կազմում անցկացրել է 47 խաղ^[1]։

Կարիերայի մնացած մասը նույնպես անցկացրել է Հայաստանի առաջնությունում։ 2001 թվականին 20 հանդիպում է անցկացրել Երևանի «Բանանցի» կազմում, 2002 թվականին՝ 14 հանդիպում Երևանի «Սպարտակի» կազմում։ 2003 թվականին Աֆյանը 12 խաղ է անցկացրել «Կոտայքում» Բարձրագույն խմբում և 1 խաղ «Կոտայք-2003»-ում՝ Առաջին խմբում։ 2004-2005 թվականներին պաշտպանել է Երևանի «Դինամո Զենիթի» գույները, մասնակցել է 52 հանդիպման, դարձել 1 գոլի հեղինակ^[1]։

«Կոտայք»

• Հայաստանի առաջնության բրոնզե մեդալակիր (1) - 1995
• Հայաստանի գավաթի խաղարկության եզրափակչի մասնակից (2) - 1995, 1995/96