Աարոն Կոնոլի

Աարոն Կոնոլի; Aaron Connolly
Անձնական տվյալներ
Ամբողջական անուն	Aaron Anthony Connolly
Քաղաքացիությունը	Իռլանդիա
Ծննդյան ամսաթիվ	հունվարի 28, 2000 (24 տարեկան)
Ծննդավայր	Գոլուեյ, Կոննախտ, Իռլանդիա
Հասակ	175 սմ
Դիրք	հարձակվող
Ակումբային տեղեկություններ
Ներկա ակումբ	Բրայթոն ընդ Հոուվ
Համար	44
Պատանեկան կարիերա
2011-2016	Մերվյու Յունայթեդ
2016-2017	Բրայթոն ընդ Հոուվ
Մասնագիտական կարիերա*
Ազգային հավաքական‡
	* Մասնագիտական կարիերայում ընդգրկված են միայն առաջնության խաղերը և գոլերը ; ըստ դեկտեմբերի 23-ի, 2019:; ‡ Ազգային հավաքականի խաղերն ու գոլերը ըստ դեկտեմբերի 23-ի, 2019

Աարոն Կոնոլի (անգլ.՝ Aaron Connolly, հունվարի 28, 2000(2000-01-28)^[1], Գոլուեյ, Կոննախտ, Իռլանդիա), իռլանդացի պրոֆեսիոնալ ֆուտբոլիստ։ Ներկայումս հանդես է գալիս Բրայթոն ընդ Հոուվ Ալբիոնի և Իռլանդիայի ազգային հավաքականի կազմում։ Խաղում է հարձակվողի դիրքում^[2]։

Ակումբային կարիերա

Բրայթոն ընդ Հոուվ Ալբիոն

Կոնոլին հանդես է եկել Մարի/Օրանմորի և Մերվյու Յունայթեդի ակադեմիաներում^[3]։ 2016 թվականին նա միացավ Բրայթոն ընդ Հոուվ Ալբիոնի երիտասարդական թիմին^[4]^[5]՝ ակումբի հետ կնքելով 2 տարվա կրթաթոշակ^[6]։ Իր պրոֆեսիոնալ դեբյուտը նշեց 2017 թվականի օգոստոսի 22-ին՝ փոխարինման մտնելով Անգլիայի լիգայի գավաթի Բարնետի դեմ խաղում^[7]^[8]։ 2019 թվականի հունվարի 31-ին Կոնոլին երկարաձգեց իր պայմանագիրը Բրայթոնի հետ մինչև 2022 թվականը^[9]^[10]^[11] և մինչև մրցաշրջանի ավարտը վարձավճարով միացավ Լուտոն Թաունին^[12]^[13]^[14]։ Իր դեբյուտը ակումբի կազմում նշեց ապրիլի 13-ին՝ Չառլտոն Ատլետիկի դեմ խաղում^[15]^[16]։ Լուտոն Թաունի կազմում Կոնոլին անցկացրեց 2 հանդիպում^[17]։

Իր առաջին գոլը պրոֆեսիոնալ կարիերայում Կոնոլին խփեց 2019 թվականի օգոստոսի 27-ին՝ Անգլիայի լիգայի գավաթի Բրիստոլ Ռովերսի դեմ խաղում^[18]^[19]։ Առաջին հանդիպումը Պրեմիեր Լիգայում անցկացրեց օգոստոսի 31-ին՝ փոխարինելով Նիլ Մոպեին Մանչեսթեր Սիթիի դեմ խաղում^[20]^[21]։ Թիմի մեկնարկային կազմում Պրեմիեր Լիգայում Կոնոլին առաջին անգամ խաղադաշտ դուրս եկավ հոկտեմբերի 5-ին՝ Տոտենհեմ Հոտսպուրի դեմ խաղում^[22]^[23]։ Այս խաղում իռլանդացին դարձավ դուբլի հեղինակ՝ օգնելով Բրայթոնին հաղթել 3-0 հաշվով^[24]^[25]։ Հոկտեմբերի 26-ին նա 11-մետրանոց վաստակեց Էվերթոնի դեմ խաղում, որը հաջողությամբ իրացրեց Նիլ Մոպեն^[26]^[27]։

Միջազգային կարիերա

Կոնոլին ներկայացրել է Իռլանդիան տարբեր տարիքային երիտասարդական հավաքականներում^[28]։ 2017 թվականին նա մինչև 17 տարեկանների հավաքականի կազմում մասնակցեց Եվրոպայի առաջնությանը՝ խաղադաշտ դուրս գալով թիմի բոլոր 4 հանդիպումներում^[29], իսկ Իռլանդիան հասավ մրցաշարի կիսաեզրափակիչ, որտեղ 1-0 հաշվով պարտվեց Անգլիային^[30]^[31]։

Իռլանդիայի ազգային հավաքական Կոնոլին առաջին անգամ հրավիրվեց 2019 թվականի հոկտեմբերի 5-ին՝ Վրաստանի և Շվեյցարիայի դեմ խաղերի համար^[32]^[33]^[34]։ Իր դեբյուտը ազգային հավաքականում նշեց հոկտեմբերի 12-ին՝ փոխարինման մտնելով Վրաստանի դեմ խաղում^[35]^[36]։ Հավաքականի մեկնարկային կազմում նա առաջին անգամ խաղադաշտ դուրս եկավ հոկտեմբերի 15-ին՝ Շվեյցարիայի դեմ խաղում^[37]^[38]։

Կարիերայի վիճակագրություն

Ակումբային վիճակագրություն

2019 թվականի դեկտեմբերի 23-ի դրությամբ^[39]

Ակումբ	Մրցաշրջան	Առաջնություն			Գավաթ		Եվրոպա		Այլ		Ընդհանուր
Ակումբ	Մրցաշրջան	Դիվիզիոն	Խաղեր	Գոլեր	Խաղեր	Գոլեր	Խաղեր	Գոլեր	Խաղեր	Գոլեր	Խաղեր	Գոլեր
Բրայթոն ընդ Հոուվ Ալբիոն	2017–18	Պրեմիեր Լիգա	0	0	0	0	—		1	0	1	0
	2018–19		0	0	0	0			1	0	1	0
	2019–20		12	2	0	0			2	1	14	3
	Ընդհանուր		12	2	0	0	0	0	4	1	16	3
Լուտոն Թաուն (վարձավճար)	2018–19	Լիգա Մեկ	2	0	0	0	—		0	0	2	0
Կարիերայի ընդհանուր			14	2	0	0	0	0	4	1	18	8

Միջազգային վիճակագրություն

2019 թվականի դեկտեմբերի 23-ի դրությամբ^[40]

Իռլանդիա
Տարի	Խաղեր	Գոլեր
2019	2	0
Ընդհանուր	2	0

Ծանոթագրություններ

Արտաքին հղումներ

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]

[22]

[23]

[24]

[25]

[26]

[27]

[28]

[29]

[30]

[31]

[32]

[33]

[34]

[35]

[36]

[37]

[38]

[39]

[40]

Search