Tšadow (Wětošow)
Tšadow (prjedy tež Kšadow; němsce Stradow) je delnjołužiska wjes w braniborskim wokrjesu Hornje Błóta-Łužica a wot lěta 2002 gmejnski dźěl Wětošowa. Ma něhdźe 250 wobydlerjow a nadeńdźe so při južnej kromje Błótow, tři kilometry sewjernje Wětošowskeho stareho města při Wětošowskej młynskej rěčce (Mühlenfließ).
město: | Wětošow | ||||
zagmejnowanje: | 2002 | ||||
wobydlerstwo: | 267 (31. decembra 2022)[1] | ||||
wysokosć: | 56 metrow n.m.hł. | ||||
51.80829614.07357256 | |||||
póstowe čisło: | 03226 | ||||
předwólba: | 035433 | ||||
wotwodźene słowa: |
| ||||
Kubło z lěta 1886 | |||||
wikidata: Tšadow (Q2352729) |
Susodne wjeski su Długi za Łučnym hatom na wuchodźe, Wóškalawa a město Wětošow na juhu, Chórice na juhozapadźe a Raduš na sewjerozapadźe. Na sewjeru nadeńdu so Tšadowske haty, kotrež słušeja do přirodoškitneho pasma.
Stawizny
Wjes w formje rjadowca naspomni so prěni raz w lěće 1355. Hižo w 9. lětstotku wobsteješe pak serbske hrodźišćo na městnje dźensnišeho hrodowskeho parka. W lěće 1878 załoži so prěnja Tšadowska šula. Hač do 20. lětstotka bě puć do Tšadowa slepa hasa a wjes sama poslednja před Błótami.
Po statistice Arnošta Muki měješe Tšadow we 1880tych lětach cyłkownje 414 wobydlerjow, z nich 400 Serbow a 14 Němcow.[2] W lěće 1956 zwěsći Arnošt Černik serbskorěčny podźěl wobydlerstwa wot jenož hišće 6,2 %.[3]
Hač do 31. decembra 2001 bě Tšadow samostatna gmejna.
Kublerski dom a wojerski pomnik słušatej do zapisanych kulturnych pomnikow města Wětošowa.
Nóžki
Wotkazy
![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
- Informacije na webstronach města Wětošowa (němsce)
- Tšadow w datowej bance delnjoserbskich městnych mjenow na dolnoserbski.de (delnjoserbsce)
městnostne dźěle:Herpna (Repten) |Hogrozna (Ogrosen) |Chórice (Göritz) |Kósojce (Koßwig) |Łaz (Laasow) |Njabožkojce (Naundorf) |Pšyne (Missen) |Raduš (Raddusch) |Tšadow (Stradow) |Zušow (Suschow)
gmejnske dźěle:Běłośin (Belten) |Długi (Fleißdorf) |Gołyń (Gahlen) |Huštań (Wüstenhain) |Łoboźice (Lobendorf) |Tarnojsk (Tornitz) |Wusoka (Märkischheide)